प्रेरितो कै काम 2:47 - Sirmouri

⁴⁷ सेजे बादे बिश्वाषी लोग पंण्मिश्वर की अरार्धना-धन्यबाद करिया करह् थिऐ, अरह् तेथै की बादी जंनत्ता तिनका बैजाऐ माँन-संमाँन करह् थिऐ; अरह् प्रभू हर-रोज तिनकी मंडल़ी दे नुंऐं लोग मिलाँव थिऐ, जिनू लोग आप्णें पाप शा छ़ूट्कारा-मुँक्त्ति भेटो थी।

सिरमौरी नौवाँ नियम

⁴⁷ औरौ पौरमेशवर कै बौड़ाए कौरदै रौंव थिए, औरौ सौबै लोग तिनुदै खुशी थिए। औरौ जू उध्दार पांव थिए, तिनुखै प्रभु हर दूसै तिनकै बिशवाशी गुट मुंजी मिलाए दैंव थिया।

प्रेरितो कै काम 2:47 ပူးပေါင်းရင်းမြစ်များ

लूका 19:48

परह् तिनू लोगो किऐ मोक्का ने भेटो थिया; किन्देंखे के बादे लोग प्रभू यीशू की बातो बड़ी चाव शी शुँणों थिऐ।

लूका 2:52

अरह् टंड्का यीशू बुद्धी अरह् डिल-डाल दा अरह् पंण्मिश्वर अरह् आदमी की कृपा दा बढ़दा रूवा।

प्रेरितो कै काम 11:21

प्रभू की शक्त्ति तिनकी गईलो थी। अरह् बैजाऐ भहित्ते लोग बिश्वाष करियों प्रभू के ढबे फिरे।

प्रेरितो कै काम 11:24

किन्देंखे के बरनबास ऐक भला, अरह् पबित्र-आत्त्मा अरह् बिश्वाष दा भर-पुर थिया; ऐशे दाँई बैजाऐ भहित्ते लोग प्रभू दे आऐयों ऐक मंडली बंणें।

प्रेरितो कै काम 13:48

ऐजो शुँणियों गऐर-यहूदी लोग आनन्दित्त-खुशी हुऐ, अरह् प्रभू के बचन की बड़ियाऐं कर्दें लागे; अरह् जैतोड़े लोग अमर-जीवन जीऊँणों खे बंणाँऐ गुऐ थिऐ, तिन्ऐं बिश्वाष करा।

प्रेरितो कै काम 14:1

इकुनियुम नंगर दी ऐशी घट्णाँ घटी: के संत्त-पौलुस अरह् संत्त-बरनबास ऐ यहूदियों के चौत्रे दे हुटे, अरह् ऐशा बखाँण करा; के यहूदी, अरह् यूनानी, दुईन्नें बैजाऐ भहित्ते लोग बिश्वाषी बंणें।

प्रेरितो कै काम 14:21

तिन्ऐ तेसी नंगर दे खुषख्बरी का प्रचार करा, अरह् तबे तेथै बैजाऐ भहित्ते चैले बंणाँऐं; अरह् तिन्दें पाछ़ी से लुस्त्रा अरह् इकुनियुस बाटी अन्ताकिया खे पाछ़ू आऐ।

प्रेरितो कै काम 16:5

ऐशी दाँई कलीसियाँ ऐ बिश्वाषो दी पाक्की हंदी गई, अरह् से गिनती दे रोज बढ़्दे गुऐ।

प्रेरितो कै काम 17:12

अरह् तिन्दें का नंतिजा ऐजा नीकल़ा के बैजाऐ यहूदी लोग अरह् यूनानी मरोद्-तिरंई भे प्रभू यीशू गाशी बिश्वाष कर्दे लागे।

प्रेरितो कै काम 2:39

किन्देंखे के ऐजा बाय्दा तुँओं खे, अरह् तुँवारी अलादी खे, अरह् तिनू सोभिखे भे, जुण्जे हेभी तोड़ी दूर असो; अरह् तिनू अमाँरे प्रभू पंण्मिश्वर ऐ आपु कैई बंऐदी लुऐ।”

प्रेरितो कै काम 2:41

तबे: तिन्ऐं संत्त-पतरस की तिनू बातो माँनी, अरह् नहाँण-नहाँव; अरह् तेसी ही देसे किऐ च़ींन हजार आदमी बिश्वाषी भाऐ-बंईणों आरी मीली गुऐ।

प्रेरितो कै काम 4:21

ईन्दें गाशी तिन्ऐं संत्त-पतरस अरह् संत्त-यूहन्ना खे धम्की देऐयों छुड़ी दित्ते; किन्देंखे के से जंन्त्ता के कारण तिनखे सजा देंणों, का किऐ दाव ने भेटो थिया; ईन्देंखे के जुण्जी घट्णा हऐ रंऐ थी, तिन्दें के कारण बादे लोग पंण्मिश्वर के बड़ियाऐं करह् थिऐ।

प्रेरितो कै काम 4:33

खास-चैले बड़ी दीड़-हिमम्त्त शे प्रभू यीशू के हजो दुज़ाल़िऐ ऊबे जीऊँणों की गुवाऐ-शाज़्त्त देंदे रंह् थिऐ; अरह् तिनू सोभी गाशी पंण्मिश्वर के बड़ी कृपा थी।

प्रेरितो कै काम 4:4

परह् जिनू लोगे ऐं खास-चैले कैई शे पंण्मिश्वर के बचन शुँणीं थुऐ थिऐ, तिनू मुँझ्शा भहित्ते लोगे ऐं बिश्वाष करी थुवा थिया; अरह् बिश्वाष कर्णों वाल़े मंर्दो के गीनत्ती किऐ पाँच हजार लोगों के लग-भग तोड़ी पंह्ऊँची गऐ थी।

प्रेरितो कै काम 6:1

तोदी तिनू देसे जबे चैले की तादाऐत-गिन्त्ती बैजाऐ बड़्दी लागी, तबे यूनानी भाषा बुल़्णों वाल़े यहूदी बिश्वाषी लोग, इब्रानी भाषा बोल़्णों वाल़े बिश्वाषी यहूदी लोगो के बिरूध दे तुड़-खुड़ाऐ के रोज की सेंवकाई दी अमाँरी बिध्वायों के किऐ भे सुद्धी-खबर ने लंऐ ज़ाँदी।

प्रेरितो कै काम 6:7

तबे पंण्मिश्वर का बचन फऐल्दा लागा, अरह् तबे यरूशलेम दी चैले की गिनती बैजाऐ बड़्दी लागी; अरह् तबे बैजाऐ याजकों ऐं भे बिश्वाष करियों तिनका मंत्त माँनी पाया।

प्रेरितो कै काम 9:31

ऐबे बादे यहूदा, गलील, अरह् सामरी ईलाके दे कलीसिया खे शाँण्त्ति भेटी, अरह् कलीसिया का निर्माण बड़दा रूवा; अरह् से प्रभू के डर-भय शे, अरह् पबित्र-आत्त्मा की शाँण्त्ति दे चाल्दे अरह् बढ़्दे रूऐ।

प्रेरितो कै काम 9:35

तबे लुद्दा नंगर अरह् शारोन के बादे रंहणों वाल़े, ऐ तेसी देखियों प्रभू के ढबे फिरे।

रोमियों 14:18

जू कुँऐं ईयों रिती शी मसीया की सेवा करह्, तेसी पंणमिश्वर के भाँवऐं, अरह् आदमी मुँझी माँना-गिंणा ज़ाँव।

रोमियों 8:30

तबे जिनू आगे ही बंणाऐं थुऐ, तिनू बय्दी भे थुऐ; अरह् जिनू बय्दी थुऐ, तिनू आप्णी नंजरी दे बेकसूर भे बंणाऐं, अरह् जिनू आप्णी नंजरी दे बै-कसूर बंणाऐं तिनखे बड़ियाऐं भे दिती।

रोमियों 9:27

अरह् ऋषी-यशायाह ऐ इस्राएल के बारे दो धुवाऐयों बुलो, के “भाँव इस्राएल के अलादी की गिनती संमुन्द्रो के बाल़ू के कंण जेतोड़ी भे हों; तबे भे तिनू मुझ्शे ठीके ही बंचदे।

1 कुरिन्थियों 1:18

किन्देंखे के मसीया के शुँल़ी-फ़ाँशी के बल़ी-कुरबाँणीं की खबर नष्ट हंणों वाल़े लोग बैकार जाँणों, परह् आँमों मुँक्त्ति पाणों वाल़े खे पंणमिश्वर के शक्त्ति असो।