प्रेरितो कै काम 3:25 - Sirmouri

²⁵ तुँऐं लोग ऋषियों की अलाद, अरह् तेसी बाय्दे के भागीदार असो; जुण्जा बाय्दा पंण्मिश्वर ऐं तुवाँरे पुराँणिऐं की गईलो, तेसी बख्हत्ते पाक्का करा थिया; जबे तिन्ऐं अब्राहम खे बुलो: ‘तेरे बंष के जाँणें संईसारी की बादी जात्तियों खे आशिर्बाद भेट्ला।’

सिरमौरी नौवाँ नियम

²⁵ तुऐं सौबीए पौरमेशवर कै बातौ बौताणौवाल़ै कै संतान औरौ तियौं कौरारो कै हकदार औसौ, जू पौरमेशवरे तोंवारै पुराणिया शै बानै, जोबै तैणै अब्राहम कै बौल़ौ, ‘तैरै वंश कै दवारा दुनिया कै सारै कुड़बे आर्शीवाद पांदै।’

प्रेरितो कै काम 3:25 ပူးပေါင်းရင်းမြစ်များ

लूका 1:72

के अमाँरे नाँना-बाबा गाशी कृपा, करियों आप्णा पबित्र-वाय्दा चींत्ते कराया।

प्रेरितो कै काम 13:26

“हे भाईयों! बाबा अब्राहम के अलाद, अरह् जुण्जे गऐर यहूदी भगत्त लोग ईथै हाजिर असो; मुँक्त्ति-छ़ूट्कारे खे बचन आँमो सोभी कैई डेयाल़ा गुवा।

प्रेरितो कै काम 2:39

किन्देंखे के ऐजा बाय्दा तुँओं खे, अरह् तुँवारी अलादी खे, अरह् तिनू सोभिखे भे, जुण्जे हेभी तोड़ी दूर असो; अरह् तिनू अमाँरे प्रभू पंण्मिश्वर ऐ आपु कैई बंऐदी लुऐ।”

रोमियों 15:8

ईन्देंखे हाँव बुलू, के जुण्जा बाय्दा नाना-बाबा आरी करी थुवा, तेसी पाक्का कर्णो खे मसीया, पंणमिश्वर की सच्चाई का परमाँण देंणों खे, यहूदी लोगों का दास बंणाँ;

रोमियों 4:13

किन्देंखे के ऐजा बाय्दा करा गुवा, के तू संईसारी का बारिस हंईदा, ना अब्राहम खे अरह् ना तेस्के बंष खे, अरह् ना ऋषी-मूसा खे भेटे गुऐं निय्म के जाँणें; परह् सिर्फ बिश्वाष कर्णो के जाँणें पंणमिश्वर की नंजरी दा बै-कसूर बंण्णों के जाँणें सेजा बाय्दा पुरा हुआ।

गलातियौं 3:16

तेष्णा ही अब्राहम खे अरह् तेस्के बंष खे दिते गुऐ बाय्दे के बारे दो असो, दे:खो, पबित्र-ग्रन्थों दो ऐजो नें बुल्दा; के “तुवाँरे बंष खे” जे ऐजो हंदों, तअ भहीते के ढबे ईशारा हंदा थिया; परह् पबित्र ग्रन्थो दो बुलो, के तेरे बंष खे जुण्जे मसीही असो।

गलातियौं 3:29

अरह् जे तुँऐं मसीया के असो, तअ अब्राहम के बंष अरह् बाय्दें के हिसाब शे वारिस मतल्व हंकदार भे असो।

गलातियौं 3:8

अरह् पबित्र-ग्रन्थों दो आगे ही शो ऐजो जाँणियों के पंण्मिश्वर गऐर यहूदी लोग बिश्वाष शे ही धर्मी बाँण्दे, आगे ही शुभो अब्राहम खे ऐजी खुषख्बरी शुणाऐ, के “तेरे जाँणें बादी गऐर यहूदी खे आशिर्बाद भेट्दा।”

प्रकाशितवाक्य 14:6

तबे मुँऐ बीच अस्माँनों दा ऐक हजो स्वर्गदूत्त ऊड़ादे देखा, जेसी कैई धर्ती गाशी रंहणों वाल़े की ऐकी नाँम राज्य, कुल़-गड़ी, भाषा, अरह् सोभी जात्ती मुँझी प्रचार कर्णों खे पंण्मिश्वर की संदा खे खुषख्बरी थी।

प्रकाशितवाक्य 5:9

से ऐजो नुंवों गीत्त गाँदे लागे: “तू ईयों कताबे कर्णो खे, अरह् ईन्देकी सिलो खुल्णों ज़ूगा असो, किन्देंखे के तुँऐं कुरबाँण हऐयों आप्णें लह्ऊँ शी ऐक नाँम कुल़-बंष अरह् भाषा बुली अरह् लोग अरह् हर जात्ती मुँझ़्शे पंण्मिश्वर खे लोग मोले-खरीदियों लुऐ;

प्रकाशितवाक्य 7:9

ईन्दें पाछी मुँऐं झ़ेठ पाऐ, अरह् देखो, के मेरे सहाँम्णें ऐक बैशुमाँर बड़ी लोगो की भीड़ जल़सा खह्ड़ा हुआ, जिन्दें की गिनती कुँऐ ने करी पाँव थिया। ऐसी जल़्से भीड़ मुँझी हर ऐक जात्ती मुँझ शे अरह् हर कुँल़-गड़ी अरह् हर भाषा के लोग थिऐ। से तेसी सिंगाँस्ण के सहाँम्णें तेसी छ़ैल़्टे कैई खह्ड़े हुऐ, चिट्टे खोट्णों बाँम्बियों आप्णें हाथों दी खंजूर की डाल़ी लऐयों आऐ,