प्रेरितो कै काम 25:5 - Sirmouri

⁵ ईन्देंखे तुओं लोगो मुँझ्शा कुऐ मुँख्या-अगवाल़ मेरी गंईलो चालो; अरह् जे तेसी आदमी ऐ किऐ गलत करी थुओं; तअ से तेसी गाशी दोष-ईल़्जाँम लाँव।”

सिरमौरी नौवाँ नियम

⁵ तोबै बुलू, “तुऔं मुंजीदै जू औधिकार राखौ, सै साथी हांडो, औरौ जै पौलुसे किछै गौलत काम कौरे राए, तौ तैसी पांदी दोष लाव।”

प्रेरितो कै काम 25:5 ပူးပေါင်းရင်းမြစ်များ

प्रेरितो कै काम 18:14

जबे संत्त-पौलुस के बुल्णों ही थियों, तअ हाकम गल्लियों ऐ यहूदियों खे बुलो, “हे यहूदियों! जे किऐ अ-नियाँई के बात हंदी, तअ ठीक थियो, के हाँव तुँवारी शुँण्दा।

प्रेरितो कै काम 23:30

जबे मुँह कैई ऐजा पता लागा, के ऐसी आदमी के बारे दा माँर्णो का कैड़ा, अरह् किऐ रंच्णा रंचीं लंऐ; तअ मुँऐं ऐसी तेख्णीं ताँव कैई डेयाल़ी दिता, अरह् मुँऐं ऐस्के मुदोई खे भे ऐजी अज्ञाँ देऐ थंऐ; के तुऐं भे हाकमं फेलिक्स के सहाँम्णें ही आप्णा मुकदमा करह्।”

प्रेरितो कै काम 24:8

अरह् तुऐ आपु ऐसी कैई शी पुछ़-ताच्छ़ करियों, तिनू बादी बातों की सच्चाई का पता लाव; जिन्दें के बारे दा आँमें ऐसी गाशी अरोप लाऐ लुवा।) तुँऐं आपु ही ऐसी जाँची पर्खियों जाँणी पाँदें।”

प्रेरितो कै काम 25:16

‘मुँऐं तिन खे ऐजा जबाब दिता, के जाँव तोड़ी कोसी दुईन्नें फरीक आँम्णें-साँम्णें खह्ड़े ने करे ज़ाँव; ताँव तोड़ी कुँऐं भे रोमी हाकम कोसी भे ओका ओकी के हाँथों दा ने देंदी; किन्देंखे के अमाँरे ऐजा रित्ती-रूवाज ने आथी।’

प्रेरितो कै काम 25:25

परह् मुँह ऐसी आदमी दा किऐ भे ऐशा दोष-ईल़्जाँम ने देखी, के हाँव ऐस्खे मंऊँत्ती की सजा शुँणाँऊ; परह् जबे ऐने आदमी ऐं महाँ राजा कैसर कैई आप्णी शुँणवाई की अर्जी दिती; तअ मुँऐ ऐसी नियाव कर्णों खे रोम डेयाल़्णों का ईरादा करा थिया।

प्रेरितो कै काम 25:4

हाकम-फेस्तुस ऐ जबाब दिता, “संत्त-पौलुस कैसरिया के कंय्द दा अरह् पऐरे दा असो; अरह् हाँव आपु शीघा तेथै खे ज़ाँऊबा।

प्रेरितो कै काम 25:6

हाकम-फ़ेस्तुस किऐ आठ-दष देसो तोड़ी तिनके बीच दा रंऐयों पाछ़ू कैसरिया दा आया; अरह् दुज़े देसे से नियाँव के सिंगाँस्हणों गाशी बंईठा; अरह् तेने आज्ञाँ दिती, के तेसी पौलुस मुँह कैई हाजिर करो।