प्रेरितो कै काम 19:10 - Sirmouri

¹⁰ दू: साल्ह तोड़ी ऐजो ही हंदो रंहो, ऐत्ते ज़ुगौ के आसिया दे रंहणों वाल़े, यहूदी लोग, यूनानी लोग, सभिऐ प्रभू का बचन शुँणी पाया।

सिरमौरी नौवाँ नियम

¹⁰ दो सालो तौड़ी ऐशैखैई हौंदौ रो, इथै तौड़ी कै एशिया प्रदेश कै रौणौवाल़ै यहूदी लोगै औरौ यूनान देश कै रौणौवाल़ै सौबी लोगै प्रभु का वचन शौणै पोऊवा।

प्रेरितो कै काम 19:10 ပူးပေါင်းရင်းမြစ်များ

प्रेरितो कै काम 13:12

तबे तेख्णीं सेजी घट्णाँ देखियों तेने हाकम सिरगियुस-पौलुस ऐं बिश्वाष करा, अरह् तेस्के प्रभू के बचन की शिक्षा शुँणियों तूरंबाँणच़ूटे।

प्रेरितो कै काम 16:6

पबित्र-आत्त्मा संत्त-पौलुस, सीलास, अरह् तिमुथियुस खे आसिया ईलाके दा बचन का प्रचार कर्णो शा भाजी गुवा; ईन्देखे तिन्ऐं फ्रूगिया अरह् गलातिया ईलाके का दोंरा करा।

प्रेरितो कै काम 18:11

संत्त-पौलुस लोगों कैई शे पंण्मिश्वर के बचन शिखाँदे रूऐ, अरह् से तेथै ढेढ साल्ह तोड़ी रूऐ।

प्रेरितो कै काम 18:4

संत्त-पौलुस हर ऐक बिषाँव के देसे यहूदी च़ौत्रें दा बाद-बिबाद करह् थिया; अरह् यहूदियों अरह् यूनानियों के बादे लोग बिषाँव के देसे शंक दूर कर्णो खे सहम्झाँव थिया।

प्रेरितो कै काम 19:20

ऐशा दाँई प्रभू का बचन जोर-शोर शा दूरे-दूरे तोड़ी फईल्दा लागा।

प्रेरितो कै काम 19:22

तबे तेने आप्णी सेवा कर्णो वाल़े, मुँझ्षे तीमुथियुस अरह् इरास्तुस मकीदुनिया खे डेयाल़े, अरह् आपु कुछ बख्त्तो खे आसिया दा ही रूवा।

प्रेरितो कै काम 19:8

संत्त-पौलुस यहूदी चौत्रें दे ज़ाऐयों च़ींन भीने तोड़ी निडर हऐयों बुल्दा रूआ। अरह् पंण्मिश्वर के राजो के बारे दी बात्त-च़ींत्त करदा अरह् संहम्झाँदा रूवा।

प्रेरितो कै काम 2:9

आँमें तअ पारथी, अरह् मेदी, अरह् एलामी लोग, अरह् मेसोपोटामिया, अरह् यहूदिया, अरह् कप्पदूकिया, अरह् पुन्तुस, अरह् आसिया,

प्रेरितो कै काम 20:18

अरह् तिनू सोभी के पंह्ऊँचणों गाशी तेने ऐजो बुलो, “तुऐं लोग ऐजो जाँणों ऐं, के जेसी देसो शुभा हाँव आगे-आगे आसिया ईलाके दा पंह्ईचा; तेसी देसो शुभा मेरा चाल-चल्ण तुओं मुँझी केष्णाँ असो।

प्रेरितो कै काम 20:31

ईन्देंखे संकन्नै-च़ौक्ष रूऐ, अरह् ऐजो चींत्ते थुऐ; के मुँऐ आशू बुवाऐ-बुवाऐयों, च़ींन साल्ह तोड़ी देस-रात्त तुओं मुँझी, ऐक नाँम आदमी संचेत्त करी थुऐ।

प्रेरितो कै काम 6:9

तेख्णीं तेसी ही बख्त्ते लिबर्तीन खुम्ल़ी के चौत्रे के किऐ लोग, जुण्जे के आगे ही कुरेनीं अरह् सिकन्दरिया नंगरों अरह् किलिकिया अरह् आसिया ईलाके के किऐ लोग स्तिफनुस का बिरोध अरह् तेसी आरी बाद-बिबाद कर्दे लागे।

रोमियों 1:16

किन्देंखे के हाँव यीशु मसीया की खुषख्बरी दा सरमाँदा ने, ईन्देंखे के से ऐक नाँम बिश्वाष कर्णो वाल़े खे आगे यहूदी खे, तबे यूनानी खे, मुँक्त्ति के मुँताबिक शी पंणमिश्वर के शक्त्ति असो।

रोमियों 10:12

यहूदियों अरह् यूनानियों दा किऐ भेद्-भाव ने आथी, किन्देंखे के सोभी का प्रभू ऐक ही असो; अरह् आप्णे बादे नाँव जप्णों वाल़े खे से दिल खुलियों आशिर्बाद दियों।

रोमियों 10:18

परह् हाँव ऐशो बुलू, कियों तिन्ऐं शुणीं ने? शुणों तअ जरूर; किन्देंखे के पबित्र-ग्रन्थों दो लिखी थो, “तिनकी धाव बादी धर्ती गाशी, अरह् तिनके बचन संईसारी की आखरी कूँणें तोड़ी पंह्ऊँची रूऐ।”

गलातियौं 3:28

ऐबे कोसी दा किऐं फर्क ने रंई, किन्देंखे के ना तअ कुँऐं यहूदी रूवा, ना यूनानी, ना कुँऐं दास ना कुँऐं अजाद ना कुँऐं नंर अरह् ना कुँऐं नारी, किन्देंखे के तुँऐं बादे यीशू मसीया दे ऐक असो।

कुलुस्सियों 3:11

तिदा ना तअ कुऐं यूनानी रंई, अरह् ना यहूदी; ना खतना वाल़े, अरह् ना खतना के बिना, ना जागल़ी, ना स्कूती, ना दास, अरह् ना अजाद: सिर्फ मसीया ही सब-कुछ असो, अरह् सोभी दा बसा अंदा असो।

2 तीमुथियुस 1:15

तुओं कैई ऐजा तअ पता ही हंला, के आसिया ईलाके के बादे बिश्वाषी भाऐ लोग मुँह शे दुर्के हऐ गुऐ; अरह् तिन्ही मुँझी भाऐ-फूगिलुस अरह् भाऐ-हिरमुगिनेस भे असो।

1 पतरस 1:1

संत्त-पतरस की ढबे शी जू प्रभू यीशू मसीया का खास-चैला, तिनू प्रदेशियों के नाँम जुण्जे पुन्तुस, गलातियों, कप्पदुकिया, आसिया, अरह् बिथुनिया दे खिदर-बिदर हऐयों रंह् थिऐ,

प्रकाशितवाक्य 1:11

“जू किऐ तुँऐं देखी लो, तैथू कताबे दो लिखियों ईनू सात्ती नंगरों की कलीसिया कैई डेयाल़ी दियों; मतल्व इफिसुस अरह् स्मुरना, अरह् पिरगमुन, अरह् थूआतीरा, अरह् सरदीस, अरह् फिलदिलफिया, अरह् लौदिकिया खे।”

प्रकाशितवाक्य 1:4

संत्त-यूहन्ना की ढबे शी आसिया ईलाके की सात्तों कलीसियाव खे जुण्जी आसिया प्रदेश दी असो: तिनकी ढबे शी कृपा, अरह् शाँण्त्ति, भेटो, जुण्जे असो ऐ, अरह् जुण्जे सदा थिऐ, अरह् जुण्जे आँणों वाल़े असो; अरह् तिनू सात्त आत्त्माओं की ढबे शी जुण्जी तिनके सिंगास्हणों के सहाँम्णें असो।