प्रेरितो कै काम 5:21 - Sirmouri

²¹ ऐजो शुँणियों से झ़ीषौ भेंयासरो दे ही देऊँठी दे हुटे; अरह् लोगों खे शिक्क्षा देंदे लागे। तबे महाँ-याजक अरह् तिनके साथी ऐ आऐयों बड़ी खुम्ल़ी करी, अरह् इस्राएलियों के बादे पुराँणियाँ कठै करे, अरह् कय्दी खाने खे ऐजा शुज़ा दिता के खास-चैले उडे आँणों।

सिरमौरी नौवाँ नियम

²¹ चोणेयौंदे चैलै ऐजौ शोणेयो झीशींदै मन्दिर दै हौटै औरौ जैशै तिनुकै स्‍वर्गदूतै बौताए राए थियु तैशैकैई उपदैश दैणा शुरु कौरा। पौरौ महायहूदी पुरोहित औरौ तैसकै साथीए आयौ महासभा कौ औरौ इस्राएल देश कै लोगौ कै सौबै बुड़ेईक कै कौठै कौरे औरौ कोयदखाने दा सौंदेश भैजा, कै तिनु लाव।

प्रेरितो कै काम 5:21 ပူးပေါင်းရင်းမြစ်များ

मत्ती 5:22

परह् हाँव तुँओं खे ऐजो बुलू, के जू कुँऐं आप्णें भाई गाशी कुरूध करला, से दाल्ती दा सजा ज़ुगा हला। अरह् जुण्जा कुँऐ आप्णें भाई खे निकारा बुल्ला, से बड़ी खुम्ल़ी दा सजा ज़ुगा हला, अरह् जुण्जा कुँऐं बुलो, के ‘ओ मुरूख’, से नंगरक की आगी की सजा ज़ुगा हला।

लूका 22:66

जबे देस आव, तअ लोगो के ठगड़े, अरह् मुख्य-याजकों, अरह् यहूदी-निय्म के शिखाँणों वाल़े लोग कट्ठै हुऐ; अरह् तिनू आप्णी बड़ी खुम्ल़ी दे नीऐयों तिनू पुछ़्दे लागे।

यूहन्ना 18:35

हाकम-पिलातुस ऐ जबाब दिता, “कियों हाँव भे यहूदी असो? तुवाँरे आप्णीं ही जात्ती के लोगे ऐ, अरह् मुँख्या-याजक ऐं, ताँव मेरे हवाले करी थुवा; ऐबे बुल, ऐष्णों तुऐं का करी थो?”

यूहन्ना 8:2

अरह् हजो झ़ीषों-भैयाँसरो आरी देऊँठी दे आऐ; अरह् तबे बादे लोग कट्ठै हऐयों तिन कैई आऐ, अरह् से बऐठियों तिनखे शिक्षा अरह् बचन का ज्ञाँन देंदे लागे।

प्रेरितो कै काम 22:15

किन्देंखे के ताँव पंण्मिश्वर की ढबे शी, बादे आदमी के सहाम्णें तिनू बातो के गुवाऐ-शाज़्त्त देंणी पड़ो; जुण्जी तुऐं देखी थंई, अरह् शुँणीं थंई।

प्रेरितो कै काम 22:5

महाँ-याजक अरह् बादे बुड़े बुजूर्गो की बादी बड़ी खुम्ल़ी मेरी ईनू बातो के गुवाह्-शाज़्त्त असो; अरह् तिन्ऐं ही मुँह पत्री देऐयों दमिश्क के भाईयों कैई डेयाल़ा, के हाँव तेथै के लोग जू ऐसी मंत्त-शीख्ह के माँनणों वाल़े असो; तिनू बाँनियों यरूशलेम दे आँणू, अरह् तिनखे सजा देंयाऊँ।”

प्रेरितो कै काम 5:17

ऐजो देखियों महाँ-याजक अरह् तिनके बादे साथी, अरह् सदूकियों समाँज के लोग, मीष-जल़्ण शे भरी गुऐ।

प्रेरितो कै काम 5:27

तबे तिन्ऐ खास-चैले तेथै बंड़ी खुम्ल़ी के सहाम्णें करे, अरह् महाँ-याजक ऐं तिन कैई शो ऐजो पुछ़ो।

प्रेरितो कै काम 5:34

परह् गमलीएल नाँव का ऐक यहूदी भाट-बाँम्ण थिया, जुण्जा रित्ती-रूवाज अरह् यहूदी-निय्म का माँष्टर थिया; अरह् बादी जंन्त्ता तेस्की आदर-ईज्त्त करह् थिऐ, तबे से खुम्ल़ी दा ऊँबा खह्ड़ा हुवा; अरह् तेने खास-चैले खे ऐग्ड़ी बाँईडे नींहणों के अज्ञाँ दिती।

प्रेरितो कै काम 5:41

खास-चैले आँन्दित्त-खुशी हऐयों तियों बड़ी खुम्ल़ी के च़ौत्रें शे आगु हुटे, के आँमों प्रभू यीशू के नाँम शे बै-ईज्त्ते करे गुऐ; ईन्देंखे आँमें बै-जाऐ भागोंईत्त असो!