प्रेरितो कै काम 18:24 - Sirmouri

²⁴ तेसी बख्त्ते अपुल्लोस नाँव का ऐक यहूदी, जेस्का जंन्म सिकन्दरिया दा हऐ रूआ थिया; से परभाव वाल़ा प्रचारक अरह् पबित्र-ग्रन्थों का ज्ञाँनी धिया।

सिरमौरी नौवाँ नियम

²⁴ अपुल्लोस नांव का ऐक यहूदी आदमी जैसका जन्म सिकन्‍दरिया शहर दा हौए रौआ थिया, जू विद्वान आदमी थिया औरौ पवित्र शास्त्र कै आछी तरह शै जाणौ थिया इफिसुस शहर दा ओऊवा।

प्रेरितो कै काम 18:24 ပူးပေါင်းရင်းမြစ်များ

मत्ती 13:52

प्रभू यीशू ऐ तिनखे बुलो, “ऐजा ही कारण असो, के यहूदी-निय्म का शिखाणों वाल़ा, जुण्जा स्वर्गो राज्य के बारे दा शिखाया गुवा; से परिबार के मुँखिया ठगड़ा अगुवे जेष्णें असो, जुण्जा आप्णें खजाने संईजाल़ों शी नंई, अरह् पुराँणी चीजो निकाल़ो।”

लूका 24:19

प्रभू यीशू ऐ तिनखे बुलो, “कियो कुँण्जी बातो?” तिन्ऐं बुलो, “प्रभू यीशू नासरी के बारे दो; जुण्जे पंण्मिश्वर अरह् बादे लोगो के नंजरी दे काँम अरह् बचन दे शक्त्तिशाली ऋषी थिऐ।

प्रेरितो कै काम 18:19

जबे से इफिसुस नंगर दे पंह्ऊँचे, तअ संत्त-पौलुस ऐं प्रिस्किल्ला अरह् अकिवला तैथी छ़ोड़ी दित्ते; अरह् आपु यहूदी च़ौत्रें दे ज़ाऐयों यहूदियों की गईलो बात-च़ीत्त करदा लागा।

प्रेरितो कै काम 18:21

अरह् ऐजो बुलियों तिनू् कैई शा बिदा हुवा, के “जे पंण्मिश्वर ऐ चहाँव तअ हाँव तुँओं कैई हजो पाछू आँऊबा।” तबे से इफिसुस शो जहाज खुलियों चाली पड़ा;

प्रेरितो कै काम 18:28

किन्देंखे के से पबित्र-ग्रन्थों शा परमाँण देऐ देऐयों, के यीशू ही मसीया असो; बैजाऐ प्रभाव आरी, यहूदी लोग सोभी के सहाँम्णें बै-जबाब करी दियों थिया।

प्रेरितो कै काम 19:1

ऐशो हुओ के जबे अपुल्लोस कुरिन्थियों दा थिया, तअ संत्त-पौलुस ऊबे के बादे गाँव-इलाके शा इफिसुस दा आया। अरह् तेथै तिनू किऐ चैले भेंटे।

प्रेरितो कै काम 27:6

तेथै शा सुबेदार खे सिकन्दरिया को ऐक पाँणीं को जहाज भेंटो, जुण्जो इटली खे ज़ाणों वाल़ो थियों; अरह् तिन्ऐ आँमों तिन्दें बंईठाल़ी दित्ते।

प्रेरितो कै काम 6:9

तेख्णीं तेसी ही बख्त्ते लिबर्तीन खुम्ल़ी के चौत्रे के किऐ लोग, जुण्जे के आगे ही कुरेनीं अरह् सिकन्दरिया नंगरों अरह् किलिकिया अरह् आसिया ईलाके के किऐ लोग स्तिफनुस का बिरोध अरह् तेसी आरी बाद-बिबाद कर्दे लागे।

प्रेरितो कै काम 7:22

तबे ऋषी-मूसा खे मिस्रियों की बादी ज्ञाँन-बिद्या शी शिक्षा देऐ गंऐ, अरह् से शक्त्ति शाली अगुवा-अगवाँल़; अरह् ऐक आछ़ा करंम-बीर बंणी गुवा।

1 कुरिन्थियों 1:12

मेरे बुल्णों का मतल्व असो, के तुँओं मुझ्शे कुँऐं तअ आपु खे “पौलुस का खास-चैला बुलो” अरह् कुँऐं “अपुल्लोस का,” अरह् कुँऐं “कैफा का,” अरह् कुँऐं आपु खे “मसीया का खास-चैला बुलों।”

1 कुरिन्थियों 16:12

भाऐ अपुल्लोस शी मुँऐ बैजाऐ ढाल-अरज करी थऐ, के तुँओं कैई बिश्वाषी भाऐ आरी ज़ाँव; परह् तेने ऐसी बख्ते ज़ाँणों की किऐ भे हिछा ने करी थई, परह् जबे मुँका भेट्ला तअ से आऐ ज़ाँदा।

1 कुरिन्थियों 4:6

हे मेरे भाऐ बंईणों, मुँऐ ईनू बातो तुँवारी ताँईऐं अनाँणें दी बुली, के जुण्जों तुँऐं किऐ मुँह अरह् अपुल्लोस कैईं शो शिखी थुओ, के पबित्र-ग्रन्थों दो जुण्जो किऐ लिखी थो, तिन्दें शे उडे-पुडे ने टल़ै, अरह् ना ऐकी के पक्क्ष दे, अरह् ना ओकी के बिरोध कर्णो दा किऐ तारीफ करे।

2 कुरिन्थियों 10:10

किन्देंखे के कुछ लोग बुलो, “के पौलुस की चीट्ठी-पत्री गहीरी अरह् असरदार असो; परह् जबे से साम्णें हों, तअ से देह्-शरीर शा कंंमजोर अरह् बात-चींत्त कर्दे हल़्का जाँणियों।”

कुलुस्सियों 3:16

मसीया की शिक्क्षा ठीक-ढंग शा तुँओं दा बास करह्, तुँऐं बड़ी सम्झदारी शे ओका ओकी खे शिक्क्षा अरह् ज्ञाँन देईया करह्; अरह् आप्णें-आप्णें मंन दा कृपा आरी पंण्मिश्वर का धन्यबाद देंदे-देंदे, तिनके भजन; सतुति अरह् आत्त्मिक गीत गाया करह्;

तीतुस 3:13

जेनास-बकील, अरह् भाऐ-अपुल्लोस खे तिनकी बाटो-हाड्णों खे जे किऐ तिनू जरूरत हों, तअ तिनकी पुरी मद्त करे; जू तिनके कियों ही चींजो के कंम्मी ने हों।