प्रेरितो कै काम 23:10 - Sirmouri

¹⁰ जबे बैजाऐ बाद-बिबाद बड़ा, तअ पल़ट्ण के सरदार ऐ तेसी डरह् को के कद्दी ऐशो ने हऐयों के ऐजे लोग संत्त-पौलुस के रींडे-रींडे ने बाँणी दियों; ईन्देंखे तेने आप्णें फोऊँजी खे अज्ञाँ दिती, के “बड़ी खुम्ल़ी दे ऊदे ज़ाँव; अरह् ऐसी पौलुस ऊबा आँणिंयों किल्लै दा भीटा नींयों।”

सिरमौरी नौवाँ नियम

¹⁰ जोबै तिथै बैजाए बैहस हौंदै लागै, तौ सैनिक गुट कै सरदारे ऐसी डौरौ शै कै सै पौलुसो कै टुकड़ै-टुकड़ै नी कौरे दैंव सैनिक गुट कै आज्ञा दै की ओतरेयो पौलुस खै सभा कै सदस्यों कै बीचो मुंजीदा जोरै घाड़ो, औरौ गढ़ दा लोय जाव।

प्रेरितो कै काम 23:10 ပူးပေါင်းရင်းမြစ်များ

प्रेरितो कै काम 21:37

जबे फऊँजी ऐं संत्त-पौलुस किले दा भीटा नींयाँ, तअ संत्त-पौलस ऐं सुबेदार खे बुलो; “कियों हाँव तुओं कैई किऐ बिनती करी सकू?” तेने सुबेदार ऐं तेस्खे जबाब दिता; कियों तू यूनानी भाषा-बुली जाँणें ऐ?

प्रेरितो कै काम 22:24

तबे पल़ट्ण के सेरदारे बुलो, “ऐसी आदमी गाँव दा नींहयों; अरह् ऐस्दे कोड़े माँरियों पर्खियों जाँचो, जिन्दें लई ऐजा पता लागो, के ऐजे लोग संत्त-पौलुस के बिरूध ऐत्रे कैई ले-लेल्याऐ रूऐ।”

प्रेरितो कै काम 23:16

परह् संत्त-पौलुस के भाँण्जे ऐ ऐजो सब-कुछ शुँणीं पाव, अरह् से आप्णें माँमा बंचाँदा किल्लै दा पंह्ईचा, अरह् भींटे ज़ाऐयों तेने संत्त-पौलुस कैई सेजो सब-कुछ़ साफ-साफ बुली दितो।

प्रेरितो कै काम 23:27

महाराज! यहूदियों ऐ जबे ऐसी आदमी पौलुस थाँहम्बड़ी पाया, अरह् से ऐसी माँरी देंणाँ चहाँव थिऐ; तअ तेख्णीं मुँऐं आप्णें सपाई आरी तेथै ज़ाऐयों ऐसी ऊँडा छ़ुड़ाया, किन्देंखे के मुँह कैई ऐजा पता थिया; के ऐ रोमी नाँगरिक असो।

प्रेरितो कै काम 23:28

हाँव ऐजो जाँण्णों चहाऊँ थिया, के से ऐसी गाशी किदे की ताँईऐं दोष-ईल़्जाँम लाँणा चहाँव, ईन्देंखे ऐसी मुँऐ बड़ी खुम्ल़ी दा नींयाँ।

प्रेरितो कै काम 23:32

दुज़े देसे सेजा फोऊँजीं का सुबेदार आप्णें घूड़-शुवार अरह् भाले वाल़े सपाऐ; संत्त-पौलुस की गईलो ज़ाँणों खे तैथी छ़ूड़े; अरह् आपु से पाछ़ू आप्णी पंल़्टण की छ़ाँऊँणी दे आऐ।

प्रेरितो कै काम 24:7

परह् पल़ट्ण के सरदार लूसियास ऐ तेसी जोरा-जवरी अमाँरी हाथों शा छीनींयों छुड़ाऐ दिता;

2 कुरिन्थियों 11:26

हाँव बार-बार यात्रा दा; नंदी के खत्रै दा; डाकूँ के खत्रै दा; आप्णें यहूदी भाई के खत्रै दा; गयर-यहूदियों के खत्रै दा; नंगरो के खत्रै दा; जाँगल़ों के खत्रै दा; सँमुन्द्रों के खत्रै दा; झूट्ठै भाईयों के बीच के खत्रै दा रूवा।

याकूब 1:19

हे मेरे प्यारे भाऐ बंईणों, ऐजी बात जाँणी पाव: के बादे आदमी शुण्णों खे सक्न्नै अरह् बुल्णों खे सबैर, अरह् झोको-गुस्सै खे धीरज-बंन्त्त चेंईं।

याकूब 3:14

परह् जे तुवाँरा मंन-सास डाह्-जल़ण अरह् सुवार्थी हिछ़्या शा भरा अंदा असो, अरह् तिन्दा तुँऐं किऐ धमंन्ड करियों साचे को झूठो बाँणियों ने बुल़े।