प्रेरितो कै काम 18:21 - Sirmouri

²¹ अरह् ऐजो बुलियों तिनू् कैई शा बिदा हुवा, के “जे पंण्मिश्वर ऐ चहाँव तअ हाँव तुँओं कैई हजो पाछू आँऊबा।” तबे से इफिसुस शो जहाज खुलियों चाली पड़ा;

सिरमौरी नौवाँ नियम

²¹ पौरौ ऐजौ बौलेयौ तिनु कैईंदा आगु हौटा, “जै पौरमेशवरे चोऊ तौ हांव तोंवारै धोरे हौजौ आन्दा।” तोबै सै इफिसुस शहर शै जहाज खोल़ेयो चाल पौड़ा;

प्रेरितो कै काम 18:21 ပူးပေါင်းရင်းမြစ်များ

मत्ती 26:39

तबे से दाँणिक आगुड़े हुटियों उटमुँल़े खे पड़े, अरह् ऐजी प्रार्थना करी, “हे मेरे पिता जे हऐ सको तअ ऐजा बड़ा दु:ख मुँह गाशी आँणों शा टल़ी दियों, तबे भे जेष्णों हाँव चहाँऊ तेष्णों ने, परह् जेष्णों तुँऐं चहाँव तेष्णों ही हों।”

मरकुस 6:46

तिनू बिदा कर्णों पाछी, प्रभू यीशू आपु धारंह् गाशी प्रार्थना कर्दे हुटे।

लूका 9:61

तबै कोसी ओकिऐ बुलो, “हे प्रभू! हाँव तुँओं पाछी आँदा, परह् मुँह आगे ज़ाँणों दियो, जू हाँव आप्णे घईले कैई शी बिदाई लह्ऊँ।”

प्रेरितो कै काम 15:29

तुँऐं लोग मुर्त्तियों गाशी बल़ी चड़ाऐ अंदो माँस शे, अरह् लह्ऊँ के खाँन-पान शे, अरह् गल़ा घूटै अंदे बंईच़ियों के माँस शे, अरह् च़ूरी-जारी शा परेज करे; अरह् ईन्दें शे आपु बंचियों रंहणों शा तुवाँरा कल्याँण असो; ‘तुवाँरा भला हों’।”

प्रेरितो कै काम 18:19

जबे से इफिसुस नंगर दे पंह्ऊँचे, तअ संत्त-पौलुस ऐं प्रिस्किल्ला अरह् अकिवला तैथी छ़ोड़ी दित्ते; अरह् आपु यहूदी च़ौत्रें दे ज़ाऐयों यहूदियों की गईलो बात-च़ीत्त करदा लागा।

प्रेरितो कै काम 18:20

जबे तिन्ऐं संत्त-पौलुस ढह्लियाऐया, के “अमाँरी गईलो कुछ देसो तोड़ी हजो ईथी रंह्।” परह् तेने सेजी बात माँनी ने;

प्रेरितो कै काम 18:24

तेसी बख्त्ते अपुल्लोस नाँव का ऐक यहूदी, जेस्का जंन्म सिकन्दरिया दा हऐ रूआ थिया; से परभाव वाल़ा प्रचारक अरह् पबित्र-ग्रन्थों का ज्ञाँनी धिया।

प्रेरितो कै काम 19:1

ऐशो हुओ के जबे अपुल्लोस कुरिन्थियों दा थिया, तअ संत्त-पौलुस ऊबे के बादे गाँव-इलाके शा इफिसुस दा आया। अरह् तेथै तिनू किऐ चैले भेंटे।

प्रेरितो कै काम 19:17

तबे: इफिसुस दे रंहणों वाल़े, बादे यहूदी अरह् यूनानी कैई भी ईयों बातो का पता लागा, अरह् से बादे के बादे डरी गुऐ; अरह् तबे से प्रभू यीशू के नाँव का गुण-गाँन कर्दे लागे।

प्रेरितो कै काम 19:21

ईयों घट्णाँ हंणों पाछ़ी, संत्त-पौलुस ऐ आप्णे मंन दो सुचो, के हाँव मकीदुनिया अरह् अखाया बाटी यरूशलेम खे जाँऊ; तबे तेने ऐजा बिचार करा, अरह् “तेथै ज़ाऐयों मुँह रोम के भे देख-रेख कर्णी भे जरूरी असो।”

प्रेरितो कै काम 20:16

किन्देंखे के संत्त-पौलुस ऐ इफिसुस नंगर बाटी ज़ाणों का बिचार बंणाँया थिया, के कद्दी ऐशो ने हईयों के मुँखे आसिया ईलाके दे देर हंऐ ज़ाँव; किन्देंखे के से आपु भे पराऊँणी दा थिया, के जे हऐ सको, तअ आँमें बादे झुणें पिन्तेकुस्त के देसे यरूशलेम दे ही रंह्।

प्रेरितो कै काम 21:14

जबे संत्त-पौलुस अमाँरी बातो माँन्दा तैयार ने हंई, तअ आँमें ऐजो बुलियों चुप्पी हऐ गुऐ; के “प्रभू की हिछ़्या पुरी हों!”

प्रेरितो कै काम 21:29

खास करियों ईन्दें शा आगे ईन्ऐं इफिसुस का रंहणों वाल़ा, त्रुफिमुस तिनकी गईलो नंगर दा देखा थिया, अरह् ऐजो जाँणों थिऐ; के ऐसी पौलुस ऐ देऊँठी दा लियाऐ थुवा।

रोमियों 1:10

अरह् हमेशा आप्णी प्रार्थना अरह् अरज करदा रंहू, के कोसी भी ढंग शा ऐबे तुँओं कैई आँणों की मेरी हाँड पंणमिश्वर की हिछ़्या शी आखरी दी सफल हों।

रोमियों 15:32

अरह् हाँव पंणमिश्वर की हिछ़या शा तुँओं कैई मंजे शा आऐयों तुँवारी गईलो बिषाँव करू।

1 कुरिन्थियों 15:32

जे हाँव आदमी के हिसाब शा इफिसुस दा जानबरो आरी लड़ा तअ मेरे का फाय्दा हुआ? जे मुड़दे ऊबे ने जीयाल़े ज़ाव, “तअ आओ खाव-पीयों, किन्देखे के दोत्ती तअ मरी ही ज़ाँणों।”

1 कुरिन्थियों 16:7

किन्देंखे के ऐबे हाँव तुँओं कैई शो बाटो पुडो भेटिणों ने चहाँदा; परह् मेरे भूर्षा असो, के जे प्रभू चहाँव तअ कुछ बख्तों तोड़ी हाँव तुँवारी गईलो रंह्दा।

1 कुरिन्थियों 16:8

परह् हाँव पिन्तेकुस्त तियारो तोड़ी इफिसुस दा रंह्दा,

1 कुरिन्थियों 4:19

जे प्रभू ऐ चहाँव, तअ हाँव तुँओं कैई शीघा ही आँदा, अरह् तिनू शियाँगीअंदे की बातो ने, परह् तिन्की शक्त्ति जाँणी पाऊँबा।

2 कुरिन्थियों 13:11

तअ: हे भाऐ, बंईणों, आँन्दित्त-खुशी रंह्; साच्चै बण्दे ज़ाव; हिम्मत थुऐं; ऐक ही मंन थुऐ; मेल शे रूऐ। अरह् पियार अरह् शाँण्त्ति का दाता पंण्मिश्वर तुँवारी गईलो हला।

इफिसियों 1:1

इफिसुस नंगर के भगत्तों अरह् यीशू मसीया दे साच्चै बिश्वाषियों के नाँम संत्त-पौलुस के पत्री, जेसी पंण्मिश्वर की हिछ़्या शा प्रभू यीशू मसीया का खास-चैला बंणाँया गुवा:

इब्रानियों 6:3

अरह् जे पंण्मिश्वर चहाँव तअ आँमें ऐजो ही करूबे।

याकूब 4:15

तुवाँरो ऐजो बुल्णो ठीक ने आथी: ईन्देखे के “जे प्रभू के हिछ़या हों, तअ आँमें जीऊँदी रंह्ऐयों सेजा काँम-काज़ करी सको।”

1 पतरस 3:17

किन्देंखे के जे पंणमिश्वर के ऐजी ही हिछ़या हों, के तुँओं भलाई कर्णो के बद्ल़े दु:ख भूगो; तअ ऐजो बुराई कर्णों के कारण दु:ख भूग्णों शा आछो असो।

प्रकाशितवाक्य 1:11

“जू किऐ तुँऐं देखी लो, तैथू कताबे दो लिखियों ईनू सात्ती नंगरों की कलीसिया कैई डेयाल़ी दियों; मतल्व इफिसुस अरह् स्मुरना, अरह् पिरगमुन, अरह् थूआतीरा, अरह् सरदीस, अरह् फिलदिलफिया, अरह् लौदिकिया खे।”

प्रकाशितवाक्य 2:1

“इफिसुस नंगर की कलीसिया के दूत्त खे ऐजो लिख: “जुण्जा आप्णें सुऐ हाथों दे सात तारे लऐ अंदा असो; अरह् जुण्जा सात सुनें के दिय्ट के बीच दा चाली रूवा, ऐस्का बुल्णाँ ऐजा असो।