प्रेरितो कै काम 4:30 - Sirmouri

³⁰ अरह् चाँग्गा कर्णो खे तुऐं आप्णा हाथ थुऐ, के चींह्न-चंम्त्तकार की काँम-काज़ तुवाँरें पबित्र दास यीशू के नाँव शे करी सको।”

सिरमौरी नौवाँ नियम

³⁰ औरौ ठीक कौरणौ कारिए तू आपणा हाथ औगौड़ियौ कौर कै चौमत्कारी निशान औरौ अनौखै काम तैरै पवित्र सेवक यीशु कै नांव लैई कौरे जांव।”

प्रेरितो कै काम 4:30 ပူးပေါင်းရင်းမြစ်များ

यूहन्ना 4:48

तबे प्रभू यीशू ऐ तेस्खे बुलो, “तुऐं लोग चींह्न-चंम्त्तकार देखे बिना बिश्वाष कैई ने कर्दे।”

प्रेरितो कै काम 2:22

“हे इस्राएली भाऐ-बंईणों! मेरी ऐजी बातो सुई करियों शुँणों: तुऐं लोग आपु भे जाँणों ऐं; के पंण्मिश्वर ऐं नाँसरत गाँव के यीशू के जाँणें; तुँओं लोगों के बीच दे केत्रै शक्त्ति-शाली, अरह् हरानी कर्णों वाल़े च़ींह्न-चंम्त्तकार देखाऐ थुऐ थिऐ; ईन्दें लई ऐजो साबित्त हऐ ज़ाँव, के नाँसरत गाँव के सेजे यीशू पंण्मिश्वर के ढबे शे ही तुँओं लोगों कैई डेयाल़े थुऐ थिऐ।

प्रेरितो कै काम 2:43

तिनू बादे लोगो दा डर-भंऐ संमाँऐ रूवा थिया, किन्देंखे के प्रभू यीशू के खास-चैले के जाँणें चींह्न-चंम्त्तकार के कारण तिनके तूरंबाँणच़ूड़ी थुऐ थिऐ।

प्रेरितो कै काम 3:13

अब्राहम, इसहाक, अरह् याकूब का पंण्मिश्वर ऐं, अमाँरे पुराँणियाऐं के पंण्मिश्वर ऐ; आप्णें सेंवक यीशू के बड़ियाऐं करी थऐ, जिनू तुँऐं लोगे ऐ थंहम्बड़ाऐ दित्ते, अरह् जबे हाकम-पिलातुस ऐ तिनू छ़ुड़्णों का ईरादा करा; तबे तुऐ लोग तिनू माँन्दे भाजी गुऐ।

प्रेरितो कै काम 3:16

प्रभू यीशू के नाँव दा, बिश्वाष कर्णो के कारण; तिन्ही के नाँम शा ऐसी आदमी खे जेसी तुऐं देखी लुवा, अरह् जेसी तुऐं जाँणों ऐ, ऐसी ऐजी शक्त्ति-ताक्त्त तिन्ही शी भेटी रंऐ, अरह् तेसी ही बिश्वाष ऐ ऐसी तुवाँरे सहाम्णें भला चाँग्गा करी दिता।

प्रेरितो कै काम 3:6

अरह् संत्त-पतरस ऐं बुलो, “मुँह कैई सुन्नों अरह् चाँदी तअ आथी नें; परह् जुण्जो किऐ मुँह कैई असो, सेजो ही हाँव ताँव्खे देऊँ: नासरत के रंहणों वाल़े, यीशू मसीया के नाँव शा बीऊँज अरह् ऊँडा-पुडा हाँड!”

प्रेरितो कै काम 4:10

तअ: तुँऐं बादे लोग अरह् इस्राएल की बादी जंन्त्ता ऐजो जाँणी पाव, के नासरत गाँव के रंहणों वाल़े यीशू मसीया के नाँव शा ऐजा आदमी च़ाँग्गा हंऐयों तुओं लोगो जेष्णा खह्ड़ा असो; जिन खे तुँऐं शुँल़ी-फ़ाँषी दिती थी, अरह् पंण्मिश्वर ऐ तिनू मँरे अँदे मुँझ्शै पाछ़ू ऊँबै जीऊँदे कंरे।

प्रेरितो कै काम 4:27

“सोत्तिखे खास करियों राजा-हेरोदेस अरह् हाकम-पिलातुस ऐं, गऐर यहूदी, अरह् इस्राएल की जंन्त्ता की गईलो, ऐसी नंगर दे तेरे पबित्र सेवक प्रभू यीशू के बिरूध जिनू तुऐं च़ूणीं-छ़ाँटी थुऐ थिऐ, तिनखे तिनू लोगे ऐं कैष्णी चाल चाली।

प्रेरितो कै काम 5:12

खास-चैले के हाथै बैजाऐ चींह्न-चंम्त्तकार हंदे लागे, अरह् सेजे बादे बिश्वाषी लोग मीलियों सुलेमान के थाँन-चौ़त्रे दे कंट्ठै हों थिऐ।

प्रेरितो कै काम 6:8

स्तिफनुस कृपा अरह् शक्त्ति शा भरियों लोगो मुँझी बड़े-बड़े काँम-काज़ अरह् चींह्न-चंम्त्तकार देखाँव थिया।