प्रेरितो कै काम 28:9 - Sirmouri

⁹ जबे ऐष्णों हुओं, तअ तेसी टापू के ओके बीमार लोग भे तेथै आऐं, अरह् से बादे लोग चाँगे हुऐ।

सिरमौरी नौवाँ नियम

⁹ जोबै ऐशैखै हौं, तौ तैसी टापू कै बाकी बीमार पौलुसो कै धोरे ओऊवे, औरौ ठीक हौए गौवै।

प्रेरितो कै काम 28:9 ပူးပေါင်းရင်းမြစ်များ

मत्ती 4:24

बादे सीरिया देश दा तिनका ज़ष फऐली गुवा; अरह् लोगे बादे बीमार जू नाँनी-बड़ी बीमारी की दु:ख दे जक्ड़े अंदे थिऐ, अरह् जिन्दी दुष्ट-आत्त्मा थी, अरह् मिर्गी वाल़े अरह् अदरंगो के दु:खिया तिन कैई आँणें अरह् प्रभू यीशू ऐ तिनू चाँगे करे।

प्रेरितो कै काम 13:6

अरह् जबे तिन्ऐ तेसी बादे टापू का दोरा करी पाया, तअ से पाछ़ू पाफुस नंगर दे आऐ, जेथै तिनू बार-यीशू नाँव का ऐक जादूगर भेंटा; जुण्जा यहूदी झूठा ऋषी थिया।

प्रेरितो कै काम 28:10

ईन्देंखे तेथै के लोगे ऐं आँमों खे गीफ्ट देऐयों अमाँरा बैजाऐ आदर-सत्त्कार करा, अरह् जबे आँमें तेथै शे ज़ाँदे लागे, तअ तिनू लोगें ऐ आँमों खे ऐशी चींजो जुण्जी बाटों खे जरूरी हों सेजीं सोभी खे दिती।

प्रेरितो कै काम 28:8

तेसी मुँख्या पुब्लियुस का बाबा दा ताप अरह् तेस्के पैचिस लागी रंऐ थी, तबे संत्त-पौलुस ऐ तेस्खे घरे ज़ाऐयों, तेस्खे प्रार्थना करी, अरह् तेसी गाशी आप्णाँ हाथ थुवा, तअ से तेख्णीं चाँगा हुवा।

प्रेरितो कै काम 5:12

खास-चैले के हाथै बैजाऐ चींह्न-चंम्त्तकार हंदे लागे, अरह् सेजे बादे बिश्वाषी लोग मीलियों सुलेमान के थाँन-चौ़त्रे दे कंट्ठै हों थिऐ।

प्रेरितो कै काम 5:15

साच्ची बात तअ ऐजी थी, के लोग आप्णें कागी शे बीमार लोग षड़्की-बाटो दे लेयाऐ-लेयाऐयों रेड़ी माँजे गाशी सुताल़ी दियों थिऐ; ईन्देखे के जबे संत्त-पतरस तेथै बाटी आँव, तअ तिनकी प्रछाँऐं ही तिनू गाशी पड़ो; अरह् से चाँग्गै हंऐ ज़ाँव।