प्रेरितो कै काम 21:11 - Sirmouri

¹¹ तेने ऋषी ऐ आँमों कैई आऐयों संत्त-पौलुस का कंमर बंन्द आँमो कैई शा आगु करा, अरह् आप्णे हाथ लात्त बाँनीयों बुलो, “पबित्र-आत्त्मा ऐजो बुलो: के जेसी आदमी का ऐजा कंमर बंन्द असो; तेसी यरूशलेम दा ऐष्णाँ ही बाँन्दा, अरह् तेसी गऐर-यहूदियों के हाथै देऐ देईला।”

सिरमौरी नौवाँ नियम

¹¹ तैणै अमारै धोरे आयौ पौलुस का सापा कौरा, औरौ आपणै हाथ लात बांनैयौ खै बौल़ौ, “पवित्र आत्मा ऐजौ बौल़ौ, कै जैसी आदमी का ऐजा सापा औसौ, तैसीखै यरूशलेम शहर दै यहूदी लोग ऐशैखैई बांनदै, औरौ बैगानै यहूदी कै हाथौ दा दैय दैंदै।”

प्रेरितो कै काम 21:11 ပူးပေါင်းရင်းမြစ်များ

यूहन्ना 18:1

ईनू बातो बुल़्णों पाछ़ी, प्रभू यीशू आप्णे चैले आरी; किन्द्रोन नाँल़े शे ऊबै घाटी टपियों, पाँडे पाईले ढबै ऐक बाग दे हुटे।

प्रेरितो कै काम 13:2

जबे तिनू बिश्वाषी भाऐ-बंईणी ऐं बरंत्त करियों प्रभू की आरार्धना-स्तुत्ति करी लंऐ थी; तअ तिनखे पबित्र-आत्त्मा ऐं बुलो: “मुँऐं बरनबास अरह् शाऊल खास काँम-काज़ खे बंऐदी थुऐ; ईनू दुईन्ने झ़ुणें मेरी ताँईऐ मुँखे ज़ोई करह्।”

प्रेरितो कै काम 16:6

पबित्र-आत्त्मा संत्त-पौलुस, सीलास, अरह् तिमुथियुस खे आसिया ईलाके दा बचन का प्रचार कर्णो शा भाजी गुवा; ईन्देखे तिन्ऐं फ्रूगिया अरह् गलातिया ईलाके का दोंरा करा।

प्रेरितो कै काम 20:23

सिर्फ हाँव ऐजो जाँणू, के ऐक नाँम नंगर दे पबित्र-आत्त्मा ऐं मुँखे साफ-साफ चींताँव्णीं देऐ थंऐ, के तेथै मुँखें बैड़ी-शाँग्ल़ि अरह् दुख्ह-कष्ट ही मेरी ढह्ल़णाँई दें तैयार असो।

प्रेरितो कै काम 21:33

तबे पल़ट्ण के सेरदारे नंजीक आऐयों संत्त-पौलुस बाँनी दिता, अरह् तेसी दू बैड़ी लंई बाँनणों के अज्ञाँ दिती; तबे तेने तिन कैई शो पूछ़ो, के ऐजा कुँण असो, अरह् ऐने का करी थुओं?

प्रेरितो कै काम 21:4

तबे आँमें तेथै चैले का पता लाया, अरह् चैले भेंटीयों आँमें सात्त देसो तोड़ी तेथै रूऐ; तबे तिनू चैले ऐ पबित्र-आत्त्मा की शक्त्ति लई संत्त-पौलुस खे बुलो, के यरूशलेम दी आप्णीं कंदमं-भींख ने थुऐ।

प्रेरितो कै काम 22:25

जबे तिन्ऐं कोड़ै लाँणों खे तेसी बाँनी लुवा थिया, तअ संत्त-पौलुस ऐ तेथै खह्ल़ी अंदे सुबेदारो कैई शो पूछ़ो; “कियो तुऐं काँनून के मुँताबिक ऐशे आदमी दे कोड़ै लाऐ सको; जुण्जा रोमन नाँगरिक असो; अरह् जेसी दोषी-कसूरबार भे बंणाँऐ ने थंई?”

प्रेरितो कै काम 24:27

परह् जबे दो साल्ह बित्त्णों गाशी, तेस्की जागा दा, हाकम पोर्कियुस-फेस्तुस बंणाँया गुवा; तअ तबे हाकम-फ़ेलिक्स ऐ यहूदी लोग खुशी कर्णो की ताँईऐ संत्त-पौलुस कंय्दखाँने दा ही छ़ुड़ी दिता।

प्रेरितो कै काम 26:29

संत्त-पौलुस ऐ जबाब दिता, “थोड़े दा हों भाँव भहित्तें दा हों; मेरी पंण्मिश्वर शी ऐजी ही प्रार्थना असो! के सिर्फ तू ही ने, परह् जै-तोड़े लोगे ऐं ऐत्त्लो मेरी बातो शुँणीं थंई; ऐ बादे झ़ुणे मुँह ही ज़ैष्णें हऐ ज़ाँव; परह् सिर्फ ईनू बैड़ी-शाँगल़ी दे मुँह जैष्णें ने हुऐ च़ैई।”

प्रेरितो कै काम 28:17

च़ींन देसो बित्त्णों गाशी, संत्त-पौलुस ऐ यहूदियों के मुख्या-बुड़े-बुजूर्गो लोग बईदे, अरह् जबे से बादे झुणें कठै हऐ गुऐ, तअ तबे संत्त-पौलुस ऐ तिनखे बुलो, “हे भाईयों! मुँऐं अमाँरी जात्ती के बिरूध किऐ भे अपराध ने करी थंई; अरह् ना आप्णें पुराँणियाऐं के रित्ती-रूवाज के बिरूध किऐ अपराध करी; तबे भे मुँह यरूशलेम दा कंय्द करा, अरह् रोमियों के हवाले करी दिता।

प्रेरितो कै काम 28:20

ईन्देंखे मुँऐ तुँओं बय्दी थुऐ, के तुँओं कैई शा भेंटियों बात चींत्त करू, किन्देंखे के इस्राएल के भुर्षें के कारण ही मुँह ईयों शाँगल़ी दा बाँनी थुवा।”

प्रेरितो कै काम 28:25

जबे सेजे लोग जुण्जें आपु मुँझी संहमत्त ने हंई, सेजे लोग तेथै शे आगू ज़ाँदें लागे थिऐ; तअ संत्त-पौलुस ऐ तिनखे बुलो, “पबित्र-आत्त्मा ऐं ऋषी यशायाह के मुँख्ह शो तुओं लोगो के बुड़ाईकों खे ठीक ही बुलो थियो।

प्रेरितो कै काम 8:29

पबित्र-आत्त्मा ऐ फिलिप्पुस खे बुलो, “नंजीक ज़ाऐयों रंथो की गईलो चाल।”

प्रेरितो कै काम 9:16

हाँव आपु तेस्खे बुलूबा, के तेसी मेरे नाँव के कारण केत्रा कष्ट भोगणाँ हंदा।”

इफिसियों 3:1

ईन्दीखे हाँव पौलुस जू तुँओं गऐर यहूदी की भलाई की ताँईऐं मसीया यीशू दा कय्दी असो,

इफिसियों 4:1

ईन्देंखे हाँव जू प्रभू खे कय्दी असो, तुँओं खे ढाल-अरज करू; के जेसी बुलावे शे तुँओं बय्दी थुऐ, तिन्दे ज़ूगी तुऐ चाल भे चालो,

इफिसियों 6:20

जिन्देकी ताँईऐं हाँव शाँगल़ी दा हिड़कऐयों अंदा राजदूत्त असो; अरह् ऐजो भे के मुँह तिनके बारे दो जेष्णों बुल्णों पड़ो, हाँव तेष्णों ही दिड़्-हिम्मत्त करियों बुली सकू।

1 तीमुथियुस 4:1

परह् पबित्र-आत्त्मा ऐ साफ-साफ बुलो, के आँणो वाल़े बख्ते कैतोड़े लोग भरमाँणो वाल़ी आत्त्माओं के शिक्क्षाओं गाशी आप्णा मंन लाऐयों बिश्वाष शे भट्की ज़ादे।

2 तीमुथियुस 2:9

जिन्देकी ताँईऐं हाँव कू-कर्णी के जिऐ दु:ख भुगतू, जिन्दें के ताँईऐ हाँव कंय्दी भे असो; परह् पंण्मिश्वर का बचन कय्द ने आथी।

इब्रानियों 10:34

किन्देंखे के तुँऐं कय्दी के दुःख्ह शे भे दुःख्हि हुवे, अरह् आप्णी घरोऊँची भे चुप्प-चाँण लुट्णों दिती, ऐजो जाँणियों के तुँओं कैई ऐक ओकी भे खास अरह् हंमेशा खे रंहणों वाल़ी घरोऊँचीं असो।

इब्रानियों 3:7

ईन्देंखे ठीक जेष्णाँ पबित्र-आत्त्मा का बुल्णाँ असो: के “जे तुँऐं ऐत्त्लो तिनकी धाव शुँणो,

1 पतरस 1:12

तिन कैई शो ऐजो दे:खाव गुओं थियों, के तिनू बातो का बचन का बखाँण कर्दे से आप्णी ने परह् तुँवारी सेवा करह् थिऐ। सेजी बातो स्वर्गो शी भेजी गई पबित्र-आत्त्मा के जाँणें तुँओं खे खुषख्बरी की शिक्शा देणों वाल़े के जाँणें बुली गई थी, अरह् तिनू बातो जाँण्णों खे तअ स्वर्गो के दूत भे तर्शोऐ।