प्रेरितो कै काम 18:26 - Sirmouri

²⁶ से यहूदी चौत्रें दा नींडर हऐयों बुल्दा लागा, परह् प्रिसकिल्ला अरह् अकिवला ऐ तेस्की बातो शुँणियों तेसी आप्णें कागी नीयाँ, अरह् पंण्मिश्वर की बाट तेस कैई शी हजो भे ठीक-ठीक संहम्झाऐ अरह् बुली।

सिरमौरी नौवाँ नियम

²⁶ सै यहूदी सभा-घोरो दा निडर हौयौ बौलदा लागा, पौरौ प्रिस्किल्‍ला औरौ अक्विला तैसकी बातौ शोणेयो, तैसी आपणै घोरे निया औरौ पौरमेशवर कै बारै मुंजी तैसी हौजौ बै आछ कौरेयौ बौतौऊ।

प्रेरितो कै काम 18:26 ပူးပေါင်းရင်းမြစ်များ

मरकुस 10:15

हाँव तुँओं खे खास बात बुलू, के जू कुँऐं पंणमिश्वर को राज्य नहाँन्ड़िया जेष्णों ने माँन्दा, तअ सेजा आदमी कद्दी भे पंणमिश्वर के राज्य दा ज़ाऐं ने सक्दा।”

लूका 19:26

‘तेने माँलिक ऐं बुलो, हाव तुँओं खे ऐशो बुलू, के जैस कैई आगे भे असो, तैस्खे हजो भे दियो ज़ादो; अरह् जैस कैई आगे भे किऐ ने आथी, तैस कैई शो सेजो भे ऊँडो कर्दो जुण्जो तैस कैई असो ऐ।

लूका 24:27

तबे प्रभू यीशू ऐ ऋषी-मूसा शी ऊबी, बादे ऋषियों की बरंम्बाँणीं जुण्जी पबित्र-ग्रन्थों दे लिखी गई बातो; का मतल्व आप्णे बारे दा तिन कैई शा बादा सहम्झाया।

यूहन्ना 7:17

जे कुँऐं आदमी पंण्मिश्वर की हिछ़या पुरी कर्णो का परण करह्, तअ से ऐजो जाँणी पाँदा; के ऐजी शिक्क्षा पंण्मिश्वर की तरफ शी असो; के मेरी तरफ शी असो।

प्रेरितो कै काम 14:3

संत्त-पौलुस अरह् बरनबास बैजाऐ देसो तोड़ी तेथै रूऐ, अरह् प्रभू गाशी भोर्षा करियों, नींडर हऐयों प्रचार कर्दे रूऐ; अरह् प्रभू ऐं भे तिनके हाथै बैजाऐ चींह्न-चंम्त्तकार देखाऐयों आप्णीं कृपा की खुषख्बरी का नंतिजा देखाया।

प्रेरितो कै काम 18:18

संत्त-पौलुस बैजाऐ देसो तोड़ी कुरिन्थियों दा रूआ। तबे बिश्वाषी भाऐ-बंईणों कैई शी बिदाऐं लंऐयों, प्रिस्किल्ला अरह् अकिवला की गईलो, पाँणीं के जहाजों दे सीरिया देश खे हुटे; तिन्ऐ कंसी बरंत्तो के कारण किंख्रिया टापू गाशी; आप्णों मूँढ लुणाँऐयों ख्रूमुँण्डी बंणाँऐ दिती, किन्देंखे के तिनकी सेजी मंन्त्त-हीछ़ा करी अंदी थी;

प्रेरितो कै काम 18:25

तेस्खे प्रभू के बाटो की मुँख्ह जबाँनी शिक्क्षा देऐ थंऐ थी, से बैजाऐ हिमम्त्त-हंस्लै वाल़ा आदमी थिया; अरह् प्रभू यीशू के बारे दी तेस्की शिक्षा साफ थी, परह् तेस कैई सिर्फ ज्ञाँन अरह् जाँण कारी संत्त-यूहन्ना के नहाँण-नहाँणों तोड़ी ही थी।

प्रेरितो कै काम 19:8

संत्त-पौलुस यहूदी चौत्रें दे ज़ाऐयों च़ींन भीने तोड़ी निडर हऐयों बुल्दा रूआ। अरह् पंण्मिश्वर के राजो के बारे दी बात्त-च़ींत्त करदा अरह् संहम्झाँदा रूवा।

प्रेरितो कै काम 28:23

तबे: यहूदियों ऐ संत्त-पौलुस की गईलो ऐक देस बंईठणों खे पाक्को करो, अरह् बैजाऐ लोग कंट्ठै हुऐ; अरह् तबे संत्त-पौलुस झ़ीषों शा पुंडा फ़ीरे तोड़ी तिनू आरी बात-चींत्त करदा रूवा; अरह् पंण्मिश्वर के राज्य के बारे दी आप्णीं गुवाऐ-शाज़्त्त देंदे रूवा; अरह् ऋषी मूसा खे भेटे गुऐ अज्ञाँ निय्म, अरह् ऋषियों के पबित्र-ग्रन्थों के मुँताबिक तिन कैई प्रभू यीशू के बारे दे संहम्झाँणों की कोशिष करदा रूवा।

प्रेरितो कै काम 8:31

तेने जबाब दिता, “भला जाँव तोड़ी कुँऐं मुँह संहम्झाँव ने ताँव तोड़ी हाँव केशो दाँई संहम्झी सकू?” तबे सेजा खोज़ा फिलिप्पुस खे ढाल-अरज करदा लागा, के “हे श्री माँन! तुऐं मेरे रंथो गाशी मेरी गईलो भंईठियों मुँह सहम्झाव।”

1 कुरिन्थियों 12:21

आँ:ख हाथो खे ने बुली सक्दी, के “मुँह तेरी किऐ जरूरत ने आथी” अरह् ना मूँड लातो खे बुली सक्दो, के “मुँह ने तेरी किऐ जरूरत आथी।”

1 कुरिन्थियों 3:18

कुँऐं आपु-आप्खे धोखा ने दिऐं, किन्देंखे के जे तुँओं मुझ्षा कुँऐं, ईयों संईसारी दा आपु-आप्खे ज्ञाँनी जाँणों, तअ तुँऐं संईसारी की नंजरी दे ज़ोगर मुरूख बोंणों, जू तुँऐं पंणमिश्वर की नंजरी दे ज्ञाँनी बंणले।

1 कुरिन्थियों 8:2

जे कुँऐं ऐशो जाँणों के हाँव किऐ जाँणू ऐ, तअ जेष्णों तेने जाँणों चेंई, तैष्णों से हेभी तोड़ी ने जाँण्दा।

इब्रानियों 6:1

ईन्देंखे आँमें सीद्धत्ता आप्णाँ निशाणाँ बाणियों, मसीया शी मेल-झ़ोल थंणों वाल़ी पंह्-नींव की शिक्क्षाओं शे ऊबे बीऊँजियों पंबित्रत्ता की ढंबै बंड़ो; अरह् किऐ ओकी पंह्-नींव ने पाँव, ऐबे आँमें मंऊँत्ती की ढ़बै ज़ाँणों वाल़े कर्मो शे आप्णाँ मंन बंद्ल़ियों, पंण्मिश्वर दा बिश्वाष करह्।

2 पतरस 3:18

परह् अमाँरें प्रभू अरह् बंचाँणों वाल़े, प्रभू यीशू मसीया की कृपा अरह् पछ़याँण दे बढ़्दे ज़ाव। तिन्ही की बड़ियाऐ ऐबे भे हों; अरह् सदा ज़ूगौ-ज़ूगौ तोड़ी हंदी रंह्। आमीन।