प्रेरितो कै काम 24:16 - Sirmouri

¹⁶ ईन्देंखे हाँव पंण्मिश्वर अरह् आदमी की नंजरी दे आप्णीं अंन्त्तर-आत्त्मा अरह् जमीर सदा नींर-दोष रंहणों के कोशिष करदा रंऊँ।

सिरमौरी नौवाँ नियम

¹⁶ इथकारिए हांव आपी बै कौचिश कौरु, कै पौरमेशवर की औरौ आदमी कै ढौबौशा मैरा विवेक सौदा निर्दोष रौंव।

प्रेरितो कै काम 24:16 ပူးပေါင်းရင်းမြစ်များ

प्रेरितो कै काम 23:1

संत्त-पौलुस ऐ तियों बड़ी खुम्ल़ी की ढबे नीह्जाऐयों देखियों बुलो; “हे भाईयों! मुँऐं हेबी तोड़ी पंण्मिश्वर की नंजरी दा पबित्र-शुद्ध जीवन बिताँऐ थुवा।”

रोमियों 2:15

से ऋषी-मूसा खे भेटे गुऐं निय्मो की बातो आप्णे-आप्णे सासो दी लिखी अंदी दे:खाँव, अरह् तिनके अंन्दुरूनी बिचार भे ऐजी गुवाही-शाज़्त दियों, अरह् तिनके अंन्दरूनी बिचार तिनू मोके गाशी ही कसूरबार अरह् बे-कसूरबार बंणाँव)

रोमियों 9:1

हाँव मसीया के नाँव शो साचो बुलू, झूठों ने बुल़्दा, अरह् मेरी अंन्त्तर-आत्त्मा भे पबित्र-आत्त्मा के जाँणें मुँखे बिश्वाष दियाँव,

1 कुरिन्थियों 10:32

तुँऐं ना यहूदी लोगो खे, अरह् ना यूनानी लोगो खे, अरह् ना पंणमिश्वर की कलीसिया खे ढैस-ठोकर का कारण बंणों।

1 कुरिन्थियों 4:4

किन्देंखे के मेरा मंन मेरी अन्तर-आत्त्मा मुँह कियों भे बातो दा कसूरबार ने बाण्दें, परह् ईन्दें लई हाँव बै-कसूर ने बंण्दी, किन्देंखे के मेरा पर्खणों वाल़ा प्रभू असो।

2 कुरिन्थियों 1:12

किन्देंखे के आँमें आप्णे बिचारो के गुवाऐ-शाज़्त गाशी तारीफ करह्, के संईसारी दे प्रभू यीशू के जाँणें तुवाँरे बिचो दा, अमाँरा चाल-चल्ण पंण्मिश्वर ज़ूगा ऐशा पबित्र अरह् सच्चाई आरी थिया, जू देह्-शरीर की अज्ञाँ शा ने परह् पंण्मिश्वर की कृपा आरी थिया।

2 कुरिन्थियों 4:2

परह् आँमें बै-शर्मी की अरह् चुप्पी की काँम-काज़ छ़ुड़ी दिती, ना चपलुसी शे चाल्दे, अरह् ना पंण्मिश्वर के बचन दी किऐं मिलावट कर्दे; परह् सच्चाऐ पर्गट करियों, पंण्मिश्वर के साम्णें ऐक नाँम आदमी के मंन दी आप्णी भलाऐ बईठाल़ो।

1 थिस्सलुनीकियों 2:10

तुँऐं आपु ही गुवाह्-शाज़्त्त असो, अरह् पंण्मिश्वर भे गुवाह्-शाज़्त्त असो, के तुँऐं बिश्वाषी मुँझी अमाँरा बरताव केष्णा पबित्र, धार्मिक अरह् नीर्दोष रूवा।

1 तीमुथियुस 1:19

अरह् बिश्वाष अरह् तेसी आछे सभाव-बरताव, थाँम्ड़ा अंदा थुऐ, जेसी दूर कर्णो के जाँणें कैतोड़े लोगो के बिश्वाषो का छ:त्तियाँनाँष हुआ।

1 तीमुथियुस 1:5

अज्ञाँ का मंतल्व ऐजा असो, के शुद्ध मंन अरह् आछे बरताव, अरह् बिना कऊँट्ल़े बिश्वाषों लई प्यार पय्दा हों।

1 तीमुथियुस 3:9

परह् से बिश्वाष के भेद् के जाँण्कारी शुद्ध बिचार शी सुऐं कंरियों थंह्।

2 तीमुथियुस 1:3

हाँव रात्त-देस आप्णी प्रार्थनाओं दे तुओं चींत्ते कर्दे पंण्मिश्वर का धन्यबाद करू, जिनकी सेवा हाँव आप्णें शुद्ध बीचार शी तेष्णीं ही करू; जेष्णीं के मेरे पुराँणिऐं करह् थिऐ।

तीतुस 1:15

पबित्र लोगो खे बादी च़ीज़ो पबित्र हों, परह् बिचकै अरह् बै-बिश्वाषी खे किऐ भे शुद्ध ने आथी, परह् तिनकी बुद्धी अरह् तिनका जमीर दुईनें अ-शुद्ध असो।

इब्रानियों 10:22

तअ आव, आँमें साच्चै मंन, अरह् बादे बिश्वाष आरी, अरह् आप्णी अंन्त्तर आत्त्मा का दोष दूर कर्णो खे आप्णें दिल गाशी छ़िड़कावा करियों, अरह् आप्णी देह्-शरीर शुद्ध जंल शी धोऐयों पंण्मिश्वर के नंजीक ज़ाँव।

इब्रानियों 13:18

आँमों खे प्रार्थना करिया करह्, किन्देंखे के आँमों भुर्षा असो, के अमाँरी अंन्त्तर-आत्त्मा शुद्ध असो। अरह् अमाँरी सेजी ही कोशिष रंह्, के अमाँरा जीवन ऐक नाँम बातो दा आदर-ईज्जत ज़ूगा हों।

इब्रानियों 9:14

तअ तबे मसीया को लह्ऊँ जिन्ऐं आपु आप्खे सदा अमर रंहणों वाल़ी आत्त्मा के कारण पंण्मिश्वर के सहाँम्णें नीर-दोष बंल़ीदाँण के रूप दा भेंट कंरियों चड़ाया; तअ तबे तुवाँरी अंन्त्तर आत्त्मा के मँरे अंदे कामों शे से कैई ने शुद्ध कर्दी? जू तुऐं जीऊँदें पंण्मिश्वर के सेंवा करी सको।

1 पतरस 2:19

किन्देंखे के जे कुँऐं पंणमिश्वर का बिचार करियों अ-नियाऐं शा दु:ख भूगदे कल़ेष सह्दा रंह् तअ ऐजो आछो असो।

1 पतरस 3:16

अरह् तुवाँरा बिचार-जमीर भे पबित्र थुऐं, ईन्देंखे के जिन बातो के बारेदे तुँवारी बदनाँमी हों, तिन्दे के बारे देसे, जू मसीया दे तुवाँरे आछे चाल-चलण दी बदनाँमी करह् से आपु भे सरमाँऐं ज़ाव।

1 पतरस 3:21

ऐजो नहाँण-नहाँणों च़ीन असो, जू तुओं खे छूट्कारा असो; ऐसी नहाँणों का मतल्व देह्-शरीर को मोंल़ धुणों ने आथी; परह् शुद्ध मंन शा पंण्मिश्वर खे आपु आप्खे देणों असो, किन्दें खे के ऐजो नहाँण प्रभू यीशू मसीया के दुज़ाल़िऐ ऊबै जीऊँणों का प्रतिक असो।