प्रेरितो कै काम 3:2 - Sirmouri

² तेसी ही बख्त्ते किऐ लोगे ऐं ऐक आदमी जुण्जा पय्दा हंणों शा ऊबा, लंगड़ा थिया; सेजे लोग तेसी लंगड़ा आदमी रोज देऊँठी के “सुन्दर” फाटक कैई छुड़ी दियों थिऐ; जिन्दें लई से देऊँठी दे ज़ाँणों वाल़े लोगों कैई शी भीख्ह माँगो थिया।

सिरमौरी नौवाँ नियम

² औरौ लोगै ऐकी आदमी कै नी लौआ थिया जू जन्म शै लोंगड़ा थिया, जैसीखै सैजै हर दूस मन्‍दिर कै तैसी दवारो पांदी जिथकौ नांव सुन्दर फाटक औसौ, बौठाल़े दैंव थिए, कै सै मन्दिरो दै जाणौवाल़ै कैईंदै भीख मांगो।

प्रेरितो कै काम 3:2 ပူးပေါင်းရင်းမြစ်များ

लूका 16:20

अरह् ऐक गरीब-कंगाल लाज़र नाँव का आदमी तैसी सैठो के बाँगलै की देऊँल़ी दा बाँईडा देई थऐ देई थिया; तैसी लाजर के हाथो लात्तो दी खाँडों फाटी अंदी थी, अरह् लोग तेसी आदमी टीपियों सैठो की देऊँल़ी कैई बाँईडा दाई छुड़ी दियो थिऐ।

लूका 18:35

जबे प्रभू यीशू यरीहो नाँव के नंगर के नंजीक पऊँचे, तअ ऐक शैड़ा भीखारी शड़की के कनारे दा बईठा अंदा थिया; अरह् से लोगो कैई शी भीख माँगदा लागी रूवा थिया।

यूहन्ना 9:8

तबे तेसी पेट्-आँदे के पड़ोसी, अरह् सेजे लोग, जुण्जे तेसी पेट्-आँदे भीख्ह माँगदे देखो थिऐ; से बुल्दे लागे, “कियो ऐजा सेजा ही आदमी आथी ने, जुण्जा बंऐठियों भींख्ह माँगों थिया?”

प्रेरितो कै काम 10:31

अरह् तेने मुँखे ऐशो बुलो, ‘हे कुरनेलियुस, तेरी प्रार्थना शुँणी थऐ, अरह् पंण्मिश्वर ऐं तेरे दिते अंदे दाँण-दछ़्णाँ भे चींत्तै करी थुऐं।

प्रेरितो कै काम 10:4

कुरनेलियुस ऐ तेसी स्वर्गदूत्त सुवाँ करियों ध्याँन शा देखा, अरह् डरियों बुलो, “हे प्रभू! का बुली लो?” तेने स्वर्गदूत्त ऐं तेस्खे बुलो, “तेरी प्रार्थना अरह् तेरे दाँण-दछ़णाँ पंण्मिश्वर के सहाँम्णिऐं पंह्ऊँची रूऐ;

प्रेरितो कै काम 14:8

लुस्त्रा नंगर दा ऐक आदमी बईठा अंदा थिया, जेस्की बाँगणी शूक्की रंही थी, से तेष्णा ही पय्दा हुआ थिया, अरह् से हाँड्णों के तअ सार भे जाँणों ने थिया।

प्रेरितो कै काम 3:10

तबे: लोगे ऐं तेसी पंह्छियाँणी पाया, के ऐजा सेजा ही लंगड़ा भीख्हारी असो; जुण्जा देऊँठी के “सुन्दर” नाँव के फाट्क कैई बऐठियों भीख्ह माँगो थिया; अरह् ऐजो देखियों के ऐजी का बात हऐ, तबे तिनके तूरबाँणच़ूटे।

प्रेरितो कै काम 4:22

सेजा आदमी जेसी गाशी ऐजा चाँग्गे हंणो का चम्तकार करा गुआ थिया, से च़ाल़ीष सालो शा जादा उमरी का थिया।