प्रेरितो कै काम 4:34 - Sirmouri

³⁴ तिनू बिश्वाषियों की मँडल़ी दा कुऐ भे गंरीब ने थी: किन्देंखे के जिनू कैई जीम्मी-खैच़, के घरह्-बार थियो; से बादे झुणें तिनू बीकियों धनं राशी, तिनू खास चैले के लात्तो कैई थंऐ दियों थिऐ।

सिरमौरी नौवाँ नियम

³⁴ तिनुमुंजी कुणिए बै गरीब नी थी, जिथुकै जिनुकैईं जमीन या घोर थिए, सै तिनी कै बिक-बिकैयो, बिकयौंदे चीज़ौ कै रुपीये लायो तिनु चोणेयौंदे चैलै खै दैय दैंव थिए।

प्रेरितो कै काम 4:34 ပူးပေါင်းရင်းမြစ်များ

मत्ती 19:21

प्रभू यीशू ऐ तेस्खे बुलो, “जे तू हर बातो दा साचा-पाका बंण्णों चहाँऐं, तअ ज़ा, आप्णों सब-कुछ बीकियों कंगाल-गरीबों खे दे, अरह् मुँह पाछी आ, तबे ताँव्खे स्वर्गो दो धंन भेट्लो।”

मरकुस 10:21

प्रभू यीशू ऐ तेसी पियार शा तेसी टक-टकी लाऐयों दे:खा; अरह् तेस्खे बुलो, “ताँव दे ऐक कमी हजो भे असो, ज़ा जू किऐ ताँव कैई असो, तैथू बिकियों गरीब कंगालो खे बाँडी दे, अरह् मुँह पाछी चाल, अरह् ताँव स्वर्गो दो धंन भेंट्दो,”

लूका 12:33

आप्णी बादी संम्पत्ति बीकियों, गरीबों खे दाँण करी दियों; अरह् आपु खे ऐशे बोटू बाँणों, जू कोद्दी ने खीणिदे ना चींरिदे, ईन्देंखे स्वर्गो दो धंन कट्ठो करह्; तेथै ना तअ चोर पड़्दे, अरह् ना किऐ कीड़ा-सुल़्की लाग्दी।

लूका 16:9

“ईन्देंखे हाँव तुँओं खे बुलू, के संईसारीक धंन-संम्पत्ति लई आपु खे दोस्त्त बाँणों; किन्देंखे के जबे सेजो संईसारीक धंन-संम्पत्ति तुओं कैई ने रंह, तअ से तुओं हमेशा के घरह् दे नींयों।

लूका 22:35

तबे प्रभू यीशू ऐ चैले खे बुलो, के “जबे मुँऐ तुँओं बोटू, झूल़ा, अरह् जूत्ते के बिना डेयाल़े थिऐ; तअ कियों तुवाँरे किऐ कंम्मी-पैशी हऐ थी? बिलकुल ने चैले ऐं जबाब दिता।”

प्रेरितो कै काम 2:45

सेजे बिश्वाषी लोग आप्णीं-आप्णीं जजाऐत्त, घरोऊँच़ी बीकी-बीकियों जैष्णी कोसी भी भाई-बंऐणीं खे किऐ जरूरत हों थी, तेष्णों ही तिनके जरूरत्त के मुँताबि सब-कुछ बाँडी-बाँडियों दियों थिऐ।

प्रेरितो कै काम 4:37

तैस कैई किऐ जींम्मी थी, जियों जिम्मीं तेने बिकी दिती, अरह् दामों के रूपिऐं लियाऐयों प्रभू यीशू के खास-चैले के लातो गाशी थंऐ दित्ते।

2 कुरिन्थियों 8:14

ऐसी बख्ते तअ तुँवारी बड़ोत्री तिनकी जरूरत पुरी कर्णो खे बैजाऐ असो; परह् कोद्दी ऐशो ने हईयों के तुवाँरे भे जरूरत पड़ो, अरह् से भे तुँवारी सहाऐता करह्, तबे तुऐं दुईने ढूंग ऐक-भाँते बराबर हंदे।

1 थिस्सलुनीकियों 4:12

जू बाईले लोगो कैई शी आदर-ईज्ज्त्त भेंटो, अरह् तुवाँरे कियों भी चींजो की कम्मी ने हो।

1 तीमुथियुस 6:19

ऐष्णों करियों से हजो खे स्वर्गीऐ धन कोठो करह्, मतल्व तेसी स्वर्गो दा बैजाई ईनाँम भेंट्दा; ईन्दें लई से साच्चा जीवन जीऊँला।

याकूब 1:27

परंम-पिता पंणमिश्वर के साम्णें साची अरह् शुद्ध भगत्ति सेजी ही असो, जू अनाँथों अरह् बिधवा के सु:ख-दु:ख दे मंदत करह्, अरह् आपु दा किऐ संईसारिक कल़ंक ने लागणों दियों।