प्रेरितो कै काम 26:29 - Sirmouri

²⁹ संत्त-पौलुस ऐ जबाब दिता, “थोड़े दा हों भाँव भहित्तें दा हों; मेरी पंण्मिश्वर शी ऐजी ही प्रार्थना असो! के सिर्फ तू ही ने, परह् जै-तोड़े लोगे ऐं ऐत्त्लो मेरी बातो शुँणीं थंई; ऐ बादे झ़ुणे मुँह ही ज़ैष्णें हऐ ज़ाँव; परह् सिर्फ ईनू बैड़ी-शाँगल़ी दे मुँह जैष्णें ने हुऐ च़ैई।”

सिरमौरी नौवाँ नियम

²⁹ पौलुसे बौल़ौ, “पौरमेशवर शै मैरै ऐजी प्रार्थना औसौ, कै का दैणिक दा, का बौहितै दा, बस तू ही नी, पौरौ जैतरै लोग ऐलो मैरी शुणौ, मैरी इनु बेड़ियों कै छोड़ेयौ सै मैरै जैशणै मसीह बिशवाशी बौणै जांव।”

प्रेरितो कै काम 26:29 ပူးပေါင်းရင်းမြစ်များ

यूहन्ना 5:34

ऐशो ने आथी, के मुँह आप्णे बारे दी कोसी आदमी की गुवाई-शाज़्त की जरूरत असो; परह् हाँव ऐजो ईन्देंखे बुलू, के तुओं लोगो छुट्कारा भेटो।

प्रेरितो कै काम 12:6

अरह् जेसी देसे सेजा राजा हेरोदेस संत्त-पतरस पैश कर्णो वाल़ा थिया, तियों आगली ही रात्ती संत्त-पतरस दू: हथक्ड़ी शाँगल़ी दे बाने अंदे थिऐ; अरह् से दू: सपाई के बीच दे सुत्ते अंदे थिऐ, अरह् दुवारों के सहाँम्णें भे संन्त्तरी पऐरा देंदे खह्ड़े थिऐ।

प्रेरितो कै काम 21:33

तबे पल़ट्ण के सेरदारे नंजीक आऐयों संत्त-पौलुस बाँनी दिता, अरह् तेसी दू बैड़ी लंई बाँनणों के अज्ञाँ दिती; तबे तेने तिन कैई शो पूछ़ो, के ऐजा कुँण असो, अरह् ऐने का करी थुओं?

प्रेरितो कै काम 25:14

से तेथै बैजाऐ देसो तोड़ी रूऐ, अरह् तबे हाकम-फेस्तुस ऐ संत्त-पौलुस के बारे दो राजा अग्रिपा कैई बुलो: “ईथै ऐक आदमी असो, जेसी हाकम फ़ेलिक्स ऐ कय्दखानें दा ही छुड़ी थुवा थिया।

रोमियों 10:1

हे भाऐ बंईणों, मेरे मंन की हिछ़ा ऐजी असो, के इस्राएली लोगो खे, अरह् पंणमिश्वर शी मेरी ऐजी प्रार्थना असो, के से छूट्कारा पाँव।

1 कुरिन्थियों 4:8

तुँऐं तअ ऐजो जाँणियों ही खुशी असो, के तुँवारी बादी जरूर्तो पुरी हऐ रंई, तुवाँरे किऐ कमी ने रंऐ रंई, अमाँरी सहाऐता के बिना ही तुऐं राजा बणीं रूऐ! आछो तअ ऐजो थियों के तुऐं राजा बंण्दें अरह् आँमें भे तुँवारी गईलो शाष्ण कर्दे।

1 कुरिन्थियों 7:7

हाँव ऐजो चहाऊँ, के जेष्णाँ हाँव आपु असो, तेष्णें ही बादे मंरोद् भे बिना बियाव-जाझ़्ड़े के रंह्; परह् पंणमिश्वरे तुँओं मुझ़ शी ऐक नाँम आदमी खे भाँत्ती-भाँत्ती के दाण-वर्दान देऐ थुऐ।

2 कुरिन्थियों 11:1

जे मेरी दाँणिक मुरूख्ताऐं सह्ऐन कर्दे, तअ भलो होंदो; होर, मेरी सह्ऐन भी करो।

इफिसियों 6:20

जिन्देकी ताँईऐं हाँव शाँगल़ी दा हिड़कऐयों अंदा राजदूत्त असो; अरह् ऐजो भे के मुँह तिनके बारे दो जेष्णों बुल्णों पड़ो, हाँव तेष्णों ही दिड़्-हिम्मत्त करियों बुली सकू।

कुलुस्सियों 1:28

जिनका प्रचार करियों आँमें हर ऐक आदमी च़ौक्क्ष करी दियों, अरह् बादे ज्ञाँन शे ऐक नाँम आदमी कैई शो शिखाँव ऐ, के आँमें ऐक नाँम आदमी खे मसीया दा पाक्का सीद्ध करियों हाजिर करह्।