प्रेरितो कै काम 24:5 - Sirmouri

⁵ अमाँरा अनुमाँन असो, के ऐजा आदमी आँमों खे मुँसीबत्त खड़ी कर्णों वाल़ा असो; अरह् ऐ ऐक ऐशा आदमी असो, जू यहूददियों के बीच दा मंत्त-भेद् पंऐदा करह्; अरह् ऐ ऐक खत्तरनाँक नासरी मंत्त का मुँख्या असो।

सिरमौरी नौवाँ नियम

⁵ जिथुकै आमुए ऐसी आदमी खै झगड़ालु औरौ दुनिया कै सारै यहूदी लोगौ मुंजी बलवा कौरणौवाल़ा औरौ ऐजा नासरी पन्थ का मुखिया बै औसौ।

प्रेरितो कै काम 24:5 ပူးပေါင်းရင်းမြစ်များ

मत्ती 10:25

चैले का गुरू के, अरह् दास का मालिक के बुराबर हणों ही बैजाऐ असो, जबे तिन्ऐ घर के मालिक खे शैतान बुला, तअ तेस्के घईले खे से का-का ने बुल्दे!”

मत्ती 2:23

तबे नासरत नाँव के नंगर दा ज़ाऐयों रंह्दा बस्दा लागा, जू सेजा बचन पुरा हों: जुण्जा पंणमिश्वर के बरंम्बाणीं कर्णो वाल़े के जाँणें बुला गुआ थिया: के “तेस्खे नासरी बुला ज़ाँदा।”

मरकुस 1:24

तेने दुष्ट-आत्त्मा के भूंचे अंदे आदमी ऐ लेल्याऐयों बुलो, “हे प्रभू यीशू नाँसरीं, अमाँरे तुँओं शो का लोणों? कियो तुँऐं आँमों खत्त्म कर्दे आऐं रूऐ? हाँव तुँओं पछ़याँणूऐं के तुँऐं पंणमिश्वर के पबित्र जंण असो!”

लूका 23:19

सेजा बरअब्बा तेसी नंगर दा किऐ झगड़ा कर्णो के कारण हंत्त्या के आरोप दा दोषी-कसूरबार बंणियों कय्द खाँने दा बंद बाँना अंदा थिया।

लूका 23:2

अरह् तिनू सभिऐं प्रभू यीशू गाशी ऐजा दोष-ईल़जाम लाया: के “आँमें ऐसी अमाँरे लोग ऐशे दूरताँदे शुँणी थुवा, के महा-राजा संम्राट खे कंण-माँम्ला ने दिऐ; अरह् आपु खे ऐ मसीया अरह् राजा बुलो।”

लूका 23:25

तबे हाकम-पिलातुस ऐ सेजा आदमी बरअब्बा जुण्जा झग्ड़े अरह् हंत्त्या के बिरूध दा कंय्द खाँने दा थिया, तेसी छ़ुड़ी दिता, अरह् प्रभू यीशू तिनू लोगो की भीड़ की हिछ़या शा तिनके हवाले करी दिता।

लूका 23:5

तिनू लोगे हुम्कियों बुलो, के “ऐ गलील प्रदेश शा ऊँडा ईथै तोड़ी बादे यहूदा प्रदेश के कुँणें-कुँणें दे आप्णी शिक्क्षा शे बादी जनता बिरूध कर्णों खे भड़काँदा लागी रूवा।”

प्रेरितो कै काम 15:5

परह् यहूदी भाट-बाम्णों के दल़ शे जुण्जे बिश्वाषी थिऐ, से खह्ड़े हुऐ, अरह् बुल्दे लागे, के ईनू गऐर यहूदियों का खतना जरूर करणा पड़ो; अरह् “ईनखे अज्ञाँ देणी पड़ो के तुँऐं ऋषी-मूसा खे भेंटे गुऐ अज्ञाँ निय्म के मुँताबिक खतना की बिधी-बिधान का पालण करोह्।”

प्रेरितो कै काम 21:28

“हे प्यारे भाईयों! अमाँरी मद्त करह्; ऐ सेजा ही आदमी असो! जुण्जा ढींकों सोभी लोगों खे ऐशी शिक्क्षा का प्रचार करह्, जुण्जा अमाँरी जात्ती, अरह् अमाँरे रिती-रूवाज, अरह् ईयों देऊँठी के बिरूध असो; ऐने ईनू यूनानियों लोग पबित्र जागें दे नींह्ऐयों अ-पबित्र करी पाऐ।”

प्रेरितो कै काम 22:22

तिनू लोगे ऐ संत्त-पौलुस की बातो ईथै तोड़ी तअ जरूर शुँणीं, परह् ईदें पाछ़ी से बैजाऐ लेल्याऐ; के “ऐजा आदमी ईयों धर्ती गाशी रंहणों ज़ूगा ने आथी, ऐसी खह्त्तम करह्!”

प्रेरितो कै काम 24:14

“हाँव तुवाँरे सहाँम्णें ऐतोड़ो जरूर कंबूल करूबा, के जिन्देंखे ऐजो लोग कुँ-बाट बुलो; हाँव तियों सू-बाट के मुँताबिक आप्णें पुराँणिऐं के पंण्मिश्वर की आरार्धना करू, किन्देंखे के जुण्जो किऐ, ऋषी-मूसा खे भेटे गुऐ अज्ञा-निय्म दो; अरह् ऋषियों की पबित्र-ग्रन्थों दो लिखी थुओं: हाँव तिदा सोभी दा बिश्वाष करू।

प्रेरितो कै काम 24:4

हाँव तुवाँरा जादा बख्त्त ने लंणाँ चहाँदा, अरह् मेरी तुँओं कैई शी ऐजी ढाल-अरज असो, के तुऐं कृपा करियों; मेरी दो बातो शुँण्णों की कृपा करह्।

प्रेरितो कै काम 25:7

जबे संत्त-पौलुस आया, तअ यरूशलेम शे आऐ अंदे, यहूदी लोगे ऐं तेसी घेरी पाया; अरह् तिनू गाशी बैजाऐ बड़े गंऐरे दोष-ईल़्जाँम लाँदें लागे, जिनू से साबित्त ने करी सकी।

प्रेरितो कै काम 26:5

से मुँह नहाँन्हड़े शा पुडा जाँणों, अरह् जे से चहाँव तअ मेरे बारे दी गुवाऐ-शाज़्त्त देऐ सको; मुँऐ यहूदी भाट-बाँम्ण हऐयों आप्णे बादे कटर मंत्त-शीख के रूप शा जीवन बिताऐ थुवा।

प्रेरितो कै काम 28:22

परह् आँमें ताँव कैई शे तेरे बिचार शुँण्णें चहाँव? किन्देंखे के आँमें जाणों ऐ के तेसी मंत्त-शीख्ह के बिरूध दी लोग ढीकों बातो कर्दे लागी रूऐ।”

प्रेरितो कै काम 5:17

ऐजो देखियों महाँ-याजक अरह् तिनके बादे साथी, अरह् सदूकियों समाँज के लोग, मीष-जल़्ण शे भरी गुऐ।

प्रेरितो कै काम 6:13

अरह् तेथै तिन्ऐ झुठे गुवाह्-शाज़्त ख्हल़्याऐ दिते, जिन्ऐं ऐजो बुलो, के “ऐजा आदमी सदा पबित्र देऊँठी, अरह् ऋषी-मूसा खे भेटे गुऐ अज्ञाँ-निय्मो के बिरूध दी नींन्दया करह्।

1 कुरिन्थियों 11:19

होर, ऐजो साचो असो, के तुवाँरे बीचो दी जरूर गुट-बाजी हों; किन्देंखे के जुण्जे लोग तुओं मुँझी आच्छै असो, से पर्गट हंदें।

1 कुरिन्थियों 4:13

जबे अमाँरी नीदया करी ज़ाँव तअ आँमें आप्णी शराफत्त शा तिंन्दें का जबाब दियों, जैष्णें के ऐतलो तोड़ी आँमें ईयों संईसारी की गंन्दगी अरह् कुड़ा करक्ट असो।

1 पतरस 2:19

किन्देंखे के जे कुँऐं पंणमिश्वर का बिचार करियों अ-नियाऐं शा दु:ख भूगदे कल़ेष सह्दा रंह् तअ ऐजो आछो असो।