प्रेरितो कै काम 2:23 - Sirmouri

²³ से पण्मिश्वर की पाक्के पलान अरह् पुरे ज्ञाँन के मुँताबिक थंहम्बड़ाऐ गुऐ, अरह् तुओं लोगो ऐं, पापी गऐर-यहूदियों के हाथै तिनू शुँल़ी-फ़ाँषी गाशी चड़ाऐ अरह् मँराऐ दित्ते।

सिरमौरी नौवाँ नियम

²³ यीशु पौरमेशवर कै दवारा तय कौरेयौंदे योजना औरौ आगलै ज्ञान कै हिसाब शै थोम्बाया गौआ। तौ तुऐं तैसी दुष्ट आदमियों कै मौदद लैई किलो लायौ क्रूसो पांदी चौढ़ायौ मारै दिया।

प्रेरितो कै काम 2:23 ပူးပေါင်းရင်းမြစ်များ

मत्ती 20:19

अरह् तेसी गऐर यहूदी के हाथो दा देले, जू से तेसी ठाठे खे खाले, अरह् तेस्दे कोड़े मार्लें, अरह् शुँल़ी-फ़ाँशी चड़ाले, अरह् तेसी च़ीज़े का ऊबा जीयाल़ा ज़ाला।”

मत्ती 26:24

आदमी का बैटा तअ जेष्णों तेस्के बारे दो पबित्र-ग्रन्थों दो लिखी थो, तेस्खे तेष्णों ही होंदो; परह् तेसी आदमी खे श्राँप-फीटकारा असो! जेस्के कारण आदमी का बैटा थंम्बड़ाया ज़ाला: जे सेजा आदमी पय्दा ही ने हंदा तअ तेस्खे सेजो आछो होंदो थियों।”

मत्ती 27:35

तबे तिन्ऐ तेसी शुँल़ी-फ़ाँशी चढ़ाया, अरह् पार्ची पाऐयों तेस्के खोट्णों बाँडी पाँऐ।

मरकुस 15:24

तबे तिनू सपाऐ ऐ प्रभू यीशू शुँल़ी-फ़ाँशी दे चढ़ाऐ, अरह् तिन्ऐ तिनके खोट्णों खे गोटी-पार्ची पाई, के कस्खे कुण्जो खटियोण भेंट्दो, अरह् आपु मुँजी बाँडी पाऊँबे।

लूका 22:22

किन्देंखे के आदमी के बैटे खे जेष्णों आगे ही बंणाँऐ थों, तेस्खे तेष्णों ही हंदों; परह् “नीरभाग असो! सेजा आदमी जेस्के कारण तेसी थंहम्बड़ाया ज़ाला।”

लूका 22:37

किन्देंखे के हाँव तुँओं खेे बुलू, के ऐष्णों कर्णों जरूरी असो; के पबित्र-ग्रन्थों का सेजा लेख मुँदा ही पुरा हंदा: के तेसी ‘कुकर्णी कर्णो वाल़े आरी गीणाँ ज़ाँदा।’ अरह् जुण्जो किऐ मेरे बारे दो लिखी भे थो, सेजो सब-कुछ जरूर पुरो हंदो।”

लूका 23:33

जबे से “खोपड़ी” नाँँव के जागे दे पंईचें, तअ तेथै तिन्ऐं प्रभू यीशू, अरह् तिन की गईलो दो ओके कु-कर्णी कर्णों वाल़े लोग भे शुँल़ी-फ़ाँशी टाँग्गै; ऐक प्रभू यीशू के सुऐं ढबै, अरह् ओका प्रभू यीशू के डेरे ढबै टाँगा।

लूका 24:20

परह् मुँख्या-याजकों, अरह् नंम्बरदारे तिनू थंहम्बड़ाऐ अरह् तिनखे मंऊँत्ती की सजा शुँणाँऐ, अरह् तिनू शुँल़ी-फ़ाँशी टाँग्गी दिते।

यूहन्ना 19:18

तेथै तिन्ऐ प्रभू यीशू, ओकी दू: आदमी आरी; ऐक सुऐं ढबै, अरह् ओका डेरे ढबै; अरह् प्रभू यीशू तिनके बीच दे शुँल़ी-फ़ाँशी चढ़ाँऐ।

यूहन्ना 19:24

ईन्देंखे तिनू सपाईऐं आपु मुँझी बुलो, ऐसी “चौगा चिरे ने; परह् ईन्दें की ताँईऐ आँमें आपु मुँझी पार्ची पाऊँबे; के ऐजा च़ौगा कोस्खे भेट्दा।” ऐष्णों ईन्देंखे हुओ, के पबित्र-ग्रन्थों का सेजा लिखा पुरा हों: के से मेरे खोट्णों आपु मुँझी बाँडी पाँह्ले, अरह् मेरे च़ौगे खे पार्ची पाँह्दें; अरह् तिनू सपाई ऐं भे तेष्णों ही करह्।

प्रेरितो कै काम 13:27

किन्देंखे के यरूशलेम के रंहणों वाल़े, अरह् तिनके हाकम लोगे ऐं प्रभू यीशू पंह्छ़ियाँणीं ने, अरह् तिन्ऐ तिनखे शुँल़ी-फ़ाँषी के सजा शुँणाँऐयों अणजाँण हंणों के कारण ऋषियों को सेजो बुल्णों पुरो कोरो; जुण्जो ऐक नाँम बिषाँव के देसे पढ़ो अरह् शुँणाँव ज़ाँव।

प्रेरितो कै काम 15:18

ऐजी सेजी ही प्रभू! की धाव असो; जुण्जी ज़ूगौ शुभी ईन बातो पर्गट कर्दे आऐ रूऐ।

प्रेरितो कै काम 2:36

“इस्राएल का बादा घराना ऐजो पाक्को जाँणी पाँव, के जिनू यीशू तुऐं लोगे ऐ शुँल़ी-फ़ाँषी गाशी चड़ाऐ; तिनू ही पंण्मिश्वर ऐ प्रभू अरह् मसीया बंणाँऐ दित्ते।”

प्रेरितो कै काम 3:18

पंण्मिश्वर ऐ ऐशा दाँई आप्णाँ बुल्णाँ पुरा करा, जिन्दे के मुँताबिक तिनके मसीया खे दु:ख्ह भोगणाँ थिया; अरह् जेसी तिन्ऐं सोभी ऋषियों के मुँख्ह शा आगे ही घोषित्त करी थुवा थिया।

प्रेरितो कै काम 4:28

किन्देंखे के जुण्जो किऐ आगे ही तेरी शक्त्ति अरह् हिछा के मुँताबिक थियों तेष्णों ही करह्।

प्रेरितो कै काम 5:28

“कियो आँमें तुँओं खे ऐजी पाक्की चिताँव्णीं देऐयों अज्ञाँ दिती ने थी, के तुँऐं ऐसी नाँव शी किऐ भे शिक्क्षा ने दिऐं? परह् तबे भे देखो, के तुँऐं बादो यरूशलेम आप्णी तियों ही शिक्क्षा लई भरी दितो; तअ तबे कियों? तुँऐ तेसी आदमी का खूँन अमाँरें माँथै मंड़्णाँ चहाँव।”

प्रेरितो कै काम 5:30

तुऐं तअ प्रभू यीशू शुँल़ी-फ़ाँषी दे टाँगियों माँरी दिते, परह् अमाँरें पुराँणियाँ के पंण्मिश्वर ऐं तिनू पाछ़ु मँरे अँदे मुँझ्शे ऊँबे जीयाल़ी दित्ते।

प्रेरितो कै काम 7:52

कियो तुवाँरे पुराँणिऐं ऐ ऋषियों गाशी अंत्त्याचार करी ने? तिन्ऐं तिनू ऋषी लोग माँरी दित्ते, जिन्ऐं आगे ही तेसी धर्मी जंण के आँवणीं की घोष्णाँ करी थी; तुओं लोगों खे स्वर्गदूत्त के जाँणें, रित्ती-रूवाज निय्म भेंटी ने? परह् तुऐं लोगें ऐं तिन्दें का पाल़्ण ने करी, अरह् ऐबे तेसी धर्मी जंण के थंहम्बड़ाणों वाल़े अरह् हत्त्यारे बंणी गुऐ।

रोमियों 2:12

ईन्देंखे जुण्जे लोग ऋषी-मूसा खे भेटे गुऐं निय्म के बष दे ने थी, अरह् तिन्ऐं पाप करा, तअ तिनका नाँष भे तेसी निय्म के बिना हंदा; अरह् जिनू लोगे ऋषी-मूसा खे भेटे गुऐं निय्म के बष दा रंह्ऐयों पाप करी थुवा, तिनका नियाँव भे ऋषी-मूसा के निय्म के हिसाब शा हंदा;

रोमियों 4:17

जेष्णों पबित्र-ग्रन्थों दो लिखी थो, के “पंणमिश्वर बुलो, के मुँऐं ताँव भहिती गऐर यहूदी का बाबा बंणाऐ थुवा,” तेसी पंणमिश्वर के नंजरी दा अब्राहम अमाँरे बाबा असो, अब्राहमें तेसी पंणमिश्वर गाशी बिश्वाष करा, जुण्जा मरे अंदे ऊबे जीयाल़ो; अरह् जुण्जी बातो आथी ने, तिनका नाँव से तेष्णों लों, के ऐजी बातो असो ऐ।

1 थिस्सलुनीकियों 2:15

जिन्ऐं प्रभू यीशू अरह् ओके ऋषी भे माँरी दिते, अरह् आँमों भे सताऐ, अरह् पंण्मिश्वर तिन शा खुशी ने आथी, अरह् से बादे आदमी का बिरूध करह्।

1 पतरस 1:2

अरह् परमं-पिता पंणमिश्वर के हंणों वाल़े ज्ञाँन के मुताबिक, पबित्र-आत्त्मा के पबित्र कर्णो के जाँणें, प्रभू खे ज़ई करी थुऐ, सेजे मसीया प्रभू यीशू के अज्ञाकारी बंणों, अरह् तिनके लह्ऊँ का छ़िड़काँव लों: अरह् तुओं कृपा, अरह् शाँन्त्ति बैजाऐ भेटदी रंह्।

1 पतरस 1:20

ईयों संईसारी की सृष्टी शा आगे ही तिनू चूणी-छाँटी थुऐ थिऐ, परह् तुँओं लोगो की ताँईऐं तिनू ईनू आखरी के देसो दे पर्गट करे गुऐ।

1 पतरस 2:8

अरह् से बंणा: “ऐक पाथर जिन्दे शा लोगो के ढैस लागो, अरह् ऐशी कऐड़ जिन्दे गाछ़ै लोग ऊँदे रंड़को;” लोगो के ढैस लागो, किन्देंखे के से पंणमिश्वर के बचन का पाल़्ण ने कर्दे, अरह् बस ऐजो ही तिनखे बाँणी थो।

यहूदा 1:4

किन्देंखे के केत्रै ऐशे लोग चुप-चाँण आँमों मुँझी मिली रूऐ; जिनखे तियों सजा के बारे दो पुराँणें निय्म दो आगे ही लिखी थुवो थियो: ऐजे लोग नास्तिक असो, अरह् अमाँरे पंण्मिश्वर की कृपा लुच-पंण बईमानी दा बद्ल़ी दियों, अरह् अमाँरे सिर्फ ऐक ही स्वामी, अरह् प्रभू यीशू मसीया मान्णों शे ऐ भाजी ज़ाँव।

प्रकाशितवाक्य 13:8

धर्ती के सेजे बादे रंहणों वाल़े, तैथू बूणेर के पुजा करह्, जिनके नाँव माँरे अंदे छ़ैल़्टे के जीवन की कताबे दे संईसारी की उत्पत्ति के बख्तो शे ऊँबे लिखे अंदे ने आथी।