प्रेरितो कै काम 4:5 - Sirmouri

⁵ दुज़े देसे यरूशलेम दी हाकमों, अरह् ठंगड़ै बुड़ै-बुजूर्गो, अरह् यहूदी-निय्म के शिक्षा देणों वाल़े लोगो के खुम्ल़ी हऐ।

सिरमौरी नौवाँ नियम

⁵ दूजै दूसै तिनकै नेता, बुड़ेईक औरौ यहूदी शास्त्री यरूशलेम शहर दै कौठै हुवे।

प्रेरितो कै काम 4:5 ပူးပေါင်းရင်းမြစ်များ

मरकुस 15:1

भैयासर हंदे ही प्रधान-याजको, अरह् ठगड़ै, अरह् यहूदी-निय्म के शिखाँणों वाल़े, अरह् बादी च़ौऊँ खत्ती के खुम्ल़ाईच़ूऐ सलाह्-ठाट करी के यीशू बाँनियों हाक्म पिलातुस कैई देऐ दियों।

लूका 20:1

ऐक देस ऐशो हुओ, के जबे प्रभू यीशू ऐ, देऊँठी दी लोगो खे शिक्क्षा देऐ लऐ थी, अरह् खुषख्बरी का बखाँण शुँणाँदें लागे, तअ मुख्या-याजक अरह् यहूदी-निय्म के शिखाँणों वाल़े, अरह् लोगो के मुँख्या लोग तिन कैई आऐ।

लूका 22:66

जबे देस आव, तअ लोगो के ठगड़े, अरह् मुख्य-याजकों, अरह् यहूदी-निय्म के शिखाँणों वाल़े लोग कट्ठै हुऐ; अरह् तिनू आप्णी बड़ी खुम्ल़ी दे नीऐयों तिनू पुछ़्दे लागे।

लूका 23:13

हाकम-पिलातुस ऐ, मुँख्या-याजकों, अरह् नंम्बरदार, अरह् लोग बऐदियों तिनखे बुलो।

लूका 24:20

परह् मुँख्या-याजकों, अरह् नंम्बरदारे तिनू थंहम्बड़ाऐ अरह् तिनखे मंऊँत्ती की सजा शुँणाँऐ, अरह् तिनू शुँल़ी-फ़ाँशी टाँग्गी दिते।

प्रेरितो कै काम 4:8

तबे: संत्त-पतरस ऐ पबित्र-आत्त्मा शो भरियों तिनखे बुलो, के “जंन्त्ता के हाकमों, अरह् बुड़ै-बुजूर्गों!

प्रेरितो कै काम 5:34

परह् गमलीएल नाँव का ऐक यहूदी भाट-बाँम्ण थिया, जुण्जा रित्ती-रूवाज अरह् यहूदी-निय्म का माँष्टर थिया; अरह् बादी जंन्त्ता तेस्की आदर-ईज्त्त करह् थिऐ, तबे से खुम्ल़ी दा ऊँबा खह्ड़ा हुवा; अरह् तेने खास-चैले खे ऐग्ड़ी बाँईडे नींहणों के अज्ञाँ दिती।

प्रेरितो कै काम 6:12

अरह् ऐशे दाँई लोगों के दाँने-माँने अरह् यहूदी निय्म के शिकाणों वाल़े लोग भड़्काणों पाछ़ी तिन्ऐं ऐक-दंम स्तिफनुस थाँहम्बड़ियों बड़ी खुम्ल़ी के सहाँम्णें आगु नींयाँ।