प्रेरितो कै काम 20:7 - Sirmouri

⁷ संह्पता के आगले देसे जबे आँमें रोटी खाँदें कठै हऐ रूऐ थिऐ, तअ संत्त-पौलुस जुण्जा दुज़ै का ज़ाणों वाल़ा थिया; तेने बिश्वाषी भाऐ-बंईणों कैई शी पंण्मिश्वर के बचन के बारे दी चर्चा करी लंऐ थी: अरह् से आधी रात्ती तोड़ी तिनू सोभी आरी पंह्ली रूऐ थिऐ।

सिरमौरी नौवाँ नियम

⁷ हफते कै आगलै दूसै जोबै आमुए प्रभु भोज की रोटी तौड़णौ खै कौठै हुवे, तौ पौलुसे जू दूजै दूसै आगु जांदा लागै रौआ थिया, तिनुआरी बातौ कौरी, औरौ आधी राती तौड़ी उपदैश कौरदा रौआ।

प्रेरितो कै काम 20:7 ပူးပေါင်းရင်းမြစ်များ

मरकुस 16:9

बिषाँव के देसो पाछ़ी आगले हपते भेंयाँसरंह् दे प्रभू यीशू जीऊँदे हऐयों आगे मरियम मगदलीनी जियों शी तिन्ऐं सात्त दुष्ट-आत्त्मा गाड़ी थंई थी, तियों कैई शे से दे:खाई पड़े।

लूका 22:19

तबे प्रभू यीशू ऐ रूटी करी, अरह्, धन्यबाद के प्रार्थना करियों तियों च़ुड़ी; अरह् ऐजो आप्णें चैले खे बुलो, “ऐजी मेरी देह्-शरीर असो; जुण्जी तुओं खे देऐ लऐ, अरह् मुँह च़ींत्तणों खे तुऐ ऐष्णों ही करिया करह्।”

लूका 24:35

तबे तिनू दुईं चैले भे बुलो, के बाटो पुंडो का-का हुओं; अरह् तिन्ऐं प्रभू यीशू रोटी च़ुड़्दे बख्त्ते पंह्छ़ियाँणें।

यूहन्ना 20:1

संह्फ़त्ते के आगले देसे, झ़ीषौ भैयाँसरो दी रिंम्मं-रिंम्में आरी सुरूज ऊँद्णों शी आगे; मरियम-मगदलीनी खात्ती-कबर कैई आऐ, अरह् तिऐं देंखो के तियों खात्ती-कबर गाच्छ़ा सेजा पाथर आगे ही गाड़ा अंदा थिया।

यूहन्ना 20:19

तेसी ही देसे जुण्जों संह्फ़त्ते को आगलो देस थियो; संन्दो के बख्ते, जबे चैले यहूदी अगवाँल़ो के डरो शे दुवारो डाकियों ऐकी ठाँई कट्ठै बंईठै अंदे थिऐ; तबे प्रभू यीशू तिनके बीचो दे खह्ड़े हऐ गुऐ। अरह् तिन्ऐं आप्णें चैले खे बुलो, “तुओं शाँण्त्ति भेंटो!”

यूहन्ना 20:26

आठ देसो बित्त्णों गाशी, जबे प्रभू यीशू के चैले, दुज़ाल़िऐ तेसी घहर दे कंट्ठै थिऐ; अरह् तेख्णों सेजा थोंमा भे तिनकी गईलो थिया, अरह् तेख्णों दुवार डाको अंदो थियों; तबे भे प्रभू यीशू भिटे आऐ, अरह् तिनके बीच दे खह्ड़े हुऐ; अरह् तिनखे बुलो, “तुँओं शाँण्त्ति भेंटो!”

प्रेरितो कै काम 16:10

तेस्का ऐजा दर्शण देखियों ही, आँमें तेख्णी मकीदुनिया ज़ाणों खे चहाँव, ऐजो जाँणियों के पंण्मिश्वर ऐ आँमों तिनखे खुषख्बरी शुँणाँदे बय्दी थुऐं।

प्रेरितो कै काम 2:42

तबे: सेजे बादे लोग खास-चैले की शिक्षा शुँण्दें, अरह् संत्त-संग दे आँदे; अरह् प्रभू भोज की रोटी खाँदे; अरह् प्रार्थना कर्दे लींन-मंगन रंह्दे लागे।

प्रेरितो कै काम 2:46

सेजे बादे बिश्वाषी लोग रोज ऐक मंन हऐयों देऊँठी दे कट्ठै हों थिऐ, अरह् घरह्-घरह् प्रभू भोज की रोटी खाँव थिऐ; अरह् से खुशी-आँनन्द मंनाँव थिऐ; अरह् नींष-कपट् मंन शो से बादे झोणें साथी भोजन करह् थिऐ।

प्रेरितो कै काम 20:11

तबे: संत्त-पौलुस पाछू ऊबा आया, रोटी खाई; अरह् तबे से लोगों आरी हजों पंह्लदा लागा, अरह् ऐत्ते ज़ुगा पह्ला के बियाँणीं तोड़ी बुल्दा ही रूवा; अरह् देस आँणों गाशी से तेथै शा तबे आगू हुटा।

प्रेरितो कै काम 20:31

ईन्देंखे संकन्नै-च़ौक्ष रूऐ, अरह् ऐजो चींत्ते थुऐ; के मुँऐ आशू बुवाऐ-बुवाऐयों, च़ींन साल्ह तोड़ी देस-रात्त तुओं मुँझी, ऐक नाँम आदमी संचेत्त करी थुऐ।

प्रेरितो कै काम 20:5

से आँमों शे आगे ज़ाऐयों, त्रोआस टापू गाशी आँमों ढह्ल़दे लागे।

प्रेरितो कै काम 20:9

यूतुखुस नाँव का ऐक जवाँन टकैड़ी की चोंख्हट गाशी बंईठा अंदा थिया; अरह् जबे संत्त-पौलुस बीस्त्ते तोड़ी बुल्दे लागे, तअ तेसी जवाँन के ऊँगाऐ आऐ; अरह् से च़ींप्रें घरह् शा ऊदा गुवा; अरह् तबे तेसी लोगे ऐ मँरा अँदा जिया धनियों शा ऊबा थागा।

प्रेरितो कै काम 28:23

तबे: यहूदियों ऐ संत्त-पौलुस की गईलो ऐक देस बंईठणों खे पाक्को करो, अरह् बैजाऐ लोग कंट्ठै हुऐ; अरह् तबे संत्त-पौलुस झ़ीषों शा पुंडा फ़ीरे तोड़ी तिनू आरी बात-चींत्त करदा रूवा; अरह् पंण्मिश्वर के राज्य के बारे दी आप्णीं गुवाऐ-शाज़्त्त देंदे रूवा; अरह् ऋषी मूसा खे भेटे गुऐ अज्ञाँ निय्म, अरह् ऋषियों के पबित्र-ग्रन्थों के मुँताबिक तिन कैई प्रभू यीशू के बारे दे संहम्झाँणों की कोशिष करदा रूवा।

1 कुरिन्थियों 10:16

सेजा धन्यबाद का बैलुवा जिन्दे गाशी आँमें धन्यबाद करह्; कियों से मसीया के लह्ऊँ दी हिस्सेदारी आथी ने? अरह् सेजी रोटी जिनू आँमें च़ुड़ियों आपु मुँझी बाँडों, कियो से मसीया की देह्-शरीर की हिस्सेदारी आथी ने?

1 कुरिन्थियों 15:10

परह् हाँव जू किऐ भे असो ऐ, से पंणमिश्वर की कृपा शा असो; तिनकी कृपा जू मुँह गाशी हऐ से बै-कार ने गई; परह् मुँऐं तिनू सोभी शी जादा मेंह्न्त भे करी; तबे भे मेंह्न्त कर्णो वाल़ा हाँव ने परह् पंणमिश्वर असो, जिनकी कृपा मेरी गईलो रऐ।

1 कुरिन्थियों 16:2

हफ्ते के आगले देसे तुँओं मुँझ्शे ऐक नाँम आदमी आप्णी आऊँद्णी के हिसाब शो किऐ आपु कैई थुऐ, के तुँओं मेरे आँवणों गाशी चाँन्दा ने कठा करणा पड़ो।

2 तीमुथियुस 4:2

के तू बचन का प्रचार करह्, अरह् कोसी भी हाल दा तैयार रंह्, हर ढंग के संऐनशिल्त्ता, अरह् शिक्क्षा आरी, हिमम्त्त दे, अरह् डाँट-झाड़ अरह् संहमझाऐ दे।

प्रकाशितवाक्य 1:10

हाँव प्रभू के देसे पबित्र-आत्त्मा दा भरा गुवा, अरह् आपु पाछी मुँऐ रंणशिंगें-कनाँल़ी के जेऐ बड़ी गूँह्ज शुँणाँई पड़ी।