प्रेरितो कै काम 27:4 - Sirmouri

⁴ तेथै शो जबे आँमें जहाज खुलो, तअ बागूर ऊल़्टी फिर्णो के कारण आँमें साइप्रस टापू की आड़ दे आगे बड़दे लागे;

सिरमौरी नौवाँ नियम

⁴ तिथैशै आमुए दुजाल़ियो यात्रा शुरु कौरे, औरौ बागूर बैरवें बौणौ की बौजैह शै आमै साइप्रस टापू की आड़ शै हौयौ होटै;

प्रेरितो कै काम 27:4 ပူးပေါင်းရင်းမြစ်များ

मत्ती 14:24

तेसी बख्ते नाँव झील के बिचो, दी थी, अरह् ओकी दिषाँ की ढबे शी बैजाऐ बागूर फिरी रंऐ थी, जिन्दें के झ़ूलै-थपेड़े लई नाँव फालो आरी तेसी ईलाके की टिराँव्टी शी झीक्दे-पीघ्दे बैजाऐ दुर्की हुटी गऐ थी।

मरकुस 6:48

जबे प्रभू यीशू मसीया ऐ दे:खी लो थियों, के बागूर ऊल्टी धूरे शी चाल्णों के कारण चैले के नाँव शो पाँणी काट्दे-काट्दे परिशानीं हऐ रंऐ, तैख्णों रात्ती के च़ोंऊथे पएरे हऐ रूवा थिया, तबे प्रभू यीशू मसीया झील की पाणीं गाशी हाँडदे तिनू कैई पईच्दे अरह् ऐशो जाँणियों के से तिन शे भे आगे पंईच़णों च़हाँव।

लूका 8:22

ऐक देस प्रभू यीशू अरह् तिन के चैले नाव गाशी हुटे, अरह् तिन्ऐं आप्णें चैले खे बुलो, चालो, आँमें “झीलो शे पाईले ढबे ज़ाँऊबे।” तबे: से तेथै शे नाव खुलियो पाँडे पाईले ढबे ज़ाँदे लागे।

प्रेरितो कै काम 13:4

ऐशे दाँई पबित्र-आत्त्मा के जाँणें बरनबास अरह् शाऊल सिलूकिया टापु गाशी हुटे; अरह् तेथै शे से पाँणी की जहाँज दे बंईठियों साइप्रस टापु गाशी खे चाल पड़े।

प्रेरितो कै काम 15:39

तबे: ईन्दें गाशी दुई मुँझी, ऐत्रा जादा मंत्त-भेद् हऐ गुवा; के से ओका ओकी शे ज़ोई हऐ गुऐ; तबे संत्त-बरनबास ऐ मरकुस आप्णी गंईलो नींहयों पाँणी के जहाँजो दे कुप्रुस टापु दे हुटे।

प्रेरितो कै काम 21:16

कैसरिया के किऐ चैले अमाँरी गईलो आऐं, अरह् आँमों कुप्रुस के रंहणों वाल़े मनासोन नाँव के आदमी के घरह् दे हुटे; अरह् सेजा मनासोन शुरू के देसो दा चैला बंणी रूवा थिया, अरह् आँमें तबे तेसी कागी रंहणों वाल़े थिऐ।

प्रेरितो कै काम 21:3

जबे अमाँरे साईप्रस टापू देखाई दिता, तअ आँमें तेसी टापू डेरे ढबे छुड़ा, अरह् आँमें सीरिया खे ज़ाऐयों सूर नंगर दे ऊदे ऊत्रें; किन्देंखे के तेथै जहाजो को संमाँन ऊदो ऊतार्णो थियो।

प्रेरितो कै काम 27:7

जबे आँमें भहिते देसो तोड़ी सुह्ले-सुह्ले चालियों बड़े मुष्किल शे कनिदुस के सहाँम्णें पंह्ईचे, तअ बागुरिऐ आँमों आगे ज़ाँणों शे रूकी लुऐ थिऐ; ईन्देंखे आँमें सलमोने बाटी क्रेते टापू की आड़ शे टीराँव्टी-टिराँव्टी दे चाल्दे-चालदे रूऐ;

प्रेरितो कै काम 4:36

यूसुफ नाँव का ऐक आदमी थिया, से लेवी बंष का थिया; अरह् तेस्का जन्म कुप्रुस द्वीप दा हुवा थिया, अरह् खास-चैले ऐं तेस्को नाँव बरंनबास मंतल्व “सान्त्वना का बैटा” थंऐ थो थिया।