प्रेरितो कै काम 3:19 - Sirmouri

¹⁹ तअ तबे: तुऐं लोग पस्तावा करह्, अरह् आप्णा मंन बद्ल़ियों; पंण्मिश्वर कैई पाछू फीरियों आओं, जिन्दे लंई तुवाँरे पाप मिट्टी ज़ाँव।

सिरमौरी नौवाँ नियम

¹⁹ औरौ पाप कौरणा छोड़े दैंव, औरौ पौरमेशवर कै ढौबौ पाछु आव कै तोंवारै पाप माफ कौरे जांव जिथलैई तुऔं पांदी पौरमेशवर कै ढौबौशा आत्मिक शौकतै का सौमय आन्दा।

प्रेरितो कै काम 3:19 ပူးပေါင်းရင်းမြစ်များ

मत्ती 13:15

किन्देखे के ईनू लोगो का मंन मंद्-बुद्धी पड़ी रूऐ, तिनके काँनों दो ऊगलो ही शुणियों, जिनिऐं आप्णी आ:खी मिचीं थई, के दे:खी ने सको, तुँऐं काँनों लई ने शुणों अरह् आप्णे मंन बद्ल़ियों पाछू ने फीरो, जू हाँव तुँओं चाँगे-भले ने करू।’”

मत्ती 18:3

“हाँव तुँओं कैई ऐक खास बात बुल्णीं चहाँऊ, जाव तोड़ी तुँऐं आप्णा मंन बद्ल़ियों, ऐसी नहाँन्ड़िया जेष्णें ने बंणों, ताँव-तोड़ी तुँऐं स्वर्गो के राज्य दे कद्दी भे दाखिल ने हंऐ सक्दे।

लूका 1:16

अरह् इस्राएल की गड़ी-बंष मुँझ शे से बैजाऐ लोग तिनके प्रभू पंणमिश्वर की ढबै फेरी देंदा।

लूका 22:57

परह् पतरस बुल्दा लागा, “बंईणीं! हाँव ने ऐसी जाँण्दा।”

प्रेरितो कै काम 1:6

ईन्देंखे जबे सेजे बादे खास-चैले कंठे थिऐ, तअ तिन्ऐ प्रभू यीशू कैई शा ऐक सुवाल पुह्छ़ा; “हे प्रभू जी! कियों तुँऐं ऐसी बख्त्ते इस्राएलियों के राज्य के थापना हजो कर्दे?”

प्रेरितो कै काम 11:18

ऐजी बातो शुँणियों यहूदी बिश्वाषी भाऐ-बंईणों शाँण्त्त हऐ गुऐ, अरह् तिन्ऐं पंण्मिश्वर के आरार्धना करी; के जबे “पंण्मिश्वर ऐ गऐर-यहूदियों खे भे ऐजा बरंदाँन देऐ थुवा, के ऐ भे आप्णाँ मंन बद्ल़ों अरह् ईनू भे नुवाँ जीवन भेटो।”

प्रेरितो कै काम 11:21

प्रभू की शक्त्ति तिनकी गईलो थी। अरह् बैजाऐ भहित्ते लोग बिश्वाष करियों प्रभू के ढबे फिरे।

प्रेरितो कै काम 15:3

तबे: अंन्ताकिया की कलीसिया ऐं तिनू तेथै शे बिदा करे: तबे तिन्ऐं फीनीके अरह् सामरी ईलाके बाटी यात्रा करी; अरह् तेथै के भाऐ-बंईणों खे बुलो, के गऐर-यहूदी लोगे केशे दाँई आप्णें मंन बद्ल़े, अरह् ऐजो शुँणाँऐयों तिन्ऐ सोभी लोग आँनन्दित्त-खुशी करे।

प्रेरितो कै काम 17:26

तिन्ऐं ही ऐक शुरू के आदमी (आदम) शी बादी आदमी की जात्ती पय्दा करी थंई, के से बादी संईसारी दे बंसी फऐली ज़ाँव; तेने आदमी खे निय्म, अरह् रंहणों की सिमाँ-हंद् बंणाँऐ थंऐ।

प्रेरितो कै काम 2:38

संत्त-पतरस ऐ तिनखे ऐजा जबाब दिता, के “आप्णा मंन बद्ल़ो अरह् तुँओं मुँझ्षे ऐक नाँम आप्णे-आप्णे पापो खे पंस्तावाँ करियों माँफी माँगो; अरह् यीशू मसीया के नाँव शो नहाँण-नहाँव; तबे ऐशा दाँई तुओं पबित्र-आत्त्मा का दाँण-बरंदाँण भेंट्ला।

प्रेरितो कै काम 28:27

किन्देंखे के ऐजे लोग मंन के कुँठूर असो; ऐ तअ काँनों शे जाऐरे हंऐ रूऐ! अरह् ईन्ऐं आप्णी आखी बंद करी थई; जू कंद्दी ऐशों ने हऐयों, के ऐ किऐ आँखी लई देखो! अरह् काँनों लई शुँणों! अरह् मंन शो संहम्झों अरह् बुराई शे पाछ़ू फीरों, अरह् तबे हाँव ईनू चाँग्गै करू।

प्रेरितो कै काम 3:20

अरह् तिन्दें के फ़ल़-सरूप प्रभू की तरफ शा तुँओं खे बिषाँव का बख्हत्त भेंटो; तबे से हजो प्रभू यीशू जिनू तिन्ऐ आगे ही तुवाँरी ताँईऐ मसीया ठाली थुऐ, तिनू तुओं लोगों कैई डेयाल़ी दियों।

प्रेरितो कै काम 3:21

ऐजो जरूरी असो, के से तेसी बख्हत्तो तोड़ी स्वर्गो दे ही रंह, जाँव तोड़ी तिनू बादी चींजों की हजो: थापनाँ ने हऐ ज़ाँव; जिन्दें के बारे दो पंण्मिश्वर ऐं ज़ूगौ शो ऊँबो आप्णें पबित्र-ऋषियों के मुँख्हों शो बुलो थियों।

रोमियों 11:25

हे भाऐ बंईणों, कद्दी ऐशो ने हईयों, के तुँऐं आपु खे बद्धीमाँन जाँणों; ईन्देंखे हाँव ने चहाँदा के तुँऐं ऐसी राज भेद् शे अजाँण्दे ने रंह्, के जबे गऐर यहूदी पुरी रित्ती शे ने आऐ ज़ाँव, ताँव-तोड़ी इस्राएल का ऐक हिस्सा ऐष्णा ही कुठूर रंह्दा।

2 थिस्सलुनीकियों 1:10

ऐजो तेसी देसे होंदो, जबे से आप्णे पबित्र लोगो शी बड़ियाऐ अरह् बादे बिश्वाष कर्णें वाल़े मुँझ़ी हेरानी के कारण आँदे; किन्देंखे के तुँऐं अमाँरी गुवाह्-शाज़्त्त गाशी बिश्वाष करा।

2 थिस्सलुनीकियों 1:7

अरह् तुँओं जू कल़ेष भेंटो, तुऐ अमाँरी गईलो चऐनं शे; तेसी बख्ते जबे के प्रभू यीशू आप्णे शक्त्तिशाली दूत्तों की गईलो, भभ्कदी आगी शे स्वर्गो शे पर्गट हले,

2 तीमुथियुस 2:25

परह् से बिरोध कर्णो वाल़े लोग भे नंरमाँई शे संहम्झ़ाऐ दियों, किन्देखे के ऐजो कुँऐं ने जाँण्दा के कबे पंण्मिश्वर तिनका मंन पंसताँवे लंई बद्ल़ी दियों; अरह् तिनखे भे सच्चाई का ज्ञाँन भेंटी ज़ाँव;

इब्रानियों 4:1

ईन्देंखे आँमें ऐसी बारे दे खास करियो च़ौक्क्ष रंह, के जाँव तोड़ी तिनके बिषाँव देसो का बाय्दा माँना ज़ाँव; ताँव तोड़ी तुओं मुँझ़्शा कुँऐं भे हाजीर हंणों शा पाछ़ू ने छुटी ज़ाँव।

1 पतरस 2:25

किन्देंखे के तुँऐं आगे तअ भट्की अंदी भैढ़ो जेष्णें थिऐ, परह् ऐबे आप्णी आत्त्मा के रख्वाल़े अरह् बड़े हाक्मों कैई पाछू आऐ रूवे।

2 पतरस 3:8

हे प्यारे साथियों, ऐजी बात तुँओं शी चुप्पी ने रंह्, के प्रभू कैई ऐक देस भे हजार सालो जै-तोड़ो हों; अरह् हजार साल भे ऐक देस जियो असो।

प्रकाशितवाक्य 21:4

से तिनकी आँखी शे बादे आशुओं आगू घुष्दा; तिन्दे पाछी ना तअ मंऊँत्त रह्दीं, अरह् ना शोग, बिलाप, ना दु:ख, किन्देंखे के पुराँणीं बातो बीती गंई।”