प्रेरितो कै काम 21:20 - Sirmouri

²⁰ तिन्ऐं ऐजी बात शुँणिंयों पंण्मिश्वर की बड़ियाऐं करी, अरह् संत्त-पौलुस खे बुलो; “भाऐ! तुऐ देखी लो, के हजारो यहूदियों ऐ बिश्वाष करी पाया; अरह् से बादे निय्म पाक्कै माँनणों वाल़े भे असो।

सिरमौरी नौवाँ नियम

²⁰ तिनुऐ ऐजौ शोणेयो पौरमेशवर कै महिमा कौरे, तोबै तैसीखै बौल़ौ, “ओए रै भाई, तू जाणै, कै यहूदी लोगौ मुंजीदै कैईंयौं हजार लोगै बिशवाश कौरा; औरौ सौबवे मूसा कै कानून खै मानौए।

प्रेरितो कै काम 21:20 ပူးပေါင်းရင်းမြစ်များ

मत्ती 9:8

लोग ऐजो देखियों डरी गुऐ, अरह् पंणमिश्वर की बड़ियाऐं कर्दे लागे, जिन्ऐं आदमी खे ऐष्णा हंक-अधिकार देऐ थुवा।

लूका 12:1

तैतिऐखे जबे हजारंह् लोगो के बै-शुमाँर भीड़ लागी गऐ, ऐत्रें ज़ुगी के लोगो के ढोस्रोल़ै लई ओके लोग घींजिन्दे लागे; तअ तबे प्रभू यीशू सोभी शे आगे, आप्णें चैले खे बुल्दे लागे; के “यहूदी भाट-बाम्णों के खमीर जेष्णें कऊँट्ल़ो शे च़ौक्क्ष रूऐ।

लूका 15:32

परह् ऐबे खुशी मनाँणी पड़ो, किन्देंखे के तेरा काँण्छा भाऐ जू अमाँरी लेख्हे मंरी जिया रूवा थिया; परह् ऐ ऐबे जीऊँदा असो, जू पाँऐ रूवा थिया, से आँमों पाछू भेंटी गुवा।’”

यूहन्ना 12:24

हाँव तुँओं खे ऐक खास बात बुलू, के जाँव तोड़ी गींऊँ का दाँणा जींम्मी दा पड़ियों मँरी-शड़ी ने ज़ाँदा, ताँव-तोड़ी से ऐक्ली ही रंह्; परह् जबे से मँरी-शंड़ी ज़ाँव, तअ तबे सेजा दाँणा हजो ऊँबा जाँमियों आपु दे फल़ियों बैजाऐ दाँणें फल़ आँणों।

प्रेरितो कै काम 11:18

ऐजी बातो शुँणियों यहूदी बिश्वाषी भाऐ-बंईणों शाँण्त्त हऐ गुऐ, अरह् तिन्ऐं पंण्मिश्वर के आरार्धना करी; के जबे “पंण्मिश्वर ऐ गऐर-यहूदियों खे भे ऐजा बरंदाँन देऐ थुवा, के ऐ भे आप्णाँ मंन बद्ल़ों अरह् ईनू भे नुवाँ जीवन भेटो।”

प्रेरितो कै काम 15:1

तबे किऐ लोग यहूदिया ईलाके शे बड़े नंगर अन्ताकिया दे आऐ, अरह् आऐयों तिन्ऐं बिश्वाषी भाऐ-बंईणों कैई शो ऐजो शिखाव: के “जे तुवाँरा ऋषी मूसा खे भेटे गुऐ अज्ञाँ निय्म के मुँताबिक खतना ने हुवा! तअ तुओं खे मुँक्त्ति-छ़ूट्कारा ने भेंटी सक्दा।”

प्रेरितो कै काम 15:24

आँमें शुँणी थो, के ईथै शे किऐ बाईले लोग, जिनखे आँमें किऐ हंक-अधिकार ने देऐ थंई थी; से तुओं कैई आऐ, अरह् तिन्ऐं तुवाँरे मंन चंच्ल़ अरह् दू:च़ींत्तै करी दिते; परह् तिनू आँमें ने डेयाल़ी थंई थी, से झूठै थिऐ।

प्रेरितो कै काम 15:5

परह् यहूदी भाट-बाम्णों के दल़ शे जुण्जे बिश्वाषी थिऐ, से खह्ड़े हुऐ, अरह् बुल्दे लागे, के ईनू गऐर यहूदियों का खतना जरूर करणा पड़ो; अरह् “ईनखे अज्ञाँ देणी पड़ो के तुँऐं ऋषी-मूसा खे भेंटे गुऐ अज्ञाँ निय्म के मुँताबिक खतना की बिधी-बिधान का पालण करोह्।”

प्रेरितो कै काम 2:41

तबे: तिन्ऐं संत्त-पतरस की तिनू बातो माँनी, अरह् नहाँण-नहाँव; अरह् तेसी ही देसे किऐ च़ींन हजार आदमी बिश्वाषी भाऐ-बंईणों आरी मीली गुऐ।

प्रेरितो कै काम 22:3

“हाँव यहूदी असो! हाँव किलिकिया के तरंसुस नंगर दा पय्दा हऐ रूवा; अरह् मुँऐ ऐसी नंगर दे ही गुरू-गमलीएल के लात्तो कैई बऐठियों शिक्क्षा-दिक्क्षा लऐ थंऐ; मुँऐं आप्णें पुराँणियाऐं के रित्ती-रूवाज के बिधी-बिधान का बादा अध्यन करी थुवा; हाँव पंण्मिश्वर का तेष्णा ही आरार्धना कर्णों वाल़ा बंणाँ, जेष्णें तुऐं असो।

प्रेरितो कै काम 4:21

ईन्दें गाशी तिन्ऐं संत्त-पतरस अरह् संत्त-यूहन्ना खे धम्की देऐयों छुड़ी दित्ते; किन्देंखे के से जंन्त्ता के कारण तिनखे सजा देंणों, का किऐ दाव ने भेटो थिया; ईन्देंखे के जुण्जी घट्णा हऐ रंऐ थी, तिन्दें के कारण बादे लोग पंण्मिश्वर के बड़ियाऐं करह् थिऐ।

प्रेरितो कै काम 4:4

परह् जिनू लोगे ऐं खास-चैले कैई शे पंण्मिश्वर के बचन शुँणीं थुऐ थिऐ, तिनू मुँझ्शा भहित्ते लोगे ऐं बिश्वाष करी थुवा थिया; अरह् बिश्वाष कर्णों वाल़े मंर्दो के गीनत्ती किऐ पाँच हजार लोगों के लग-भग तोड़ी पंह्ऊँची गऐ थी।

प्रेरितो कै काम 6:7

तबे पंण्मिश्वर का बचन फऐल्दा लागा, अरह् तबे यरूशलेम दी चैले की गिनती बैजाऐ बड़्दी लागी; अरह् तबे बैजाऐ याजकों ऐं भे बिश्वाष करियों तिनका मंत्त माँनी पाया।

रोमियों 10:2

किन्देंखे के हाँव तिनके ढबे शी ऐजी गुवाऐ-शाज़्त देऊँ, के से पंणमिश्वर की लगंन दे बैजाऐ मंगन रंह्, परह् से पंणमिश्वर के बचन दे टीके ने रंह्दे, अरह् ना तिन्दें दारमदार रंह्दे।

गलातियौं 1:14

आप्णे जात्ती वाल़े, जुण्जे मेरी ऊमरी के थिऐ; तिनू हाँव यहूदी मंत्त दे बैजाऐ बंड़ाऊँ थिया; अरह् आप्णे नाँना-बाबा के रिती-रूवाज के मुँताबिक बैजाऐ होंस्ले दा थिया।

गलातियौं 1:24

अरह् मेरे जाँणें तिन्ऐं पंण्मिश्वर की बड़ियाऐं करी।”

2 थिस्सलुनीकियों 1:10

ऐजो तेसी देसे होंदो, जबे से आप्णे पबित्र लोगो शी बड़ियाऐ अरह् बादे बिश्वाष कर्णें वाल़े मुँझ़ी हेरानी के कारण आँदे; किन्देंखे के तुँऐं अमाँरी गुवाह्-शाज़्त्त गाशी बिश्वाष करा।