प्रेरितो कै काम 20:22 - Sirmouri

²² “ऐबे हाँव देखो, पबित्र-आत्त्मा शा बंना अंदा असो; अरह् हाँव यरूशलेम खे ज़ादा लागा, अरह् हाँव ऐजो ने जाँण्दा, के तेथै मुँह गाशी का-का बित्त्णों वाल़ी असो;

सिरमौरी नौवाँ नियम

²² औरौ ऐबै, हांव पवित्र आत्मा कै आज्ञा का पालन कौरेयौ यरूशलेम शहर खै जोऊं, औरौ ना जाणु, कै तिथै मुंआरी का-का बीतल़ो,

प्रेरितो कै काम 20:22 ပူးပေါင်းရင်းမြစ်များ

लूका 12:50

मेरे तअ ऐक नहाँण-नहाँणों, अरह् जाँव तोड़ी सेजो नहाँण पुरो ने हुओं; ताँव तोड़ी हाँव बैजाऐ बै-चय्न-बियाकुल असो!

लूका 9:51

जबे प्रभू यीशू के स्वर्गो दे ऊँबे ज़ाँणों के देसो नंजीक आऐ; तअ तबे तिन्ऐं यरूशलेम खे ज़ाँणों का पाक्का बिचार करा।

यूहन्ना 13:1

(फ़सह) के मेल़ै को देस थियो; अरह् प्रभू यीशू कैई ऐजा पता थिया, के ऐबे मेरा ईयों संईसारी छुड़ियों बाबा कैई पाछू ज़ाँणों का बख्हत्त नंजीक आऐ गुवा; तअ तबे: प्रभू यीशू ऐं जुण्जे तिनके ईयों संईसारी दे आप्णें प्यारे थिऐ, तिनू आरी तिन्ऐं आखरी बख्त्तो तोड़ी तेष्णों ही प्यार करो।

यूहन्ना 18:4

प्रभू यीशू ऐ, सेजो जाँणियों के मुँह गाशी, का-का बित्त्दी, से आगुड़े हुटे, अरह् तिन्ऐं तिन कैई शो पुछ़ो; के “तुऐं कोसी जुह्ऐ लुवा?”

प्रेरितो कै काम 17:16

जबे संत्त-पौलुस एथेंस नंगर दा सीलास अरह् तीमुथियुस की ठल़्णाँई दा थिया, तअ तेने सेजो एथेंन नंगर मुँर्तियों लंई भरो अंदों देखियों तेस्के तंन-मंन दी आग लागी।

प्रेरितो कै काम 19:21

ईयों घट्णाँ हंणों पाछ़ी, संत्त-पौलुस ऐ आप्णे मंन दो सुचो, के हाँव मकीदुनिया अरह् अखाया बाटी यरूशलेम खे जाँऊ; तबे तेने ऐजा बिचार करा, अरह् “तेथै ज़ाऐयों मुँह रोम के भे देख-रेख कर्णी भे जरूरी असो।”

प्रेरितो कै काम 20:16

किन्देंखे के संत्त-पौलुस ऐ इफिसुस नंगर बाटी ज़ाणों का बिचार बंणाँया थिया, के कद्दी ऐशो ने हईयों के मुँखे आसिया ईलाके दे देर हंऐ ज़ाँव; किन्देंखे के से आपु भे पराऊँणी दा थिया, के जे हऐ सको, तअ आँमें बादे झुणें पिन्तेकुस्त के देसे यरूशलेम दे ही रंह्।

2 कुरिन्थियों 5:14

किन्देंखे के मसीया को पियार आँमों मजबूर-बै-बस करी दियों; ईन्देंखे के आँमें ऐजो जाँणों के जबे ऐक सोभी की ताँईऐं मरे, तअ बादे मरी गुऐ।

याकूब 4:14

जबे के सच्चाऐ तअ ऐजी असो, के तुँऐं तअ आप्णें बारे दो ऐजो भे जाँण्दे ने के दोत्ती तुवाँरे जीवन दो का हंदों। दे:खो, तुँऐं तअ तेसी भाप-कुँऐड़ी जेष्णें असो, जू ऐगड़ी खे दे:खियों अरह् तैई पाछू लुप्त्त हऐयों तिन्दें का किऐ पता ने लागदा के से केशे खे हुटी।

2 पतरस 1:14

किन्देंखे के हाँव ऐजो जाँणू ऐ के मेरे देह्-शरीर के डेरे ढाल़्णों का बख्त शिघा आँणों वाल़ा असो, जेष्णाँ के अमाँरे प्रभू यीशू मसीया ऐ मुँह गाशी पर्गट करी थुवा।