प्रेरितो कै काम 20:30 - Sirmouri

³⁰ ऐती ने! परह् तुवाँरे बीच दे ऐशे भे आदमी खह्ड़े हले; जुण्जे गलत्त शिक्क्षा देले, अरह् तुवाँरे ही मंडल़ी मुँझ्शे आपू खे चैले तैयार कर्ले।

सिरमौरी नौवाँ नियम

³⁰ इथै तौड़ी कै तोंवारै आपणै बिशवाशियौं कै झुंड मुंजीदै, ऐशणै-ऐशणै लोग आन्दै, जू चैलै खै आपणै पौछौड़ियौ खिंचणो कारिए उलटी सीधी बातौ बौलदै।

प्रेरितो कै काम 20:30 ပူးပေါင်းရင်းမြစ်များ

मत्ती 23:15

“फींट्कारा असो! तुओं पाखंडी यहूदी-निय्म के शिखाणों वाल़े, अरह् यहूदी भाट-बाँम्ण, तुँओं खे भहित्ती सजा भेट्दी! तुँऐं ऐक झुणा आप्णे मंत्त-शीख्हं दा लियाणों खे बादो जल-थल दे रिटो-फिरो, अरह् जबे से तुवाँरे मंत्त-शींख्ह दा आऐ ज़ाँव; तअ तेसी आपु शा भे जादा बेंच़्का नंरक ज़ुगा बंणाऐं दियों।”

प्रेरितो कै काम 11:26

अरह् जबे शाऊल भेटी गुवा, तअ बरनबास ऐं तेसी अन्ताकिया दा आँणा; अरह् तबे से दुईन्ने पुरे ऐक साह्ल कंट्ठै रूऐ, अरह् बैजाऐ लोगो खे शिक्षा देंदे रूऐ; अरह् सोभी शे आगे चैले खे अन्ताकिया दे ही “मसीही” बुले गुऐ।

प्रेरितो कै काम 21:38

कियों तू सेजा ही मिस्री आथी ने, जेने किऐ बख्त्ते आगे बिरोध करा थिया; अरह् चार हजार गुण्डै जुण्जे हंथयारो, अरह् कृपाँण वाल़े लोग थिऐ, तिनू तुऐं शुँन-शाँन जागे दे आगु नींह् ने थी?

2 कुरिन्थियों 11:13

किन्देंखे के ऐष्णें लोग झुठे खास-चैले अरह् धोखे शे काँम-काज़ कर्णो वाल़े, अरह् मसीया के खास-चैले का रूप धारण कर्णो वाल़े असो।

1 तीमुथियुस 5:13

ईन्दें के सुवाऐ से आल्सी रंहदी लागो, अरह् से घरह्-घरह् फ़िरह्, से सिर्फ आल़सी ने, परह् से ओकी के काँम-काज़ दे भे फ़ेगै पाँव; अरह् से ओकी की बुराई दे खुशी हों, अरह् से सेजी बातो बुलो; जुण्जी बातो बुल्णीं भे ठीक ने हंदी।

1 तीमुथियुस 6:5

अरह् तिनू आदमी मुझी बै-कार के रगड़े-झगड़े पय्दा हों, जिनकी बुद्धी भ्रष्ट हऐ रंऐ, अरह् से सच्चाई शे अजाण्दे असो; ऐष्णें लोग ऐशो जाँणों के पंण्मिश्वर के सेवा, भगति धंनकंमाणों का ऐक जरिया असो,

2 पतरस 2:18

से बै-कार के तारीफ की बातो करी-करियों चप्लूसी की काँम-काज़ के जाँणें, तिनू लोग देह्-शरीर की हिछ़या दे फशाँऐं दियों, जू भट्के अंदे मुझ्शे हेभी नीकल़ी ही ने रंई।

1 यूहन्ना 2:19

मसीया का बिरोधी आँमों ही मुँझ्शा असो, परह् से सोतिखे अमाँरा साथी ने, किन्देंखे के जे से सोतिखे अमाँरा साथी हंदा, तअ अमाँरी गईलो रंह्दा। परह् तेने आँमों छुड़ी दिते, जू से ऐजो दे:खाऐ सको, के तिन मुँझ्शा कुँऐं भे सोतिखे अमाँरा साथी ने आथी।

2 यूहन्ना 1:7

संईसारी दे कऐयों दुरताँणों-भड़काँणों वाल़े चाल पड़े, जू ऐजो माँन्दा ने के प्रभू यीशू मसीया देह्-धारण करियों आमों मुझी आऐ; अरह् ऐष्णा आदमी दुष्ट हों, जू ओकी सच्चाई की बाटो शे भरमाँऐयों भटकाऐ दियों, सेजा मसीया का बिरूधी बऐरी असो।

प्रकाशितवाक्य 2:6

परह् होर, ताँव दी ऐजी बात तअ असो ऐ, के तू नीकुलियों नाँव के पार्खन्डी के काँम-काज़ दा घीप्पे-शँगाऐं ऐ, जिन्दा हाव आपु भे घींप्पु शँगाऊँ ऐ।