प्रेरितो कै काम 4:29 - Sirmouri

²⁹ प्रभू! ऐबे तुऐं तिनकी धंम्कियों गाशी ध्याँन दियों, अरह् आप्णें सेंवकों खे ऐजी दीड़-हिमम्त्त दे; के से निंडर हंऐयों तेरा बचन शुँणाँव।

सिरमौरी नौवाँ नियम

²⁹ ऐबै ओए रै प्रभु, तिनकी धोमकियो कै शुण, औरौ आपणै दासो कै ऐजा वरदान दै कै तैरा वचन बौड़ै हिम्मत शै शुणांव।

प्रेरितो कै काम 4:29 ပူးပေါင်းရင်းမြစ်များ

प्रेरितो कै काम 13:46

संत्त-पौलुस अरह् बरनबास ऐ नींडर हऐयों बुलो, “ऐजो जरूरी थियों, के आगे तुओं लोगो खे पंण्मिश्वर का बचन शुँणाँया ज़ाँदा, परह् जबे तुँऐं सेजा बचन माँनी ने, अरह् जबे तुऐ आपु खे अमर-जीवन पाँणों ज़ूगे ने जाँण्दे, तअ ऐबे आँमें गऐर-यहूदियों कैई ज़ाँदे लागे।

प्रेरितो कै काम 14:3

संत्त-पौलुस अरह् बरनबास बैजाऐ देसो तोड़ी तेथै रूऐ, अरह् प्रभू गाशी भोर्षा करियों, नींडर हऐयों प्रचार कर्दे रूऐ; अरह् प्रभू ऐं भे तिनके हाथै बैजाऐ चींह्न-चंम्त्तकार देखाऐयों आप्णीं कृपा की खुषख्बरी का नंतिजा देखाया।

प्रेरितो कै काम 19:8

संत्त-पौलुस यहूदी चौत्रें दे ज़ाऐयों च़ींन भीने तोड़ी निडर हऐयों बुल्दा रूआ। अरह् पंण्मिश्वर के राजो के बारे दी बात्त-च़ींत्त करदा अरह् संहम्झाँदा रूवा।

प्रेरितो कै काम 26:26

राजा अग्रिपा! कैई ईनू सोभी बातो की जाँण कारी असो, ईन्देंखे ईनके सहाँम्णें नीडर हऐयों मुँऐ बूली लों; मुँह कैई ऐजा पता असो, के ईनू सोभी बातों का महाँराज कैई पता असो; किन्देंखे के ऐजी घट्णाँ केथी ईनाँरे दी ने घटी रंई।

प्रेरितो कै काम 28:31

संत्त-पौलुस नींडर हंऐयों, अरह् दींन-गरीब रूप शे पंण्मिश्वर के राज्य की खुषख्बरी शुँणाँव थिऐ; अरह् प्रभू यीशू मसीया के बारे दी शिक्क्षा देंदे रंह थिऐ।

प्रेरितो कै काम 4:13

जबे तिन्ऐ संत्त-पतरस अरह् संत्त-यूहन्ना के दीड़-हिम्मत देखी, अरह् से ऐजो भे जाँणों थिऐ; के ऐ अणपड़ अरह् सिधे-साधे आदमी असो: तअ तिनके तूरंबाँणच़ूटे, तबे तिन्ऐ जाँणी पाव के ऐजे लोग भे तअ प्रभू यीशू की गईलो रंह् थिऐ।

प्रेरितो कै काम 4:21

ईन्दें गाशी तिन्ऐं संत्त-पतरस अरह् संत्त-यूहन्ना खे धम्की देऐयों छुड़ी दित्ते; किन्देंखे के से जंन्त्ता के कारण तिनखे सजा देंणों, का किऐ दाव ने भेटो थिया; ईन्देंखे के जुण्जी घट्णा हऐ रंऐ थी, तिन्दें के कारण बादे लोग पंण्मिश्वर के बड़ियाऐं करह् थिऐ।

प्रेरितो कै काम 4:31

तिनकी प्रार्थना खतंम हंणों गाशी सेजी जागा, जेथै से कंट्ठै थिऐ, तेथै भूईच़ौल़ जियों लागो; अरह् से बादे लोग पबित्र-आत्त्मा शे भरियों अरह् बिना डरे पंण्मिश्वर की खुष्खबरी का प्रचार कर्दे लागे।

प्रेरितो कै काम 9:27

परह् बरनबास ऐ शाऊल आप्णी गईलो खास-चैले कैई नींया, अरह् तेने खास-चैले खे बुलो, के ऐसी बाटो पुडा कैशा दाँई प्रभू का दर्शण भेंटा; अरह् केशी दाँई प्रभू ऐं ऐसी आरी बात-चींत्त करी; बरनबास ऐ तिन कैई ऐजों भे बुलो, के कैशा दाँई ऐने दमिश्क नंगर दा नीडर हंऐयों प्रभू यीशू के नाँव का प्रचार करा।

प्रेरितो कै काम 9:28

ईन्दें पाछ़ी शाऊल यरूशलेम दा खास-चैले आरी आँदा-ज़ाँदा लागा, अरह् तेने नीडर हंऐयों प्रभू यीशू के नाँव का प्रचार करा।

1 कुरिन्थियों 14:13

ईन्देंखे जे कुँऐं अंण-जाँण भाषा बुलो, तअ से प्रार्थना करह्, के से तियों अंण-जाँण भाषा का अनुबाद करियों मतल्व भे सम्झाऐ सको।

2 कुरिन्थियों 3:12

ईन्देखे ऐसी भुर्षें आरी आँमें हिम्मत करियों बुलो,

फिलिप्पियों 1:14

अरह् प्रभू दी जुण्जे भाऐ-बंईणों असो, तिन मुँझ्शे जादा लोग मेरे कय्द हंणो के कारण हिमम्त्त करियों पंण्मिश्वर का बचन बै-धड़क शुँणाँणों खे बैगेही हिमम्त्त करह्।

1 थिस्सलुनीकियों 2:2

परह् तुँऐं आपु ही जाँणो ऐ, के आगे फिलिप्पी दा दु:ख्ह भुगणें अरह् कल़ेष सुँहणों गाशी भे अमाँरे पंण्मिश्वर ऐ आँमों खे ऐशी दीड़-हिम्मत दिती, के आँमें पंण्मिश्वर की खुषख्बरी का बैजाऐ बिरूध हंदे भे तुँओं कैई शी शुँणाँऐ।

2 तीमुथियुस 4:17

परह् प्रभू मेरे मंद्दत्तगार रूऐ, अरह् मुँखें शँक्त्ति दिती, जू मेरी जाँणें खुषख्बरी का पुरा-पुरा प्रचार हों, अरह् बादे गऐर यहूदी लोग शुँणीं पाँव; अरह मुँह सीयों के ज़ात्ती शा जिया छ़ुडाया गुवा।