प्रेरितो कै काम 4:32 - Sirmouri

³² बिश्वाषियों के मँडल़ी ऐक चींत्त ऐक मंन, अरह् ऐक प्राँण थिऐ; तिनू मुँझी कुँऐ भे आप्णीं जंजाऐत्त खे आप्णी ने संहम्झों थिऐ, अरह् जुण्जो किऐ तिन कैई थियों; तिन्दा सोभी का ऐक्भाँता बरा-बुर साजा थिया।

सिरमौरी नौवाँ नियम

³² बिशवाश कौरणौवाल़ौ कै मण्‍डली ऐक चित औरौ ऐकी मनो कै थी, इथै तौड़ी कै कुणिए बै आपणै जायदात कै आपणै नी बौल़ौ थिए, पौरौ सौबै ठुँ साझे को थियु।

प्रेरितो कै काम 4:32 ပူးပေါင်းရင်းမြစ်များ

यूहन्ना 17:11

“ऐबे हाँव ईयों संईसारी दा ने रंह्दी, परह् ऐजे लोग तअ ईयों ही संईसारी दे रंह्दे; अरह् हाँव तुँओं कैई आँदा लागा, हे पबित्र-पिता! ईनू आप्णें तेसी नाँव दे, जुण्जो नाँव तुँऐं मुँखे देऐ थो; तिन्दें बंचाऐयों थुऐ, अरह् ईनकी रक्षा करे, जू ऐजे लोग भे ऐक हों; जेष्णें आँमें ऐक असो।

प्रेरितो कै काम 1:14

तबे से बादे झुणें ऊकी कंऐ तिरोई आरी, अरह् प्रभू यीशू के माँ मरियम, अरह् प्रभू यीशू के भाई आरी ऐक मंन हऐयों प्रार्थना कर्दे लागे अंदे रूऐ।

प्रेरितो कै काम 2:1

जबे पिन्तेकुस्त तैयारोह् को देस आव, तअ बादे चैले ऐकी ठाँई कठै थिऐ।

प्रेरितो कै काम 5:12

खास-चैले के हाथै बैजाऐ चींह्न-चंम्त्तकार हंदे लागे, अरह् सेजे बादे बिश्वाषी लोग मीलियों सुलेमान के थाँन-चौ़त्रे दे कंट्ठै हों थिऐ।

रोमियों 12:5

तेष्णें ही आँमें जू बैजाऐ भहिते असो, से मसीया दे ऐक ही देह्-शरीर अरह् ओका ओकी का अंग असो।

1 कुरिन्थियों 1:10

हे मेरे भाऐ बंईणों, हाँव तुँओं शी अमाँरे प्रभू यीशू मसीया के नाँव शी ढाल-अरज करू, के तुँओं मुझी फुट् ने पड़ो, तुऐं ऐक ही मंन अरह् ऐक ही बात अरह् ऐक ही मत्त दे मिली-झुलियों रंह्।

2 कुरिन्थियों 13:11

तअ: हे भाऐ, बंईणों, आँन्दित्त-खुशी रंह्; साच्चै बण्दे ज़ाव; हिम्मत थुऐं; ऐक ही मंन थुऐ; मेल शे रूऐ। अरह् पियार अरह् शाँण्त्ति का दाता पंण्मिश्वर तुँवारी गईलो हला।

फिलिप्पियों 1:27

सिर्फ ऐतड़ो करह्, के तुवाँरा चाल-चल़्ण मसीया के खुषख्बरी के ज़ुगा हों, के हाँव आऐयों तुँओं देखू, भाँव ना देखू; परह् हाँव तुवाँरे बारे दो ऐजो ही शुणू, के तुँऐं ऐक ही आत्त्मा दे अट्ल़ असो, अरह् ऐक मंन हऐयों खुषख्बरी के बिश्वाष खे मेंह्नत कर्दे रंह्,

1 पतरस 3:8

तअ: बादे के बादे ऐक मंन अरह् दया-बंत भाईचारे को पियार थणों वाल़े, कृपा, अरह् दीन-नीम्ताई वाल़ा बणों।

1 पतरस 4:11

जे कुँऐं बचन बुलो, तअ तेष्णा बुलो, जेष्णाँ तेसी पंणमिश्वर कैई शा भेटियों तेने बुली लुवा; जे कुँऐं सेवा करह्, तअ तियों शक्त्ति शी करह्, जैष्णी पंणमिश्वर कैई शी भेटी रूऐ; जिन्दे लई बादी बातो दी प्रभू यीशू मसीया के जाँणें, पंणमिश्वर की बड़ियाऐ पर्गट हों; बड़ियाऐ अरह् शक्त्ति सदा-सदा तिनकी ही असो। आमीन।