प्रेरितो कै काम 26:31 - Sirmouri

³¹ अरह् ज़ाँदी बंई तिनू सोभिऐं बुलो, के “ऐने आदमी ऐं मंऊँत्ती की, सजा के कंय्दी दा थंणों ज़ूगा; किऐ भे अपराध ने करी थंई।”

सिरमौरी नौवाँ नियम

³¹ जोबै सै बायरै जांदै लागै रौवै थिए, तौ सै ऐकी दूजै शै बौलदै लागै, “ऐसी आदमीए मौत का दण्‍ड या कोयदखाने जाणौ जूगा कुणजाई अपराध नी कौरे रैई।”

प्रेरितो कै काम 26:31 ပူးပေါင်းရင်းမြစ်များ

लूका 23:4

तबे हाकम-पिलातुस ऐ मुँख्या-याजकों अरह् लोगो की बड़ी बैशुमाँर भीड़ खे बुलो, “हाँव ऐसी आदमी दा किऐ दोष-कसूर ने जाँण्दा।”

प्रेरितो कै काम 23:29

तेथै मुँह कैई ऐजा पता लागा, के ऐ आप्णें अज्ञाँ-निय्म के ही कारण ऐसी गाशी, दोष-ईल़्जाँम लाओं, अरह् ऐष्णाँ किऐ भे ऐस्का दोष-ईल़्जाँम ने आथी; के ऐस्खे मंऊँत्ती की सजा देऐ ज़ाँव, के हमेशा खे कंय्दी दा पाँया ज़ाँव।

प्रेरितो कै काम 23:9

तबे तअ तेथै हारकुँजी हऐ, अरह् यहूदी द्ल़ के किऐ भाट-बाँम्ण ऊँबे बीऊँजियों झ़ह्गड़िन्दें लागे, अरह् ऐजो बुल्दे लागे; “आँमें ऐसी आदमी का किऐ दोष-कसूर ने जाँण्दें। अरह् ऐजो हंऐ सको, के आत्त्मा ऐ, के कोसी स्वर्गदूत्त ऐ ऐस्खे किऐ बुली थो, तअ तबे का असो?”

प्रेरितो कै काम 25:25

परह् मुँह ऐसी आदमी दा किऐ भे ऐशा दोष-ईल़्जाँम ने देखी, के हाँव ऐस्खे मंऊँत्ती की सजा शुँणाँऊ; परह् जबे ऐने आदमी ऐं महाँ राजा कैसर कैई आप्णी शुँणवाई की अर्जी दिती; तअ मुँऐ ऐसी नियाव कर्णों खे रोम डेयाल़्णों का ईरादा करा थिया।

प्रेरितो कै काम 28:18

सेजे लोग ‘मुँह जाँच-पर्खियों छुड़ी देंणा चहाँव थिऐ, किन्देंखे के मुँदा मंऊँत्ती की सजा देंणों ज़ूगा किऐ भे दोष-ईल़्जाँम ने थी।’

1 पतरस 3:16

अरह् तुवाँरा बिचार-जमीर भे पबित्र थुऐं, ईन्देंखे के जिन बातो के बारेदे तुँवारी बदनाँमी हों, तिन्दे के बारे देसे, जू मसीया दे तुवाँरे आछे चाल-चलण दी बदनाँमी करह् से आपु भे सरमाँऐं ज़ाव।