प्रेरितो कै काम 18:25 - Sirmouri

²⁵ तेस्खे प्रभू के बाटो की मुँख्ह जबाँनी शिक्क्षा देऐ थंऐ थी, से बैजाऐ हिमम्त्त-हंस्लै वाल़ा आदमी थिया; अरह् प्रभू यीशू के बारे दी तेस्की शिक्षा साफ थी, परह् तेस कैई सिर्फ ज्ञाँन अरह् जाँण कारी संत्त-यूहन्ना के नहाँण-नहाँणों तोड़ी ही थी।

सिरमौरी नौवाँ नियम

²⁵ तैणै प्रभु कै बाटो कै शिक्षा पाए राए थी, औरौ मन लायौ यीशु कै बारै मुंजी ठीक-ठीक शुणांव औरौ शिखांव थिया, पौरौ सै खाली यूहन्ना कै बपतिस्मा कै बात जाणौ थिया।

प्रेरितो कै काम 18:25 ပူးပေါင်းရင်းမြစ်များ

मरकुस 1:3

जाँगल़ो दा ऐक धुवाणों वाल़े की धाव शुणिंदी लागी; के प्रभू खे बाट सूँऐं बाँणों, अरह् तिनखे शड़की सिधी करह्।”

मरकुस 12:14

तिन्ऐ आऐयो प्रभू यीशू मसीया शा ऐजा सुवाल पुछ़ा, “हे गुरू जी! ऐजा तअ आँमों कैई पता ऐ के तुऐं ऐक साचे आदमी असो; तुओं कोसी की जरूरत ने आथी, अरह् तुऐं कोसी दा भेद्-भाव ने करी सक्दे, अरह् तुऐं पंणमिश्वर के शिक्क्षा सचाई शी दियों, तअ तुऐं आँमों कैई ऐजो बुलो, के आँमों केसर खे कंण-माँम्ला देणा, यहूदी-निय्म के हिसाब शा ठीक असो, के ठीक आथी ने।

लूका 1:4

जू तुँऐं ऐजो जाँणीं पाँव, के ऐजी बादी बातो जिन्दे के तुँऐं शिक्क्षा पाऐ थंऐ, सेजी केष्णी साची अटल़ असो।

लूका 7:29

अरह् बादी जंनता अरह् च़ूँग्गी लोणों वाल़े लोगे भे जबे ऐजो शुणों तअ तिनू सोभी ऐं संत्त-यूहन्ना के हाथै नहाँण-कराओ अरह् पंण्मिश्वर के धार्मिक्त्ता माँनी पाऐ।

प्रेरितो कै काम 13:10

अरह् तेस्खे बुलो, “तू शैतान की अलाद असो! ‘ओ, नींच-दूष्ट, तू कप्ट अरह् छ़ल़ शा दाबी-दाबियों भराअँदा असो’; अरह् सात्त-भाँत्ती धार्मिक्त्ता का बऐरी असो! कियों तू प्रभू की सीधी बाट, च़ैली-बाँगी बाँण्णों शा भाज्दी ने?

प्रेरितो कै काम 16:17

से संत्त-पौलुस अरह् आँमों पाछी आऐयों लेल्याँदी लागी, के “ऐजे आदमी परम-पिता पंण्मिश्वर के दास असो; जुण्जे आँमों कैई शी छुट्कारे की बातो के कंथा शुँणाँव।”

प्रेरितो कै काम 18:26

से यहूदी चौत्रें दा नींडर हऐयों बुल्दा लागा, परह् प्रिसकिल्ला अरह् अकिवला ऐ तेस्की बातो शुँणियों तेसी आप्णें कागी नीयाँ, अरह् पंण्मिश्वर की बाट तेस कैई शी हजो भे ठीक-ठीक संहम्झाऐ अरह् बुली।

प्रेरितो कै काम 19:23

तिनू ही देसो के बात असो: के तेसी मंत्त-सोंच के बारे दा बैजाऐ हंगाँमा हुवा।

प्रेरितो कै काम 19:3

संत्त-पौलुस ऐ चैले खे बुलो, “तबे तुँऐं कस्के नाँव को नहाँण-नहाँव?” तिन्ऐ बुलो, “संत्त-यूहन्ना को नहाँण-नहाँव।”

प्रेरितो कै काम 19:9

परह् तिनू मुँझी कंई लोग हठी-कुठूर थिऐ, से बिश्वाष कर्दे भाजी गुऐ, परह् लोगो के सहाम्णें ईयो बाटो खे भलो-बुरो बुल्दे लागे, तबे संत्त-पौलुस ऐ आप्णे चैले साथी नींह्ऐयों तिनू छुड़ियों तेथै शे आगु हुटे। अरह् रोज तुरन्नुस के ईस्कुलो दी बात-चीत्त करह् थिया।

प्रेरितो कै काम 9:2

तेने दमिश्क के चौत्रें के नाँव दे पत्र माँगे, जिन्दा तेस्खे ऐजा हंक-अधिकार दिया गुवा थिया; के जे कोसी भे बिश्वाषी यरूशलेम दे बाँनियों आँणों, से तिरंई, हों भाँव मंरोद् हों।

रोमियों 12:11

कोशिष कर्णो खे आल़स ने करे; आत्त्मिक तेज-प्रकाष शे भरे रूऐ; प्रभू की सेवा कर्दें रूऐ।

2 तीमुथियुस 2:4

जबे कुँऐं ज़ूद्धा लड़ाई करदा ज़ाँव, तअ से ऐशी कोशिष करह्; के आप्णें भर्त्ती कर्णो वाल़ा हाकम खुशी करी सको; ईन्देंखे से आपु आप्खे संईसारी के काँम-धाँन्धै दा ने फंशाँदा।

याकूब 5:16

आछो तअ ऐजो असो, के तुऐं आप्णें पाप आपु ओका ओकी के साम्णें माँनी पाँव, अरह् ओका ओकी खे प्रार्थना करह्, जिन्दें लई तुँऐं हजो चाँगै हऐ ज़ाँव, किन्देंखे के धर्मी जंण की प्रार्थना की शक्त्ति लई सब-कुछ हों।