प्रेरितो कै काम 2:9 - Sirmouri

⁹ आँमें तअ पारथी, अरह् मेदी, अरह् एलामी लोग, अरह् मेसोपोटामिया, अरह् यहूदिया, अरह् कप्पदूकिया, अरह् पुन्तुस, अरह् आसिया,

सिरमौरी नौवाँ नियम

⁹ आमु मुंजीदै कुणिए लोग पारथी इलाके कै औसौ, औरौ किछै मेदी, एलामी, मेसोपोटामिया, यहूदिया प्रदेश, कप्‍पदूकिया, पुन्‍तुस औरौ एशिया प्रदेश,

प्रेरितो कै काम 2:9 ပူးပေါင်းရင်းမြစ်များ

प्रेरितो कै काम 16:6

पबित्र-आत्त्मा संत्त-पौलुस, सीलास, अरह् तिमुथियुस खे आसिया ईलाके दा बचन का प्रचार कर्णो शा भाजी गुवा; ईन्देखे तिन्ऐं फ्रूगिया अरह् गलातिया ईलाके का दोंरा करा।

प्रेरितो कै काम 18:2

तेथै तेसी अक्विला नाँव का ऐक यहूदी भेटा, जेस्की जंन्म-भोम्मीं पुन्तुस नंगर दी थी। से भे आप्णी तिरंई प्रिसकिल्ला की गईलो अचकालिऐं इटली देश शा आया अंदा थिया, किन्देखे के महाँ राजा क्लौदियुस ऐ ऐजी अज्ञाँ देऐ थंऐ थी, के बादे के बादे यहूदी लोग रोम शे नींक्ल़ी ज़ाव, तबे संत्त-पौलुस तिन कैई शा भेंट करदा तेथै आया।

प्रेरितो कै काम 19:10

दू: साल्ह तोड़ी ऐजो ही हंदो रंहो, ऐत्ते ज़ुगौ के आसिया दे रंहणों वाल़े, यहूदी लोग, यूनानी लोग, सभिऐ प्रभू का बचन शुँणी पाया।

प्रेरितो कै काम 19:27

ईन्दें लई ऐजा ही डर-षंक पय्दा हों, के अमाँरा ऐजा काँम-काज़ ही ने खह्त्तंम हंदा; परह् देवी अरतिमिस की देऊँठी का काँम-काज़ भे नाँष हऐ ज़ाँदा; जियों देवी की पूजा-अर्चणाँ बादे आसिया, अरह् बादी संईसारी करह्; ईयों अमाँरी देवी अरतिमिस का माँन-समाँन भे खह्त्तंम हऐ ज़ाँदा।

प्रेरितो कै काम 19:31

आसिया के किऐ हाकम भे जुण्जे संत्त-पौलुस के साथी-मित्र थिऐ तिन्ऐं भे तेस्खे ऐजा शुज़ा दिता, के रंगशाल़ा दे ज़ाऐयों आपु खे आफत ने खह्ड़ी करे।

प्रेरितो कै काम 2:8

तअ ऐजो का हंदो लागो, के आँमों मुँझी ऐक नाँम के आप्णी-आप्णी माँत्र भाषा दो कैई शुँणिदो लागो?

प्रेरितो कै काम 20:16

किन्देंखे के संत्त-पौलुस ऐ इफिसुस नंगर बाटी ज़ाणों का बिचार बंणाँया थिया, के कद्दी ऐशो ने हईयों के मुँखे आसिया ईलाके दे देर हंऐ ज़ाँव; किन्देंखे के से आपु भे पराऊँणी दा थिया, के जे हऐ सको, तअ आँमें बादे झुणें पिन्तेकुस्त के देसे यरूशलेम दे ही रंह्।

प्रेरितो कै काम 20:18

अरह् तिनू सोभी के पंह्ऊँचणों गाशी तेने ऐजो बुलो, “तुऐं लोग ऐजो जाँणों ऐं, के जेसी देसो शुभा हाँव आगे-आगे आसिया ईलाके दा पंह्ईचा; तेसी देसो शुभा मेरा चाल-चल्ण तुओं मुँझी केष्णाँ असो।

प्रेरितो कै काम 20:4

पुर्रूस का बैटा सोपत्रुस, अरह् बिरीया नंगर का रंहणों वाल़ा; थिस्सलुनीके नंगर के अरिस्तर्खूस अरह् सेकुन्दुस; दिरबे नंगर का गायुस; तीमुथियुस अरह् आसिया नंगर के तुखिकुस अरह् त्रोफिमुस संत्त-पौलुस की गईलो ज़ाँदे लागे थिऐ।

प्रेरितो कै काम 21:27

जबे सात्त देसो पुरे हंदे लागे थिऐ, तअ आसिया ईलाके के यहूदियों ऐ संत्त-पौलुस देऊँठी दा देखियों बादे लोग दुरताऐ, अरह् तिन्ऐ लेल्याऐयों संत्त-पौलुस ऊडा थाँहम्बड़ा।

प्रेरितो कै काम 24:18

ईन्ऐं मुँह देऊँठी दा, शुद्ध दषा दा, बिना भीड़ आरी; अरह् बिना झ़ह्गड़े कर्दे के ऐसी काँम-काज़ दा देखा परह् तेथै एशिया के किऐ यहूदी थीऐ; अरह् तिनखे ऐजो ठीक थियों,

प्रेरितो कै काम 27:2

आँमें बादे अद्रमुत्तियुस नंगर के ऐक पाँणीं के जहाज दे शुवार हुऐ, जुण्जो एशिया प्रदेश के संमुँन्द्रो के कनाँरे के नंगरों बाटी ज़ाँणों खे तैयार थियो; अरह् जबे अमाँरी यात्रा शुरू हऐ, तअ अरिस्तर्खुस नाँव का थिस्सलुनीके का ऐक मकिदूनी आदमी भे अमाँरी गंईलो साथी थिया।

प्रेरितो कै काम 6:9

तेख्णीं तेसी ही बख्त्ते लिबर्तीन खुम्ल़ी के चौत्रे के किऐ लोग, जुण्जे के आगे ही कुरेनीं अरह् सिकन्दरिया नंगरों अरह् किलिकिया अरह् आसिया ईलाके के किऐ लोग स्तिफनुस का बिरोध अरह् तेसी आरी बाद-बिबाद कर्दे लागे।

प्रेरितो कै काम 7:2

स्तिफनुस ऐ जबाब दिता, “हे गुरू जनों, अरह् भाऐ-बंन्दुओं! मेरी बातो शुणों; जबे अमाँरा बाबा अब्राहम हारान देश दा बस्णों शा आगे, मेसोपोटामिया दा रंह् थिया; तअ तेसी बख्त्ते बड़ियाई ज़ूगै पंण्मिश्वर ऐ तेस्खे दर्शण दिता।

रोमियों 16:5

तियों कलीसिया खे भे नमंष्कार, जू तिनके घर दी असो। मेरे प्यारे इपैनितुस खे, जू मसीया खे आसिया का आगला फल़ असो, नमंष्कार।

1 कुरिन्थियों 16:19

आसिया के कलीसिया की ढबे शी तुँओं खे नमंष्कार; अक्विला अरह् प्रिस्का का अरह् तिनकी घर की कलीसिया खे भे तुँओं खे प्रभू दा बैजाऐ-बैजाऐ नमंष्कार!

2 कुरिन्थियों 1:8

हे भाऐ बंईणों, आँमें ने चहाँदें के तुँऐं अमाँरे तेसी दु:ख-कल़ैष शे अजाँण्दें रंह्, जू आसिया ईलाके दा आँमों गाशी पड़ा; आँमें ऐशे बड़े भारी बोझ़ थाँई दबी गुऐ थिऐ, जू अमाँरे बष का ने थी, ऐतै ज़ुगा के आँमें आप्णों तारी पाओ थियों, अरह् आँमें तबै जीऊँणों के आश भे छ़ुड़ी पाऐ थी।

2 तीमुथियुस 1:15

तुओं कैई ऐजा तअ पता ही हंला, के आसिया ईलाके के बादे बिश्वाषी भाऐ लोग मुँह शे दुर्के हऐ गुऐ; अरह् तिन्ही मुँझी भाऐ-फूगिलुस अरह् भाऐ-हिरमुगिनेस भे असो।

1 पतरस 1:1

संत्त-पतरस की ढबे शी जू प्रभू यीशू मसीया का खास-चैला, तिनू प्रदेशियों के नाँम जुण्जे पुन्तुस, गलातियों, कप्पदुकिया, आसिया, अरह् बिथुनिया दे खिदर-बिदर हऐयों रंह् थिऐ,

प्रकाशितवाक्य 1:11

“जू किऐ तुँऐं देखी लो, तैथू कताबे दो लिखियों ईनू सात्ती नंगरों की कलीसिया कैई डेयाल़ी दियों; मतल्व इफिसुस अरह् स्मुरना, अरह् पिरगमुन, अरह् थूआतीरा, अरह् सरदीस, अरह् फिलदिलफिया, अरह् लौदिकिया खे।”

प्रकाशितवाक्य 1:4

संत्त-यूहन्ना की ढबे शी आसिया ईलाके की सात्तों कलीसियाव खे जुण्जी आसिया प्रदेश दी असो: तिनकी ढबे शी कृपा, अरह् शाँण्त्ति, भेटो, जुण्जे असो ऐ, अरह् जुण्जे सदा थिऐ, अरह् जुण्जे आँणों वाल़े असो; अरह् तिनू सात्त आत्त्माओं की ढबे शी जुण्जी तिनके सिंगास्हणों के सहाँम्णें असो।