प्रेरितो कै काम 26:10 - Sirmouri

¹⁰ मुँऐं यरूशलेम दो ऐशो करो; अरह् मुँख्या-याजकों कैई शा मुँह ऐजा हंक-अधिकार भे भेटा; के कंऐयों भगत्त लोग बाँनियों कंय्दी दे पाऐ देंऊँ; अरह् जबे तिनखे मंऊँत्ती की सजा दिती, तअ हाँव भे तिन्दा संह्ऐमंत्त हुवा।

सिरमौरी नौवाँ नियम

¹⁰ औरौ मोऐं यरूशलेम शहर दो ऐशैखैई कौरौ; औरौ मुख्य यहूदी पुरोहितो शै औधिकार पायौ खै भौरिशै पवित्र लोगौ खै कोयदखाने दै पाए, औरौ जोबै तिनु मारो थिए, तौ हांव बै तिनकै खिलाफ दै आपणी रजामंदी दियु थिया।

प्रेरितो कै काम 26:10 ပူးပေါင်းရင်းမြစ်များ

प्रेरितो कै काम 7:58

अरह् तेसी स्तिफ़नुस तिन्ऐं आप्णें नंगर शा बाँईडा गाड़ियों तेस गाशी पंथराच़ दित्ती; अरह् तिनू सोभिऐं तेस्की हंत्त्या करी दित्ती, अरह् तेसी बख्त्ते तिनू लोगे ऐं आप्णें बाईले खोट्णों खुलियों शाऊल नाँव के जवाँन के लात्तो कैई थंऐयों छ़ूड़ी दिते।

प्रेरितो कै काम 8:1

शाऊल भे तियों हंत्त्या का साथी धिया। तेसी ही देसे यरूशलेम दी कलीसिया गाशी बैजाऐ बड़ा-अंत्त्याचार शुरू हुवा, अरह् खास-चैले के सुवाऐ, बादे के बादे बिश्वाषी जंण; यहूदा अरह् सामरी ईलाके दे खिदर-बिदर हऐ गुऐ।

प्रेरितो कै काम 8:3

शाऊल ऐ तेसी बख्त्ते कलीसिया के लोग सताँऐ लुऐ थिऐ, अरह् से घरह्-घरह् दा जूरे घुसरियों थिया, अरह् तेथै जेसी घरह् दी कुँऐं तिरंई हों, भाँव कुँऐ मंरोद् हों; से तिनू सोभी खींच़ी-खीच़ियों कंय्द खाँनें दे पाऐ दियों थिया।

प्रेरितो कै काम 9:21

तबे बादे शुँण्णों वाल़े लोगो के तुरंबाँणच़ूटे, अरह् से ऐजो बुल्दे लागे; के “कियों ऐजा सेजा ही आदमी आथी ने, जुण्जा आदमी यरूशलेम दे ऐसी नाँव का जाप कर्णो वाल़े भगत्त लोगों का नाँष करह् थिया? कियों ऐ ईथै ईन्दें खे आऐ ने रंई थी; के तिनू लोग बाँनियों मुँख्या-याजकों कैई नीयों?”

प्रेरितो कै काम 9:26

जबे शाऊल यरूशलेम दा पह्ऊँचा, तअ तेने चैले की मंण्डली दो शामिल हंणों की कोशिष करी; परह् से बादे तेस्दे डरो थिऐ, किन्देंखे के तिनू ऐजा बिश्वाष ने थी; के ऐ सोत्तिखे प्रभू यीशू का चैला बंणीं रूवा।

प्रेरितो कै काम 9:32

तबे ऐशो हऐयों के संत्त-पतरस ढिको रिटी-फीरियों, तिनू पबित्र लोगो कैई भे पईचा; जुण्जे लुद्दा दे रंह् थिऐ।

प्रेरितो कै काम 9:41

संत्त-पतरस ऐ तियाँरा हाथ थाँम्ब्ड़ियों तियों खह्ड़ी करी, अरह् पबित्र लोग अरह् बिधवा बऐदियों दोरकास तिनू कैई शी जीऊँदी देखाऐ।

1 कुरिन्थियों 15:9

किन्देंखे के तिनू प्रभू यीशू के खास-चैले मुँझ्शा हाँव सोभी शा छुट्टा असो, अरह् प्रभू यीशू के खास-चैला बुल्णों ज़ूगा भे हाँव आथी ने, किन्देंखे के मुँऐं पंणमिश्वर की कलीसिया सताऐ थऐ।

गलातियौं 1:13

यहूदी मत्त शा जू आगे मेरी चाल-ढाल थी, तिन्दे के बारे दो तुँऐं शुणी थो, के हाँव पंण्मिश्वर की कलीसिया बैजाऐ ही सताऊँ थिया, अरह् नाँष कर्णो की कोशिष करू थिया।

इफिसियों 1:1

इफिसुस नंगर के भगत्तों अरह् यीशू मसीया दे साच्चै बिश्वाषियों के नाँम संत्त-पौलुस के पत्री, जेसी पंण्मिश्वर की हिछ़्या शा प्रभू यीशू मसीया का खास-चैला बंणाँया गुवा:

प्रकाशितवाक्य 17:6

मुँऐ देखो, के सेजी तिरंऐं पबित्र लोगो अरह् मसीया प्रभू यीशू के लह्ऊँ के गुवाह्-शाज़्त्त को लह्ऊँ पीणों लई माँचीं अंदी देखी; तियों देखियों मेरे तोरबाँणच़ूटें।