प्रेरितो कै काम 2:43 - Sirmouri

⁴³ तिनू बादे लोगो दा डर-भंऐ संमाँऐ रूवा थिया, किन्देंखे के प्रभू यीशू के खास-चैले के जाँणें चींह्न-चंम्त्तकार के कारण तिनके तूरंबाँणच़ूड़ी थुऐ थिऐ।

सिरमौरी नौवाँ नियम

⁴³ औरौ यरूशलेम शहर दै सौबै लोग डौरौ शै भोरै गौवै औरौ भौरिशै अनौखै काम औरौ निशान चोणेयौंदे चैलै कै दवारा प्रगट हौं थिए।

प्रेरितो कै काम 2:43 ပူးပေါင်းရင်းမြစ်များ

मरकुस 16:17

जिन्ऐ बिश्वाष करी थुवा, तिनदी चींन-चंम्त्तकार दे:खाणों की शक्त्ति देऐ ज़ाली, अरह् से मेरे नाँव शी दुष्ट-आत्त्मा गाड़ले, अरह् से नंई-नंई भाषा दी बातो कर्ले।

लूका 7:16

ऐजो दे:खियों बादे लोग डरी गुऐ, अरह् से पंण्मिश्वर के बड़ियाऐ कर्दे लागे, अरह् बुलो “आँमों मुँझी ऐक बड़ा ऋषी पय्दा हऐ रूऐ, अरह् पंण्मिश्वरे आप्णे लोगो गाशी कृपा के नंजर थऐ।”

लूका 8:37

तबे गिरासेनियों के ईर्द-गिर्द के लोगे प्रभू यीशू शी बिनत्ती करी के अमाँरी इलाके शे आगू ज़ाओ, किन्देंखे के से बैजाऐ डरी हुऐ थिऐ: तबे प्रभू यीशू नाव गाशी बऐठियों पाछू हुटे।

यूहन्ना 14:12

“हाँव तुँओं खे ऐक खास बात बुलू: के जुण्जा कुँऐं मुँह्दा बिश्वाष करह्, से सेजे बादे काँम-काज़ करला; जुण्जे काँम-काज़ हाँव करू, परह् से ईन्दें शे भे जादा बड़े-बड़े काँम-काज़ कर्ले; किन्देंखे के ऐबे हाँव बाबा कैई ज़ाँदा लागा।

प्रेरितो कै काम 2:22

“हे इस्राएली भाऐ-बंईणों! मेरी ऐजी बातो सुई करियों शुँणों: तुऐं लोग आपु भे जाँणों ऐं; के पंण्मिश्वर ऐं नाँसरत गाँव के यीशू के जाँणें; तुँओं लोगों के बीच दे केत्रै शक्त्ति-शाली, अरह् हरानी कर्णों वाल़े च़ींह्न-चंम्त्तकार देखाऐ थुऐ थिऐ; ईन्दें लई ऐजो साबित्त हऐ ज़ाँव, के नाँसरत गाँव के सेजे यीशू पंण्मिश्वर के ढबे शे ही तुँओं लोगों कैई डेयाल़े थुऐ थिऐ।

प्रेरितो कै काम 4:33

खास-चैले बड़ी दीड़-हिमम्त्त शे प्रभू यीशू के हजो दुज़ाल़िऐ ऊबे जीऊँणों की गुवाऐ-शाज़्त्त देंदे रंह् थिऐ; अरह् तिनू सोभी गाशी पंण्मिश्वर के बड़ी कृपा थी।

प्रेरितो कै काम 5:5

हनन्याह, ऐजी बातो शुँण्दें ही धनियों पड़ा अरह् तेने आप्णें पराँण छुड़ी दिते, तबे बादे शुँण्णों वाल़े बैजाऐ डरी गुऐ।

प्रेरितो कै काम 9:34

संत्त-पतरस ऐ तेस्खे बुलो, “हे एनियास! यीशू मसीया ऐ ताँव चाँग्गा करी लुवा; बीऊँज अरह् आप्णा बिछ़ाँव्णा आपु ठीक करह्,” तबे से तेख्णीं ऊबा बींऊँजियों खड़ा हुआ।

प्रेरितो कै काम 9:40

तबे संत्त-पतरस ऐ बादे लोग तेथै शे बाँईडे गाड़े, अरह् तेने घुडकुँणिऐं प्रार्थना करी; ईन्दें पाछ़ी तिन्ऐ तेसी मुँड़्दे के ढबै पाछ़ू फीरियों बुलो, “तबिथा, बीऊँज!” तबे तिऐं आप्णी आँख खुली, अरह् संत्त-पतरस देखियों से ऊँबी बंऐठी।