प्रेरितो कै काम 3:10 - Sirmouri

¹⁰ तबे: लोगे ऐं तेसी पंह्छियाँणी पाया, के ऐजा सेजा ही लंगड़ा भीख्हारी असो; जुण्जा देऊँठी के “सुन्दर” नाँव के फाट्क कैई बऐठियों भीख्ह माँगो थिया; अरह् ऐजो देखियों के ऐजी का बात हऐ, तबे तिनके तूरबाँणच़ूटे।

सिरमौरी नौवाँ नियम

¹⁰ औरौ तैसीकै पौछेयाणै पोऊवा कै ऐजा सैजाई लोंगड़ा भिखारी औसौ, जू मन्दिर कै सुन्दर फाटक पांदी बौठेयौ भीख मांगैया कौरौ थिया; औरौ तियौं घोटना शै जू तैसकै साथी हौए रोए थी; तिथु दैखैयो सैजै लोग बैजाए हैरान औरौ चकित हौए गौवै।

प्रेरितो कै काम 3:10 ပူးပေါင်းရင်းမြစ်များ

मत्ती 14:35

तेथै के रंहणों वाल़े लोगे तिनू पछ़्याँणीं पाऐ, अरह् उडे-पुंडे के बादे इलाके दा तिन्दे का शुज़ा दिता, तबे तेथै के सोभी लोगे आप्णें बीमार लोग तिन कैई आँणें,

लूका 4:36

ईदे गाशी तिनू सोभी के तुर्बाणच़ूटे, अरह् से आपु मुँझी पलियों बोल़दे लागे “ऐजा कुँण ऐ अरह् ऐजा कैष्णा बचन असो? किन्देंखे के ऐ हंक-अधिकार अरह् शक्त्ति लई बिच्की-आत्त्मा खे अज्ञाँ दियों अरह् से आगू हुटो।”

लूका 9:43

तबे पंण्मिश्वर के तियों शक्त्ति दे:खियों सोभी लोगो के तुर्बाणच़ूटे। परह् जबे बादे लोगो के तिनू काँम-काज दे:खियों तूरंबाणच़ूंटे जुण्जे प्रभू यीशू ऐं करे; तअ तबे प्रभू यीशू ऐ आप्णे चैले खे बुलो।

यूहन्ना 5:20

बाबा, बैटे शो प्यार करह्, अरह् जुण्जो किऐ बाबा आपु करह्; सेजो बैटा भे देखों ऐ; अरह् बैटा बाबा शे भे बड़े-बड़े काँम-काज़ करह्, जिन्दें देखियों लोगों के तूरबाँणच़ूटो।

यूहन्ना 9:3

प्रभू यीशू ऐ तिनखे जबाब दिता, “ना तअ ऐने आदमी ऐ किऐ पाप करी थंई; अरह् ना ऐस्के माँ-बाबा ऐं किऐ पाप करी थंई। ऐ ईन्देंखे जन्म शा ही पेट्-आँधा पय्दा हुवा, के ऐस्के कारण ही पंण्मिश्वर के बड़ियाऐ पर्गट हों।

यूहन्ना 9:8

तबे तेसी पेट्-आँदे के पड़ोसी, अरह् सेजे लोग, जुण्जे तेसी पेट्-आँदे भीख्ह माँगदे देखो थिऐ; से बुल्दे लागे, “कियो ऐजा सेजा ही आदमी आथी ने, जुण्जा बंऐठियों भींख्ह माँगों थिया?”

प्रेरितो कै काम 2:12

तबे से बादे हरान हऐयों, तिनू सोभी के तूरंबाँणच़ूंटे अरह् से दुबिदा दे पड़ियों डरी-हड़बड़ाऐ गुऐ; अरह् से ओका-ओकी खे बुल्दे लागे, के “ऐजी का बात असो?”

प्रेरितो कै काम 2:7

तिनके हराँन हऐयों तूरंबाँणच़ूंटे अरह् से “ओका ओकी कैई शो ऐजो ही पुछ़दे लागे; के कियो ऐजे बुल्णों वाल़े बादे झुँणें गलीली आथी ने?

प्रेरितो कै काम 3:2

तेसी ही बख्त्ते किऐ लोगे ऐं ऐक आदमी जुण्जा पय्दा हंणों शा ऊबा, लंगड़ा थिया; सेजे लोग तेसी लंगड़ा आदमी रोज देऊँठी के “सुन्दर” फाटक कैई छुड़ी दियों थिऐ; जिन्दें लई से देऊँठी दे ज़ाँणों वाल़े लोगों कैई शी भीख्ह माँगो थिया।