प्रेरितो कै काम 3:23 - Sirmouri

²³ जुण्जा कुँऐ तेसी ऋषी की बात ने शुँण्ला, तेसी पंण्मिश्वर के खास लोगों मुँझ्शा नंष्ट करा ज़ाला।’

सिरमौरी नौवाँ नियम

²³ पौरौ हर आदमी जू तैसी पौरमेशवर कै बातौ बौताणौवाल़ै कै ना शुणौ, सै पौरमेशवर कै लोगौ मुंजीदा नाश हौए जांदा।

प्रेरितो कै काम 3:23 ပူးပေါင်းရင်းမြစ်များ

मरकुस 16:16

अरह् जुण्जे बिश्वाष कर्ले, अरह् नहाँण-नहाँले से मुँक्त्त हंऐयों बंची ज़ाले, परह् जुण्जे बिश्वाष ने कर्ले, से दागी अरह् तिनखे सजा भेटली।

यूहन्ना 12:48

जुण्जा कुँऐं मुँह ने माँन्दा, अरह् ना मेरे बचन धारण करदा; तेसी दोषी-कसूरबार बाँण्णों वाल़ा, हाँव ने आथी: परह् सेजे बचन ही असो, जुण्जे नियाँव के देसे तेसी आदमी सदा खे दोषी-कसूरबार बाँण्दें।

यूहन्ना 8:24

ईन्देंखे मुँऐं तुँओं खे बुलो, के तुँऐं आप्णे पापे मर्ल़े; किन्देंखे के जे तुँऐं बिश्वाष ने कर्दे, के ‘हाँव सेजा ही असो’, तअ तुँऐं आप्णे पापे आपु मर्दे।”

प्रेरितो कै काम 2:41

तबे: तिन्ऐं संत्त-पतरस की तिनू बातो माँनी, अरह् नहाँण-नहाँव; अरह् तेसी ही देसे किऐ च़ींन हजार आदमी बिश्वाषी भाऐ-बंईणों आरी मीली गुऐ।

इब्रानियों 10:39

आँमें तिनू लोगो मुँझ़्शे ने आथी, जुण्जे पाछ़ू फीरियों नाँष हंऐ ज़ाँव; परह् आँमें तिनू लोगों मुँझ़्शे असो, जिनखे आप्णें बिश्वाष के कारण जीवन भेंटो।

इब्रानियों 12:25

च़ौक्क्ष रंह्, अरह् तेसी बुल्णों वाल़े शो आप्णों मुँह ने फेरे, किन्देंखे के से लोग जबे धर्ती गाशी चिंताँव्णी देणों वाल़े शे मुँह फेरियों ने बंची सकी, तअ आँमें स्वर्ग गेछ़ै चिताँव्णी देणों वाल़े शे मुँह फेरियों किऐ-किऐ बंच्दे?

इब्रानियों 2:3

तअ आँमें लोग ऐष्णें बड़े छुट्कारे शे बै-फिकरे रंऐयों किऐ-किऐ बंची सको? जिन्दें के चर्चा आगे ही आगे प्रभू के जाँणें हऐ, अरह् शुँण्णों वाल़े के जाँणें अमाँरे तिन्देंका बिश्वाष हुवा।

प्रकाशितवाक्य 13:8

धर्ती के सेजे बादे रंहणों वाल़े, तैथू बूणेर के पुजा करह्, जिनके नाँव माँरे अंदे छ़ैल़्टे के जीवन की कताबे दे संईसारी की उत्पत्ति के बख्तो शे ऊँबे लिखे अंदे ने आथी।

प्रकाशितवाक्य 20:15

अरह् जेसी कोसी को नाँव जीवन की कताबे दो लिखों अंदो ने भेंटी, तेसी तियों ही आगी की झ़ील दा पाऐ दिता।