प्रेरितो कै काम 2:39 - Sirmouri

³⁹ किन्देंखे के ऐजा बाय्दा तुँओं खे, अरह् तुँवारी अलादी खे, अरह् तिनू सोभिखे भे, जुण्जे हेभी तोड़ी दूर असो; अरह् तिनू अमाँरे प्रभू पंण्मिश्वर ऐ आपु कैई बंऐदी लुऐ।”

सिरमौरी नौवाँ नियम

³⁹ जिथुकै ऐजा वादा तुऔं, औरौ तोंवारै नानड़िया, औरौ तिनु दूर-दूर कै सौबी लोगौ कारिए बै औसौ जिनुखै प्रभु अमारा पौरमेशवर आपणै धोरे बौईददा।”

प्रेरितो कै काम 2:39 ပူးပေါင်းရင်းမြစ်များ

प्रेरितो कै काम 10:45

संत्त-पतरस की गंईलो आऐ अंदे, यहूदी बिश्वाषी लोगों के ऐजो देखियों; तूरंबाँणच़ूटे, के कियों पबित्र-आत्त्मा का बरदाँण गऐर-यहूदियों खे भे देऐ थुवा।

प्रेरितो कै काम 14:27

तेथै पंह्ऊँचियों तिन्ऐं कलीसिया के ऐक खुम्ल़ी बंईठाल़ी, अरह् बुलो; के पंण्मिश्वर ऐं तिनके जाँणें का-का करो, अरह् केष्णें तिन्ऐं गऐर-यहूदियों खे बिश्वाष का दुवार खुलो।

प्रेरितो कै काम 15:14

शमौन ऐ आँमों खे बुलो, के पंण्मिश्वर ऐ कैशे-कैशे दाँई गऐर-यहूदियों मुँझी; आप्णें नाँव खे ‘खास लोगो’ च़ूण्णों-छ़ाँट्णों की कृपा करी थंऐ।

प्रेरितो कै काम 15:3

तबे: अंन्ताकिया की कलीसिया ऐं तिनू तेथै शे बिदा करे: तबे तिन्ऐं फीनीके अरह् सामरी ईलाके बाटी यात्रा करी; अरह् तेथै के भाऐ-बंईणों खे बुलो, के गऐर-यहूदी लोगे केशे दाँई आप्णें मंन बद्ल़े, अरह् ऐजो शुँणाँऐयों तिन्ऐ सोभी लोग आँनन्दित्त-खुशी करे।

प्रेरितो कै काम 15:8

मंन के पर्ख्णों वाल़े, पंण्मिश्वर ऐ तिनखे भे अमाँरे जेष्णीं पबित्र-आत्त्मा देऐयों तिनकी गुवाऐ-शाज़्त्त देऐ थंऐ;

रोमियों 11:29

किन्देंखे के पंणमिश्वर का बर्दांण अरह् बईदे अंदें अट्ल़ असो।

रोमियों 8:30

तबे जिनू आगे ही बंणाऐं थुऐ, तिनू बय्दी भे थुऐ; अरह् जिनू बय्दी थुऐ, तिनू आप्णी नंजरी दे बेकसूर भे बंणाऐं, अरह् जिनू आप्णी नंजरी दे बै-कसूर बंणाऐं तिनखे बड़ियाऐं भे दिती।

रोमियों 9:24

मतल्व आँमों गाशी; जिनू तिन्ऐ सिर्फ यहूदियों ही मुझ्षे ने, परह् गऐर यहूदी मुँझ्शे भे बय्दी थुऐ।

रोमियों 9:4

ऐजे इस्राएली लोग जिनू पंणमिश्वरे गोद् लऐ थुऐ थिऐ। तिन्ऐं पंणमिश्वरो की बड़ियाऐ का दर्शण करी थुवा; अरह् से पंणमिश्वर के देऊँठी के हंकदार भे असो, जिन्खे ऋषी-मूसा खे भेटे गुऐं निय्म, अरह् पंणमिश्वर का बाय्दा भे तिन की गईलो असो।

1 कुरिन्थियों 7:14

किन्देंखे के बिश्वाष्णी घरवाल़ी का बै-बिश्वाषी घरवाल़ा भे तियाँरे बिश्वाष के जाँणें पबित्र माँना ज़ाँव; तैष्णी ही बै-बिश्वाषी तिरंई भे आप्णें बिश्वाषी घरवाल़े के जाँणें पबित्र बंणाँऐं ज़ाँव; ना तअ तुँवारी अलाद भे अशुद्ध रंह्दी थी! परह् ऐबे तुँओं दुई के जाँणें तुँवारी अलाद भे पबित्र असो।

इफिसियों 1:18

हाँव प्रार्थना करू, के आप्णें मंन की आखें के त्तेज-प्रकाष शो तुऐं जाँणी पाँव, के तिनका बुलावे के कारण, तुँओं लोगों का भूर्षा कैत्रा बंडा असो; अरह् तिनू पबित्र लोगो के जजाऐत्त की बंड़ियाई को धंन कैष्णों असो।

इफिसियों 2:12

ऐजो चीत्तें थुऐं! के तेसी बख्ते तुँऐं ईयों संईसारी दे मसीया शे ज़ोई थिऐ, अरह् इस्राएल की परजा मंडल़ी शे भे ज़ोई थिऐ; अरह् तुँऐं पंण्मिश्वर के जाँणें कंरे अंदे बाय्दे कंरार शे अंणजाँण थिऐ; जिन कैई ईयों संईसारी दे किऐ भे आशा-भरोषा ने थी, अरह् बिना पंण्मिश्वर के थिऐ।

इफिसियों 4:4

तुँऐं ऐक ही देह्-शरीर, अरह् ऐक ही पबित्र-आत्त्मा, अरह् ऐक ही भूर्षा जिन्देखे तुँओं बय्दी थुऐ।

2 थिस्सलुनीकियों 1:11

ईन्देंखे आँमें तुँओं खे सदा प्रार्थना भे करह्, के अमाँरा पंण्मिश्वर तुँओं ईयों बुलाट ज़ूगै सम्झो, अरह् भलाई की बादी हिछा अरह् बिश्वाष की बादे काँम-काज़ के शक्त्ति शी पुरी करह्,

2 तीमुथियुस 1:9

जिन्ऐं आँमों खे छ़ुट्कारा दिता, अरह् पबित्र बुलावे लंई बईदे, ऐष्णों अमाँरी काँम-काज़ के कारण ने हई; परह् तिनके ईरादे अरह् तेसी कृपा के मुँताबिक असो, जू मसीया यीशू के कारण ज़ूगौ-ज़ूगौ शा ऊँबा आँमों गाशी हुआ।

इब्रानियों 3:1

ईन्देंखे हे, पबित्र भाऐ-बंईणों तुँऐ जुण्जे स्वर्गो दे बईदी थुऐ, अरह् तुऐं स्वर्गो के हिस्सेदार असो; तेसी जुण्जा पंण्मिश्वर ऐं डेयाल़ा, तेसी महाँ-याजक प्रभू यीशू गाशी जिनकी आँमें माँनता करह्, तिनका ख्याल करिया करह्।

इब्रानियों 9:15

अरह् ऐसी ही कारण मसीया नुवें वाचा खे ऐक त्रींण चीज बंणा, जू तियों मंऊँत्ती के कारण जुण्जी आगले वाचा के बंख्त्ते अपराधों शा छ़ुट्कारा पाँणों खे कंरा गुवा थिया; जिन्दें लंई बंईदे अंदे लोग तेसी बाय्दे के मुँताबिक सदा खे हंकदार बंणाँऐ ज़ाँदे।

1 पतरस 5:10

ऐबे पंणमिश्वर जू बादी कृपा का दाता असो, जिन्ऐं तुँओं मसीया दे आप्णी सदा की बड़ियाऐ खे बय्दी थुऐं, तुवाँरे ऐगड़ी खे दु:ख भूगणों पाछ़ी, आपु ही तुँओं साचे-पाके अरह् तागतबर कर्ले।

2 पतरस 1:10

ईन्देंखे हे भाऐ बंईणों आप्णे बईद्णों गाशी, अरह् चूणें-छ़ाटे अंदे खे साचे कर्णो खे आछ़ी-भली कोशिष कर्दे ज़ाव, किन्देंखे के जे तुऐं ऐष्णों कर्ले, तअ तुँऐं कद्दी भी ठूकर ने खाँदी;

2 पतरस 1:3

आप्णें जीवन खे, अरह् पंण्मिश्वर की सेवा खे, जुण्जो किऐ आँमों चैईं थियो, सेजो आप्णी दिब्य शक्त्ति शो तिन्ऐं आँमों खे सब-कुछ देऐ थो; किन्देंखे के आँमें तिनू जाँणों ऐ, जिन्ऐं आप्णी धार्मिक्त्ता अरह् बड़ियाऐ के जाँणें आँमों बय्दी थुऐ।

प्रकाशितवाक्य 17:14

से छैल़्टे आरी लड़्दे, परह् छैल़्टा तिन शा जींत्ती ज़ाँदा, किन्देंखे के से प्रभूओं का प्रभू, अरह् राजाओं का राजा असो, अरह् जू बईदे अंदे, अरह् चूणें-छाँटे अंदे अरह् बिश्वाषी असो, से तेस्की गईलो असो; से भे राज्य पाँदें।”

प्रकाशितवाक्य 19:9

तबे स्वर्गदूत्ते मुँखे बुलो, “ऐजो लिख: भागोईत असो! सेजे जुण्जें छ़ैल़्टे के जाज़्ड़े-विवाह के भोज दे खाँदें बय्दी थुऐं।” तबे तिन्ऐ मुँखे बुलो, “ऐजे बचन पंण्मिश्वर के साचे बचन असो।”