प्रेरितो कै काम 27:1 - Sirmouri

¹ जबे ऐजो पाक्को हऐ गुओ, के आँमें जहाजो दे इटली खे ज़ाँऊबे, तअ तिन्ऐं संत्त-पौलुस अरह् किऐ ओके कय्दी भे युलियुस नाँव का ओगुस्तुस पल़ट्ण के सुबेदारे के हाथो दे देऐ दिता।

सिरमौरी नौवाँ नियम

¹ जोबै फेस्तुस राज्यपाल दवारा ऐजौ पाको हौए गौ कै आमै जहाजो खै दवारा इटली देश कै जांदै, तौ तिनुऐ पौलुस औरौ किछै ओकी कोयदी खै बै यूलियुस नांव कै सूबेदार खै हाथौ दै सौंपै दिए। जू महाराजा औगुस्‍तस कै सैनिक गुट का ऐक सूबेदार थिया।

प्रेरितो कै काम 27:1 ပူးပေါင်းရင်းမြစ်များ

मत्ती 27:54

तबे सुबेदांर अरह् जुण्जे तिनकी गईलो यीशू के पऐरे देंदे थिऐ, से भूईंच्ल़ो, अरह् जुण्जो किऐ तेथै हुओं थियों, तेथू दे:खियों बैजाऐ डरी गुऐ; अरह् बुलो, “सतिखे ऐ पंणमिश्वर का बैटा थिया!”

लूका 23:47

अरह् सुबेदार ऐ ऐजी बादी घट्णा देखियों पंण्मिश्वर की बड़ियाऐ करी, अरह् ऐजो बुलो; के “जरूर ही ऐजा आदमी कुँऐं धर्मी थिया।”

लूका 7:2

तेथै ऐक ठाँणेदार का ऐक दास थिया, जू तैसी ठाणेदार के बैजाऐ प्‍यारा थिया, से अलाचार बीमार घड़्ड़ी लाऐयों, मर्णों वाल़ा थिया।

प्रेरितो कै काम 10:1

कैसरिया नंगर दा कुरनेलियुस नाँव का ऐक आदमी थिया, जू इतालियान नाँव के पल़ट्ण का सुबेदार थिया।

प्रेरितो कै काम 10:22

तिन्ऐं ऐजा जबाब दिता, “सुबेदार कुरनेलियुस जुण्जा धर्मी, अरह् प्रभू! का भगत्त, अरह् पंण्मिश्वर का डर-भय माँनणों वाल़ा असो; अरह् तेस्का बादे यहूदी लोग, भे आदर-ईज्जत्त करह्, अरह् तेस्खे ऐक पबित्र स्वर्गदूत्त ऐं अज्ञाँ देऐ थंऐ; के से तुओं आप्णें कागी बंईदो, अरह् से तुओं कैई शे बचन की खुषख्बरी शुँणों।”

प्रेरितो कै काम 16:10

तेस्का ऐजा दर्शण देखियों ही, आँमें तेख्णी मकीदुनिया ज़ाणों खे चहाँव, ऐजो जाँणियों के पंण्मिश्वर ऐ आँमों तिनखे खुषख्बरी शुँणाँदे बय्दी थुऐं।

प्रेरितो कै काम 18:2

तेथै तेसी अक्विला नाँव का ऐक यहूदी भेटा, जेस्की जंन्म-भोम्मीं पुन्तुस नंगर दी थी। से भे आप्णी तिरंई प्रिसकिल्ला की गईलो अचकालिऐं इटली देश शा आया अंदा थिया, किन्देखे के महाँ राजा क्लौदियुस ऐ ऐजी अज्ञाँ देऐ थंऐ थी, के बादे के बादे यहूदी लोग रोम शे नींक्ल़ी ज़ाव, तबे संत्त-पौलुस तिन कैई शा भेंट करदा तेथै आया।

प्रेरितो कै काम 19:21

ईयों घट्णाँ हंणों पाछ़ी, संत्त-पौलुस ऐ आप्णे मंन दो सुचो, के हाँव मकीदुनिया अरह् अखाया बाटी यरूशलेम खे जाँऊ; तबे तेने ऐजा बिचार करा, अरह् “तेथै ज़ाऐयों मुँह रोम के भे देख-रेख कर्णी भे जरूरी असो।”

प्रेरितो कै काम 21:32

तबे से तेख्णी फऊँजी अरह् सूबेदारोह् आरी, लोगों की भीड़ की ढबै बिच़्ड़े, जबे लोगे ऐ फऊँजी का सुबेदार अरह् फऊँजी का द्ल़ देखा; तअ तबे से संत्त-पौलुस माँर्दे-पीट्दे भाजी गुऐ।

प्रेरितो कै काम 22:26

तबे ऐजो शुँणियों सेजा पल़ट्ण का सेरदार ऐजा शुझ़ा देंदा हुटा अरह् बुल्दा लागा; के “तुऐं ऐजो का करी लो? ऐजा आदमी तअ रोमन नाँगरिक असो।”

प्रेरितो कै काम 23:11

तियों ही रात्ती प्रभू ऐ संत्त-पौलुस कैई खह्ल़ियों बुलो, “हे पौलुस, दीड़-हिम्मत थो; किन्देंखे के जेष्णी तुँऐं यरूशलेम दी मेरी गुवाऐ-शाज़्त्त दिती, तेष्णी ही ताँव रोम दी भे मेरी गुवाऐ-शाज़्त्त देणी पड़ली।”

प्रेरितो कै काम 23:17

तबे संत्त-पौलुस ऐ तेसी सुबेदारोह् मुझ्षा ऐक झोणा आपु कैई बऐदियों बुलो, “ऐसी जवाँन पल़ट्ण के सरदारो कैई नींयों, ऐ तेस कैई किऐ बुल्णों चहाँव।”

प्रेरितो कै काम 24:23

तबे: पल़्टंण के सुबेदार खे अज्ञाँ दिती, के संत्त-पौलुस देख्ह-रेख्ह अरह् पंह्ऐरे दा थुऐ; परह् ऐस्खे किऐ अजादी असो; के ऐस्के साथी ऐस कैई आऐ सको, अरह् ऐस्की सेंवा-टेह्ल करी सको;

प्रेरितो कै काम 25:12

तबे हाकम फेस्तुस ऐ आप्णें मंन्त्रियों की ऐक बड़ी खुम्ल़ी कंट्ठी करियों तियों बातो की चर्चा करियों जबाब दिता, “तुँऐं महाँ राजा कैसर कैई आप्णीं शुँणवाई की अर्जी करी थंऐ, ईन्देंखे हाँव ताँव महाँ राजा कैसर कैई ही डेयाल़ूबा।”

प्रेरितो कै काम 25:25

परह् मुँह ऐसी आदमी दा किऐ भे ऐशा दोष-ईल़्जाँम ने देखी, के हाँव ऐस्खे मंऊँत्ती की सजा शुँणाँऊ; परह् जबे ऐने आदमी ऐं महाँ राजा कैसर कैई आप्णी शुँणवाई की अर्जी दिती; तअ मुँऐ ऐसी नियाव कर्णों खे रोम डेयाल़्णों का ईरादा करा थिया।

प्रेरितो कै काम 27:11

परह् सुबेदार ऐ संत्त-पौलुस की बातो काँन-जाईरी करी; अरह् कपताँन अरह् पाँणी के जहाजों के माँलिक की बातो गाशी जादा काँन लाया।

प्रेरितो कै काम 27:43

परह् फ़ऊँजी के सुबेदार ऐं संत्त-पौलुस बचाँणों की ताँईऐं तिन का सेजा पलान टाल़ी दिता; अरह् तेने ऐजी अज्ञाँ दिती, के जुण्जे लोग बाऊँऐ जाँणों से संमुँन्द्रों दी छ़ाल़ी माँरियों बाऊँऐ देऐयों पाँडे पाईले ढबै टापू के काट्ल़ो गाशी ज़ाव।

प्रेरितो कै काम 27:6

तेथै शा सुबेदार खे सिकन्दरिया को ऐक पाँणीं को जहाज भेंटो, जुण्जो इटली खे ज़ाणों वाल़ो थियों; अरह् तिन्ऐ आँमों तिन्दें बंईठाल़ी दित्ते।

प्रेरितो कै काम 28:1

जबे आँमें बंची गुऐ, तबे आँमों कैई ऐजा पता लागा के ऐसी टापू को नाँव माल्टा असो।

प्रेरितो कै काम 28:16

जबे आँमें रोम दे पंह्ईचें, तअ संत्त-पौलुस खे ऐजी अज्ञाँ भेटी, के से पंऐरे देणों वाल़े सपाई की गईलो, जेथै चहाँव तेथै रंऐ सको।

इब्रानियों 13:24

आप्णें बादे अगुऐ अरह् बादे पबित्र लोगो खे नमंष्कार बुले। इटली देश शे आऐ अंदे लोग तुँओं खे नमंष्कार बुलो।