प्रेरितो कै काम 20:27 - Sirmouri

²⁷ किन्देंखे के मुँऐ पंण्मिश्वर की बादी हिछ़्या तुओं कैई पुरे ढंग शी बुल्णों के झ़ीझ्क ने करी।

सिरमौरी नौवाँ नियम

²⁷ जिथुकै मोऐं तुऔं कै सैजौ सौबै ठुँ बौताए राए जू पौरमेशवर चांव कै तुऐं जाणौ औरौ मोऐं तुंवादौ किछै ना छुपैई।

प्रेरितो कै काम 20:27 ပူးပေါင်းရင်းမြစ်များ

मत्ती 28:20

अरह् जुण्जी मुँऐं अज्ञाँ देऐ थई, सेजी बादी बातो तिन कैई शी माँनणीं शिखाव: अरह् दे:खो, हाँव संईसारी की अंन्त्त तोड़ी सदा तुँवारी गईलो असो।”

लूका 7:30

परह् यहूदी भाटे-भाम्णें अरह् यहूदी-निय्म के शिखाँणों वाल़े ऐं संत्त-यूहन्ना के हाथै नहाँण-कराँणों माँनी ने, अरह् आप्णें बारे दी पंण्मिश्वर के हिछ़या बैकार करी दिती।

यूहन्ना 15:15

मुँऐ तुओं दास सेंवक ने, परह् आप्णें दोस्त्त माँनी थुऐ; किन्देंखे के दास सेंवक कैई ऐजा पता ने हंदा, के तेस्का माँलिक का कर्णो वाल़ा असो; परह् मुँऐं तुँओं कैई सेजी बादी बातो बुली थंई, जुण्जी मुँऐ बाबा कैई शी शुँणीं थंऐ।

प्रेरितो कै काम 13:36

“किन्देंखे के दाऊद तअ पंण्मिश्वर की हिछ़या के मुँताबिक शे आप्णे ज़ूगौ दे सेवा करियों मँरी गुऐ, अरह् आप्णे पुराँणियाऐं की गईलो खात्ती-कबर दे थुऐ गुऐ, अरह् शँड़ी-गल़ी भे गुऐ।

प्रेरितो कै काम 2:23

से पण्मिश्वर की पाक्के पलान अरह् पुरे ज्ञाँन के मुँताबिक थंहम्बड़ाऐ गुऐ, अरह् तुओं लोगो ऐं, पापी गऐर-यहूदियों के हाथै तिनू शुँल़ी-फ़ाँषी गाशी चड़ाऐ अरह् मँराऐ दित्ते।

प्रेरितो कै काम 20:20

अरह् जुण्जी-जुण्जी बातो तुवाँरे भलाई की थी, सेजी बादी बातो बुल्णों खे; मुँऐ किऐ झ़ीझ्क ने करी, परह् मुँऐं सोभी के सहाँम्णें अरह् घरह्-घरह् ज़ाँऐयों मुँऐ तिन्दे के बारे दे पुरी-पुरी शिक्क्षा दिती।

प्रेरितो कै काम 20:35

मुँऐ तुँओं कैई शो सब-कुछ करियों देखाओ, के कैशे दाँई मेंह्न्त्त करियों मुँऐ कंमजोर लोग सहम्भाल़े; अरह् प्रभू यीशू के बचन चींत्ते कराँणें जरूरी जाँणें, किन्देंखे के पंण्मिश्वर ऐं आपु ही बुलो; के ‘लोंणों शो देंणों भोलो असो।’”

1 कुरिन्थियों 11:23

जुण्जों मुँह प्रभू कैई शो भेटी रोह्, सेजो ही मुँऐ तुँओं खे दितो: प्रभू यीशू ऐ, जियों रात्ती तिनू थह्बड़ाऐं गुऐ, तियों रात्ती प्रभू ऐ रोटी करी,

2 कुरिन्थियों 4:2

परह् आँमें बै-शर्मी की अरह् चुप्पी की काँम-काज़ छ़ुड़ी दिती, ना चपलुसी शे चाल्दे, अरह् ना पंण्मिश्वर के बचन दी किऐं मिलावट कर्दे; परह् सच्चाऐ पर्गट करियों, पंण्मिश्वर के साम्णें ऐक नाँम आदमी के मंन दी आप्णी भलाऐ बईठाल़ो।

गलातियौं 4:16

तअ तबे कियों हाँव तुँओं आरी साच्चो बुल्णों के जाँणें तुवाँरा बऐरी बणी रूआ?

इफिसियों 1:11

तिनही दे तिनके पलान के मुँताबिक, जुण्जे आप्णी हिछ़्या के मुँताबिक संब-कुछ़ चलाँव, आँमों आगे ही तिन्ऐं चूणीं-छ़ाँटियों बाबा की जजाऐत्ती दे हंकदार बाँणें।

1 थिस्सलुनीकियों 2:4

जैष्णें पंण्मिश्वर ऐ आँमों ईन्दें ज़ुगे जाँणियों आँमों कैई ऐजी खुषख्बरी दित्ती, अरह् आँमें तेष्णा ही बखाँण भे करा, आँमें लोगो खुशी कर्णो की कोशिष ने कर्दे, परह् आँमें तअ तेसी पंण्मिश्वर खुशी करह्, जू अमाँरे मंन का भैद् जाँणियों पर्खोऐ।