प्रेरितो कै काम 20:4 - Sirmouri

⁴ पुर्रूस का बैटा सोपत्रुस, अरह् बिरीया नंगर का रंहणों वाल़ा; थिस्सलुनीके नंगर के अरिस्तर्खूस अरह् सेकुन्दुस; दिरबे नंगर का गायुस; तीमुथियुस अरह् आसिया नंगर के तुखिकुस अरह् त्रोफिमुस संत्त-पौलुस की गईलो ज़ाँदे लागे थिऐ।

सिरमौरी नौवाँ नियम

⁴ इयौं यात्रा दै बिरीया नोगर कै पुरूर्स का बैटा सोपत्रुस औरौ थिस्‍सलुनीके शहर मुंजीदै अरिस्‍तर्खुस औरौ सिकुन्‍दूस, औरौ दिरबे नोगर का गयुस, औरौ लुस्त्रा नोगर शा तीमुथियुस, औरौ एशिया प्रदेश का तुखिकुस औरौ त्रुफिमुस आसिया तौड़ी अमारै साथी यात्री थिए।

प्रेरितो कै काम 20:4 ပူးပေါင်းရင်းမြစ်များ

प्रेरितो कै काम 14:20

जबे चैले संत्त-पौलुस के चौऊँ ढबै कंट्ठै हुऐ, तअ से बादे झ़ुहणें हजों बीऊँजे अरह् तेसी नंगर दे हुटे; अरह् दुज़े के से बरनबास की गंईलो दिरबे खे हुटे।

प्रेरितो कै काम 14:6

परह् जेई संत्त-पौलुस अरह् संत्त-बरनबास कैई ईयों बातो का पता लागा; तेई से तेथै शे लुकाउनिया के लुस्त्रा अरह् दिरबे जैष्णें नंगरोंह् शे उडे-पुडे के ईलाके दे भागियों बंची गुऐ।

प्रेरितो कै काम 16:1

तबे संत्त-पौलुस अरह् सीलास दिरबे अरह् लुस्त्रा दे भे हुटे। तेथै तीमुथियुस नाँव का ऐक चैला थिया, जू कोसी बिश्वाषी यहूदीन तिरंई का बैटा थिया, परह् तेस्का बाबा यूनानी थिया।

प्रेरितो कै काम 16:6

पबित्र-आत्त्मा संत्त-पौलुस, सीलास, अरह् तिमुथियुस खे आसिया ईलाके दा बचन का प्रचार कर्णो शा भाजी गुवा; ईन्देखे तिन्ऐं फ्रूगिया अरह् गलातिया ईलाके का दोंरा करा।

प्रेरितो कै काम 17:1

तियों यात्रा कर्दे संत्त-पौलुस अरह् सीलास अम्‍फिपुलिस अरह् अपुल्लोनिया बाटी थिस्सलुनीकियों दे पंह्ईचे, तेथै ऐक यहूदी च़ौत्रा थिया।

प्रेरितो कै काम 17:13

जबे थिस्सलुनीकियों के यहूदियों कैई ऐजा पता लागा; के संत्त-पौलुस ऐ बिरीया नंगर दा पंण्मिश्वर के बचन का प्रचार करी लुवा; तअ तबे से भे तेथै आऐयों लोग भड़्काँदें-दोरताँदे लागे।

प्रेरितो कै काम 19:29

तबे बादे नंगर दी हारकुँजी हऐ, अरह् तिन्ऐं संत्त-पौलुस के साथी; गयुस अरह् अरिस्तर्खुस, जुण्जे मकिदुनिया के रंहणों वाल़े थिऐ; खींच़ियों-झीड़ियों रंगशाल़ा की ढबै भागी लागे।

प्रेरितो कै काम 2:9

आँमें तअ पारथी, अरह् मेदी, अरह् एलामी लोग, अरह् मेसोपोटामिया, अरह् यहूदिया, अरह् कप्पदूकिया, अरह् पुन्तुस, अरह् आसिया,

प्रेरितो कै काम 20:16

किन्देंखे के संत्त-पौलुस ऐ इफिसुस नंगर बाटी ज़ाणों का बिचार बंणाँया थिया, के कद्दी ऐशो ने हईयों के मुँखे आसिया ईलाके दे देर हंऐ ज़ाँव; किन्देंखे के से आपु भे पराऊँणी दा थिया, के जे हऐ सको, तअ आँमें बादे झुणें पिन्तेकुस्त के देसे यरूशलेम दे ही रंह्।

प्रेरितो कै काम 20:18

अरह् तिनू सोभी के पंह्ऊँचणों गाशी तेने ऐजो बुलो, “तुऐं लोग ऐजो जाँणों ऐं, के जेसी देसो शुभा हाँव आगे-आगे आसिया ईलाके दा पंह्ईचा; तेसी देसो शुभा मेरा चाल-चल्ण तुओं मुँझी केष्णाँ असो।

प्रेरितो कै काम 21:29

खास करियों ईन्दें शा आगे ईन्ऐं इफिसुस का रंहणों वाल़ा, त्रुफिमुस तिनकी गईलो नंगर दा देखा थिया, अरह् ऐजो जाँणों थिऐ; के ऐसी पौलुस ऐ देऊँठी दा लियाऐ थुवा।

प्रेरितो कै काम 27:2

आँमें बादे अद्रमुत्तियुस नंगर के ऐक पाँणीं के जहाज दे शुवार हुऐ, जुण्जो एशिया प्रदेश के संमुँन्द्रो के कनाँरे के नंगरों बाटी ज़ाँणों खे तैयार थियो; अरह् जबे अमाँरी यात्रा शुरू हऐ, तअ अरिस्तर्खुस नाँव का थिस्सलुनीके का ऐक मकिदूनी आदमी भे अमाँरी गंईलो साथी थिया।

रोमियों 16:21

मेरा साजी तीमुथियुस का, अरह् मेरे कुड़्बे के लूकियुस अरह् यासोन अरह् सोसिपत्रुस का तुँओं खे नमंष्कार।

रोमियों 16:23

गयुस जू मेरी अरह् कलीसिया का पाऊँणाई कर्णो वाल़ा असो, तेस्का तुँओं खे नमंष्कार। इरास्तुस जू नगर का भडारी असो, अरह् भाऐ क्वारतुस का तुँओं खे नमंष्कार।

2 कुरिन्थियों 1:1

संत्त-पौलुस के ढबे शा जू पंण्मिश्वर के हिछ़या शा मसीया यीशू का खास-चैला असो, अरह् अमाँरे भाऐ तीमुथियुस की ढबे शा पंण्मिश्वर की तियों कलीसिया के नाँम, जुण्जी कुरिन्थस नंगर असो, अरह् बादे अखया ईलाके के पबित्र लोगो के नाव:

2 कुरिन्थियों 1:19

किन्देंखे के पंण्मिश्वर का बैटा यीशू मसीया जिनका अमाँरे जाँणें मतल्व मेरे अरह् सिलवानुस अरह् तीमुथियुस के जाँणें तुवाँरे बिचो दा प्रचार हुआ, तिन्दो “हाँ”, अरह् “नहाँ”, दुईनें ने थी, परह् “हाँ” ही “हाँ” हऐ थी।

इफिसियों 6:21

तुखिकुस, जू प्यारा भाऐ, अरह् प्रभू दा बिश्वाष ज़ूगा दास असो, से तुँओं कैई बादी बातो बुल्दा, के तुँऐं भे मेरे हाल जाँणों के हाँव केष्णा रंह्ऊँ।

फिलिप्पियों 2:19

मुँह प्रभू यीशू दा भूर्षा असो, के हाँव तिमुथियुस तुँओं कैई हेभी भेजुबा, जू तुँवारा हाल-चाल शुँणियों मुँह शाँण्त्ति भेंटो।

कुलुस्सियों 4:10

भाऐ-अरिस्तर्खुस, जू मेरी गईलो कय्दी दा असो, अरह् मरकुस जू बरनबास का भाऐ असो, (जेस्के बारे दे तुँओं खे अज्ञाँ भेटी थी, के जे से तुँओं कैई आँव तअ तेसी आरी आछा बर्ताव करे),

कुलुस्सियों 4:7

प्यारे भाऐ-बईणों, अरह् बिश्वाष ज़ुगे दास तुखिकुस, जू प्रभू दा मेरा साथी असो, मेरी बादी बातो तुँओं कैई बुली देंदा।

1 तीमुथियुस 1:1

संत्त-पौलुस के ढबे शा, जू अमाँरे मुँक्त्ति देणों वाल़े पंण्मिश्वर, अरह् अमाँरे भुर्षें के मुँताबिक शा मसीया यीशू की अज्ञाँ शा खास-चैला बंणी रूआ,

2 तीमुथियुस 1:2

प्यारा बैटा तीमुथियुस, के नाँव: अमाँरे पिता पंण्मिश्वर अरह् अमाँरे प्रभू मसीया यीशू की ढबै शे कृपा अरह् कृपा दे शाँण्त्ति भेंटो।

2 तीमुथियुस 4:12

भाऐ-तुखिकुस मुँऐ इफिसुस नंगर खे डेयाल़ी थुवा।

2 तीमुथियुस 4:20

भाऐ-इरास्तुस कुरिन्थियों नंगर दा रंऐ गुवा, अरह् भाऐ-त्रफिमुस मुँऐ मीलेतुस नंगर दा बीमार छुड़ी थुवा।

तीतुस 3:12

जबे हाँव ताँव कैईं भाऐ-अरतिमास, अरह् भाऐ-तुखिकुस डेयाल़ुबा, तअ मुँह कैईं निकुपुलिस नंगर दी आँणों की कोशिष करे, किन्देंखे के मुँऐं तेथै हेंऊँदो काट्णों का ईरादा करी थुवा।

फिलेमोन 1:24

अरह् मरकुस, अरह् अरिस्तर्खुस अरह् देमास अरह् लूका जू मेरी गईलो काँम-काज़ कर्णो वाल़ा असो, ईन का भे ताँव्खे नमंष्कार।

3 यूहन्ना 1:1

मुँह ठग्ड़ै की ढबे शे प्यारे गयुस के नाँम, जैच़्छ़ौ हाँव साच्चो पियार करू।