प्रेरितो कै काम 19:16 - Sirmouri

¹⁶ तबे सेजा आदमी जेस्दी दुष्ट-आत्त्मा थी, से तिनदा फरियाऐया; अरह् तिनू आप्णे लपेटे दे करियों तिनके खट्णों ऊपाड़ियों नाँगै-धड़ाँगै अरह् तिनू घाऐल करी दित्ते; तबे से आप्णी जीयाँन बंचाऐयों तेथै तेसी घरह् शे भागी लागे।

सिरमौरी नौवाँ नियम

¹⁶ औरौ तैसी आदमीए जैसदै दुष्टआत्मा थै; तियैं तिनु पांदी पिल़चैयो, तिनु सौबी खै आपणै काबू दै कौरे दियै, औरौ तिनुखै ऐशै मारै, कै सै नांगै औरौ घायल हौयौ तैसी घोरो पौरैशै आगु दोऊड़ै।

प्रेरितो कै काम 19:16 ပူးပေါင်းရင်းမြစ်များ

मरकुस 5:15

तेसी नंगर के लोग जबे प्रभू यीशू कैई आऐ, तअ तिन्ऐं सेजा दुष्ट-आत्त्मा का च़ुड़ा अंदा आदमी भे जेस्दी दुष्ट-आत्त्मा समाऐ रंऐ थी, तेसी खोट्णों बाँम्बियों चुप्पी तिन कैई बईठा अंदा दे:खा, अरह् से डरी गुऐं।

लूका 8:29

किन्देंखे के प्रभू यीशू ऐं तियों दुष्ट-आत्त्मा खे तैसी आदमी शी आगू ज़ाणों के अज्ञाँ देऐ लऐ थी, किन्देंखे के सेजी दुष्ट-आत्त्मा तैसी आदमी दी बार-बार प्रचंन्ड हों थी, अरह् लोग तैसी आदमी आप्णी बष दा कर्णों खे शाँगल़ी अरह् हड़ी-बैड़ी लई बाँनों थिऐ, परह् से तिन्दें के भे च़ूड़ियों रिन्डै-रिन्डै बाँणों थिया, अरह् सैजी दुष्ट-आत्त्मा तैसी आदमी खाल़ै-नाँल़ै दा नींयों थी।

लूका 8:35

लोगे ऐजी घट्णाँ शुणियों जू तेथै हऐ रंऐ थी, तिन्दे दे:ख्दे तेथै आऐं, अरह् तिन्ऐं दे:खो के प्रभू यीशू कैई आऐयों सेजा आदमी भे जैस्शी सैजी दुष्ट-आत्त्मा निक्ल़ी थी, से भे खोटुणो बाम्बियों आछा-भला प्रभू यीशू की लात्तों कैई बईठा अंदा दे:खियों से डरी गुऐ।

प्रेरितो कै काम 19:15

परह् दुष्ट-आत्त्मा ऐ ऐकी बई तिनखे जबाब दिता, “प्रभू यीशू तअ हाँव जाँणू ऐं, अरह् संत्त-पौलुस भे पंह्छयाँणु ऐं परह् तुँऐं कुँण असो?”

प्रेरितो कै काम 19:17

तबे: इफिसुस दे रंहणों वाल़े, बादे यहूदी अरह् यूनानी कैई भी ईयों बातो का पता लागा, अरह् से बादे के बादे डरी गुऐ; अरह् तबे से प्रभू यीशू के नाँव का गुण-गाँन कर्दे लागे।

प्रेरितो कै काम 3:8

से तैख्णीं ऊष्टियों ऊबा खह्ड़ा हुऐ गुवा, अरह् ऊँडा-पुडा हाँड्दा-फिरदा लागा; अरह् ऊष्टोंणीं देंदू ही, खास-चैले आरी पंण्मिश्वर का धन्यबाद करदा देऊँठी दा हुटा।

2 पतरस 2:19

से तिन्खे अजादी का लाल़्च दियों, जबे के से आपु भे बुराई के दास असो, किन्देंखे के जू जैस्के बष दा असो, से तेसी ही का दास असो;