प्रेरितो कै काम 22:20 - Sirmouri

²⁰ अरह् जबे ईनू लोगे ऐ, तुवाँरे गुवाह्-शाज़्त्त स्तिफनुस को लह्ऊँ बुवाऐ लों थियो; तअ हाँव भे तेथै खह्ल़िया अंदा थिया, अरह् जिनू लोगे ऐं तेसी माँरी लुवा थिया; हाँव तिनकी खट्णों का जंगवाल़ा थिया।’

सिरमौरी नौवाँ नियम

²⁰ औरौ जोबै तैरै गवाह स्तिफनुस का लोऊ बोवाय जांदा लागै रौआ थिया, तोबै बै हांव तिथै खौड़ा थिया, औरौ इयौं बात दा सहमत थिया, औरौ तैसकै मारणौ वाल़ै कै खोटणो कै रोखवाल़ी कौरु थिया।’

प्रेरितो कै काम 22:20 ပူးပေါင်းရင်းမြစ်များ

लूका 11:48

अरह्: तुँऐं ईन्दें के आपु ही गुवाह्-शाज़्त बंणों; अरह् आप्णे नाना, बाबा, अरह् पुराँणियाऐं के काँम-काज़ दे सऐम्त्त भे असो; किन्देंखे के तिन्ऐ तअ तिनू ऋषियों माँरी दिते, परह् तुँऐं तिन की खात्ती पोत्त्ल़ै बंणाँऐयों तिन्दें के साजी बंणें।

प्रेरितो कै काम 26:10

मुँऐं यरूशलेम दो ऐशो करो; अरह् मुँख्या-याजकों कैई शा मुँह ऐजा हंक-अधिकार भे भेटा; के कंऐयों भगत्त लोग बाँनियों कंय्दी दे पाऐ देंऊँ; अरह् जबे तिनखे मंऊँत्ती की सजा दिती, तअ हाँव भे तिन्दा संह्ऐमंत्त हुवा।

प्रेरितो कै काम 6:5

तबे ऐजी बात तियों बादी मंड्ल़ी के लोगों के आच्छ़ी लागी, अरह् तिन्ऐ स्तिफनुस नाँव का ऐक आदमी जुण्जा बिश्वाषी अरह् पबित्र-आत्त्मा शा भरा अँदा थिया; अरह् फ़िलिप्पुस, प्रोखुरूस, निकानोर, तीमोन, परमिनास, अरह् अन्ताकिया का रंहणों वाल़ा; जुण्जा के यहूदी मंत्त दा आऐ रूवा थिया, जेस्को नाँव निकोलास थियों तेसी भी तियों सेंवा खे च़ूणीं-छ़ाँटी पाया।

प्रेरितो कै काम 7:58

अरह् तेसी स्तिफ़नुस तिन्ऐं आप्णें नंगर शा बाँईडा गाड़ियों तेस गाशी पंथराच़ दित्ती; अरह् तिनू सोभिऐं तेस्की हंत्त्या करी दित्ती, अरह् तेसी बख्त्ते तिनू लोगे ऐं आप्णें बाईले खोट्णों खुलियों शाऊल नाँव के जवाँन के लात्तो कैई थंऐयों छ़ूड़ी दिते।

प्रेरितो कै काम 8:1

शाऊल भे तियों हंत्त्या का साथी धिया। तेसी ही देसे यरूशलेम दी कलीसिया गाशी बैजाऐ बड़ा-अंत्त्याचार शुरू हुवा, अरह् खास-चैले के सुवाऐ, बादे के बादे बिश्वाषी जंण; यहूदा अरह् सामरी ईलाके दे खिदर-बिदर हऐ गुऐ।

रोमियों 1:32

सेजे लोग पंणमिश्वर की धार्मिक बिधी आछ़ी-भली जाँणों थिऐ, के ऐष्णी-ऐष्णी काँम-काज़ कर्णो वाल़े, मऊँती की सजा ज़ूगै असो; परह् से आपु तअ ऐष्णें बुरे काँम-काज़ करह् ही थिऐं, परह् जे कुँऐं ओके करह् थिऐं; तबे भे से तिन्शे खुशी हों थिऐ, अरह् आपु भे तिनका साथ करह् थिऐ।

प्रकाशितवाक्य 17:6

मुँऐ देखो, के सेजी तिरंऐं पबित्र लोगो अरह् मसीया प्रभू यीशू के लह्ऊँ के गुवाह्-शाज़्त्त को लह्ऊँ पीणों लई माँचीं अंदी देखी; तियों देखियों मेरे तोरबाँणच़ूटें।

प्रकाशितवाक्य 2:13

हाँव ऐजो जाँणू ऐ, के तू तेथै रंऐ, जेथै शैतान को सिंगाँस्ण असो; तू मेरे नाँव गाशी पाका अट्ल़ रूऐ, अरह् मुँह गाशी बिश्वाष कर्णो शा तिनू देसो दा भे पाछू ने फिरे, जिनू मुँझी मेरा बिश्वाष ज़ूगा, भाऐ अन्तिपास जू तुवाँरे बीचो दा तेसी जागा दा मेरी खुषख्बरी शुँणाँणों के कारण माँरा गुवा जेथै शैतान आप्णों राज करह्।