प्रेरितो कै काम 21:3 - Sirmouri

³ जबे अमाँरे साईप्रस टापू देखाई दिता, तअ आँमें तेसी टापू डेरे ढबे छुड़ा, अरह् आँमें सीरिया खे ज़ाऐयों सूर नंगर दे ऊदे ऊत्रें; किन्देंखे के तेथै जहाजो को संमाँन ऊदो ऊतार्णो थियो।

सिरमौरी नौवाँ नियम

³ जोबै अमारै डैरै ढौबौ साइप्रस टापू दैखिया, तौ आमु तिथु छोड़ेयौ सीरिया प्रदेश कै ढौबौ बौढ़दै गौवै औरौ सूर नोगर दै पौऊंचै जिथुकै तिथै जहाज शै समान उतारणो थियु।

प्रेरितो कै काम 21:3 ပူးပေါင်းရင်းမြစ်များ

मत्ती 11:21

“फींटकारा असो, खुराजीन! नंगर के लोगो गाशी, अरह् फींटकारा असो, बैतसैदा! नंगर गाशी, जेथै ऐत्रे चींन-चंम्त्तकार करे गुऐ; अरह् जे सेजे ही चींन-चंम्त्तकार सूर अरह् सैदा दे करे ज़ाँदे, तअ से टाटो लई मेंठियों अरह् खेऊँड़ों गाशी बऐठियों आप्णा मंन बंद्ल़्दे।

मत्ती 4:24

बादे सीरिया देश दा तिनका ज़ष फऐली गुवा; अरह् लोगे बादे बीमार जू नाँनी-बड़ी बीमारी की दु:ख दे जक्ड़े अंदे थिऐ, अरह् जिन्दी दुष्ट-आत्त्मा थी, अरह् मिर्गी वाल़े अरह् अदरंगो के दु:खिया तिन कैई आँणें अरह् प्रभू यीशू ऐ तिनू चाँगे करे।

लूका 10:13

“श्राँप-फीट्कारा असो खुराजीन खे! श्राँप-फींटकारा असो, बैतसैदा! खे किन्देंखे के जुण्जे शक्त्तिशाली काँम-काज़ तुँओं मुँझी हऐ; जे सेजी ही काँम-काज़ सूर, अरह् सैदा, दे करी ज़ादी; तअ ऐजो बादो सूर, अरह् सैदा, टाट-बुरी लई मेठियों दु:खो के मारे खेऊड़ो गाशी बऐठियों कद्दी ऐत्तलो खे मंन बद्ल़ी देंदे।

लूका 2:2

ऐजी आगली नाँव लिख्णों के प्रथा तेसी बख्ते शुरू हऐ; जबे क्विरिनियुस सीरिया का हाक्म थिया।

प्रेरितो कै काम 11:19

जुण्जे लोग तेसी कंल़ेष के कारण माँरे गुऐ, जुण्जे स्तिफनुस के कारण पड़ा थिया; अरह् सेजे लोग खिदर-बिदर हुऐ गुऐ थिऐ, अरह् से रिट्दे-फीर्दे फीनीके अरह् साइप्रस, अरह् अन्ताकिया दे पंह्ईचे; परह् यहूदियों के सुवाऐ से कोसी ओकी कैई बचन ने शुँणाँव थिऐ।

प्रेरितो कै काम 12:20

राजा हेरोदेस सूर, अरह् सैदा, के लोगो शा बैजाऐ नींराज हऐ रूवा थिया, तबे सेजे बादे सूर अरह् सैदा के लोग ऐक दल़ बंणियों राजा हेरोदेस कैई आऐ; अरह् से राजा के देंख्ह भाल़ कर्णों वाल़े बलास्तुस नाँव के आदमी मंनाँऐयों मिलाप कराँणा चहाँव थिऐ; किन्देंखे के तिनको बादो देश नाँज-पाँणी खे राजा हेरोदेस के ईलाके गाशी ही दारंम-दार थियों।

प्रेरितो कै काम 13:4

ऐशे दाँई पबित्र-आत्त्मा के जाँणें बरनबास अरह् शाऊल सिलूकिया टापु गाशी हुटे; अरह् तेथै शे से पाँणी की जहाँज दे बंईठियों साइप्रस टापु गाशी खे चाल पड़े।

प्रेरितो कै काम 15:23

अरह् तिनके हाथै ऐजी पत्री डेयाल़ी जिन्दो लिखी थो थियों: के “खास-चैले अरह् यहूदियों के ठह्गड़ै लोग; तुओं सोभी भाऐ-बंईणों खे, अनताकिया, सीरिया, अरह् किलिकिया, के गऐर-यहूदी, भाऐ-बंईणों खे नमंष्कार करह्।

प्रेरितो कै काम 15:39

तबे: ईन्दें गाशी दुई मुँझी, ऐत्रा जादा मंत्त-भेद् हऐ गुवा; के से ओका ओकी शे ज़ोई हऐ गुऐ; तबे संत्त-बरनबास ऐ मरकुस आप्णी गंईलो नींहयों पाँणी के जहाँजो दे कुप्रुस टापु दे हुटे।

प्रेरितो कै काम 15:41

अरह् से सीरिया, किलिकियाँ, की कलीसियों दा घुमियों; अरह् ऊकी बादी कलीसिया बिश्वाष दी पाक्की करदा रूवा।

प्रेरितो कै काम 18:18

संत्त-पौलुस बैजाऐ देसो तोड़ी कुरिन्थियों दा रूआ। तबे बिश्वाषी भाऐ-बंईणों कैई शी बिदाऐं लंऐयों, प्रिस्किल्ला अरह् अकिवला की गईलो, पाँणीं के जहाजों दे सीरिया देश खे हुटे; तिन्ऐ कंसी बरंत्तो के कारण किंख्रिया टापू गाशी; आप्णों मूँढ लुणाँऐयों ख्रूमुँण्डी बंणाँऐ दिती, किन्देंखे के तिनकी सेजी मंन्त्त-हीछ़ा करी अंदी थी;

प्रेरितो कै काम 21:16

कैसरिया के किऐ चैले अमाँरी गईलो आऐं, अरह् आँमों कुप्रुस के रंहणों वाल़े मनासोन नाँव के आदमी के घरह् दे हुटे; अरह् सेजा मनासोन शुरू के देसो दा चैला बंणी रूवा थिया, अरह् आँमें तबे तेसी कागी रंहणों वाल़े थिऐ।

प्रेरितो कै काम 21:2

पतारा नंगर शो आँमों पाँणी को जहाज भेटो, जुण्जो फीनीके प्रदेश खे ज़ाँदो लागो थियों; ईन्देंखे आँमें तिन्दें शुवार हऐयों तेथै शे आगु हुटे।

प्रेरितो कै काम 21:7

तबे आँमें सूर नंगर शे पाँणी की यात्रा पुरी करियों पतुलिमयिस दे पंह्ईचे, अरह् तेथै के बिश्वाषी भाऐ-बंईणों खे नमंष्कार करियों तिनकी गईलो ऐक देस तेथै रूऐ।

प्रेरितो कै काम 27:4

तेथै शो जबे आँमें जहाज खुलो, तअ बागूर ऊल़्टी फिर्णो के कारण आँमें साइप्रस टापू की आड़ दे आगे बड़दे लागे;

प्रेरितो कै काम 4:36

यूसुफ नाँव का ऐक आदमी थिया, से लेवी बंष का थिया; अरह् तेस्का जन्म कुप्रुस द्वीप दा हुवा थिया, अरह् खास-चैले ऐं तेस्को नाँव बरंनबास मंतल्व “सान्त्वना का बैटा” थंऐ थो थिया।