प्रेरितो कै काम 27:3 - Sirmouri

³ दुज़े देसे आँमें सैदा दो लंगर पाव, अरह् यूलियुस ऐ संत्त-पौलुस गाशी कृपा करियों तेसी साथियों आरी ईथै आँणों दिता, के तेस्का आदर-सत्तकार करा ज़ाँव।

सिरमौरी नौवाँ नियम

³ दूजै दूसै आमै सैदा नगर पौंचै गौवै औरौ यूलियुसे पौलुस पांदी दया कौरेयौ कै तैसी दोस्तो कै इथै जाणौ दिया कै तिनु कैईंदी जौरुरी चीज़ौ लियांव।

प्रेरितो कै काम 27:3 ပူးပေါင်းရင်းမြစ်များ

मत्ती 11:21

“फींटकारा असो, खुराजीन! नंगर के लोगो गाशी, अरह् फींटकारा असो, बैतसैदा! नंगर गाशी, जेथै ऐत्रे चींन-चंम्त्तकार करे गुऐ; अरह् जे सेजे ही चींन-चंम्त्तकार सूर अरह् सैदा दे करे ज़ाँदे, तअ से टाटो लई मेंठियों अरह् खेऊँड़ों गाशी बऐठियों आप्णा मंन बंद्ल़्दे।

प्रेरितो कै काम 12:20

राजा हेरोदेस सूर, अरह् सैदा, के लोगो शा बैजाऐ नींराज हऐ रूवा थिया, तबे सेजे बादे सूर अरह् सैदा के लोग ऐक दल़ बंणियों राजा हेरोदेस कैई आऐ; अरह् से राजा के देंख्ह भाल़ कर्णों वाल़े बलास्तुस नाँव के आदमी मंनाँऐयों मिलाप कराँणा चहाँव थिऐ; किन्देंखे के तिनको बादो देश नाँज-पाँणी खे राजा हेरोदेस के ईलाके गाशी ही दारंम-दार थियों।

प्रेरितो कै काम 24:23

तबे: पल़्टंण के सुबेदार खे अज्ञाँ दिती, के संत्त-पौलुस देख्ह-रेख्ह अरह् पंह्ऐरे दा थुऐ; परह् ऐस्खे किऐ अजादी असो; के ऐस्के साथी ऐस कैई आऐ सको, अरह् ऐस्की सेंवा-टेह्ल करी सको;

प्रेरितो कै काम 27:1

जबे ऐजो पाक्को हऐ गुओ, के आँमें जहाजो दे इटली खे ज़ाँऊबे, तअ तिन्ऐं संत्त-पौलुस अरह् किऐ ओके कय्दी भे युलियुस नाँव का ओगुस्तुस पल़ट्ण के सुबेदारे के हाथो दे देऐ दिता।

प्रेरितो कै काम 27:43

परह् फ़ऊँजी के सुबेदार ऐं संत्त-पौलुस बचाँणों की ताँईऐं तिन का सेजा पलान टाल़ी दिता; अरह् तेने ऐजी अज्ञाँ दिती, के जुण्जे लोग बाऊँऐ जाँणों से संमुँन्द्रों दी छ़ाल़ी माँरियों बाऊँऐ देऐयों पाँडे पाईले ढबै टापू के काट्ल़ो गाशी ज़ाव।

प्रेरितो कै काम 28:16

जबे आँमें रोम दे पंह्ईचें, तअ संत्त-पौलुस खे ऐजी अज्ञाँ भेटी, के से पंऐरे देणों वाल़े सपाई की गईलो, जेथै चहाँव तेथै रंऐ सको।