प्रेरितो कै काम 18:6 - Sirmouri

⁶ परह् जबे सेजे लोग संत्त-पौलुस का बिरूध अरह् नीदया कर्दें लागे, तबे तेने आप्णे खट्णों की धूड़ झाड़ियों तिनखे बुलो, “तुवाँरो लह्ऊँ तुवाँरें ही मुँडे हों! हाँव नि-र्दोष-बै-कसूर असो। ऐबे हाँव गऐर-यहूदी कैई ज़ाँऊबा।”

सिरमौरी नौवाँ नियम

⁶ पौरौ जोबै यहूदी लोग पौलुस कै खिलाफ हौयौ निन्‍दा कौरदै लागै, तौ तैणै आपणै खोटणो कै धूल झाड़ेयौ तिनु बौल़ौ, पौरमेशवर कै सौंदेश कै ना मानणौ कै बौजैह शै तुऐं आपी ही तियौं सौजा कै दोषी औसौ, जू तुऔं पौरमेशवर कै ढौबौशै भैटदै, हांव बैकसूर औसौ। ऐलो दा ऊबा हांव बैगानै यहूदी लोगौ कै धोरे जांदा औरौ पौरमेशवर कै सौंदेश का प्रचार कौरदा।

प्रेरितो कै काम 18:6 ပူးပေါင်းရင်းမြစ်များ

मत्ती 10:14

जुण्जा कुँऐं तुवाँरा आदर ने करह्, अरह् ना तुँवारी बातो शुणों, तअ तेसी घर अरह् तेसी नगर शे निक्ल़दी बई, आप्णें लातो की धूड़-माँटी तेथी झाड़ी दिऐ।

मत्ती 21:41

तिन्ऐ जबाब दिता, “से तिनू दूष्टों का छ़तियानाँष करी देंदा, अरह् सेजो अंगूरोह्-दाख्ह के खेच़ौ का ठैका कोसी ओकी जीम्दार खे अध्याल़ी गाशी देंदा, जुण्जा तेस्खे ठीक बख्तो गाशी तियों शाख्हो के अध्याल़ी देला।”

मत्ती 21:43

“ईन्देंखे हाँव तुँओं सोभी गाशी ऐजी सचाऐं पर्गट करू: के पंणमिश्वर को राज्य तुँओं कैई शो आगू दोड़दो, अरह् तेसी जात्ती खे सोपी देईदो, जू ईन्दे का पुरा फल़ लियाला।

मत्ती 22:10

तबे: तिनू दास-बैठू ऐ शड़की बाटो दे ज़ाऐयों, आछे-माड़े भले-बूरे जै-तोड़े लोग भेंटे सेजे बादे कठे करे, अरह् जाज्ड़े-बियावं को घर पाऊँणे लई भरी गुओं।”

मत्ती 27:25

लोगें जबाब दिता, “ऐस्को लह्ऊँ आँमों अरह् अमाँरी अलादी गाशी हों!”

मत्ती 8:11

हाँव तुँओं खेे बुलू, के पूर्वो अरह् पंच्छ़ियों शे बेजाऐ लोग आऐयों, अब्राहम, अरह् इसहाक, अरह् याकूब, की गईलो स्वर्गो के राज्य दे बंईठदे।

लूका 22:65

अरह् तिन्ऐ ऊकी भे बैजाऐ बीरूध की बातो तिन के बारे दी बुलियों बैस्त्ते कर्दे लागे।

लूका 9:5

जे कुँऐं लोग तुवारा स्वागत् ने करो, तअ तिन के नंगर शे नींक्ल़दी बंई गुवा-शाज़्त्त के रूप दी आप्णें लात्तो के माँट्टी अरह् धूड़ भे तैथी झाड़े तअ सैजी ही हुवाऐ हंदी।”

प्रेरितो कै काम 13:51

तबे: संत्त-पौलुस, अरह् संत्त बरनबास ऐं तिनके बिरूध गुवाऐ-शाज़्त्त देंणों खे, आप्णें लात्तो की धूड़-माँटी भे तैथी झ़ाड़ी दिती; अरह् से आपु इकुनियुस नंगर खे हुटे।

प्रेरितो कै काम 26:11

हाँव कंऐयों यहूदी च़ौत्रें दा बार-बार ज़ाऐयों तिनू भगत्त लोग बाँनियों आँणियों तिनखे सजा दियाँऊँ थिया; अरह् प्रभू यीशू के नाँव की निदया करू थिया, अरह् हाँव ऐत्रा पागल हुवा, के ओकी देशो दा भे ज़ाऐयों तिनू बिश्वाषी लोग माँरू-पीटू, अरह् तिनू बैजाऐ बुरे सताँऊ थिया।

प्रेरितो कै काम 26:20

मुँऐं आगे दमिश्क, अरह् यरूशलेम के लोगों मुँझी, अरह् तिन्दें पाछ़ी बादे यहूदा प्रदेश दा, अरह् तबे गऐर-यहूदियों मुँझी ऐजा प्रचार करा; के पस्तावा करो, अरह् पंण्मिश्वर के ढबै फीरी ज़ाव; अरह् पस्तावे के हिसाब शा चाल-चल़्ण करह्।

प्रेरितो कै काम 28:28

“ईन्देंखे तुँऐ लोग जाँणीं पाव, के पंण्मिश्वर की ऐजी छ़ुट्कारे के खुषख्बरी गऐर-यहूदियों खे डेयाल़ी दिती; अरह् से जरूर शुँण्ले।”

रोमियों 3:29

कियों पंणमिश्वर सिर्फ यहूदियों का ही असो? कियों गऐर यहूदी का आथी ने? होर, पंणमिश्वर गऐर यहूदी का भे असो।

1 तीमुथियुस 5:22

कोसी गाशी भे शिघा आप्णा हाथ ने थुऐ, अरह् ना कोसी के पाप का भागीदार बंणें, अरह् आपु आप्खे पबित्र बंणाँऐयों शुँच़ाशाँख्ल़ा रूऐ।

2 तीमुथियुस 2:25

परह् से बिरोध कर्णो वाल़े लोग भे नंरमाँई शे संहम्झ़ाऐ दियों, किन्देखे के ऐजो कुँऐं ने जाँण्दा के कबे पंण्मिश्वर तिनका मंन पंसताँवे लंई बद्ल़ी दियों; अरह् तिनखे भे सच्चाई का ज्ञाँन भेंटी ज़ाँव;

1 पतरस 4:14

जे तुँऐं मसीया के नाँव शे पतार्ले, तअ तुँऐं भागोईत असो! तुवों आशिर्बाद भेट्दा, किन्देंखे के तुवों दी पंणमिश्वर की बड़याई की आत्त्मा बंसी रंऐ;

1 पतरस 4:4

ईन्देंखे से हरान हों, के जबे तुँऐं ईनू शंगाँव्णें रहण-सहण दा तिनू अ-बिश्वाषी लोगो का साथ ने देंदे, तअ ईन्देंखे से तुँओं खे बुरो-भलो बुलो;