प्रेरितो कै काम 18:18 - Sirmouri

¹⁸ संत्त-पौलुस बैजाऐ देसो तोड़ी कुरिन्थियों दा रूआ। तबे बिश्वाषी भाऐ-बंईणों कैई शी बिदाऐं लंऐयों, प्रिस्किल्ला अरह् अकिवला की गईलो, पाँणीं के जहाजों दे सीरिया देश खे हुटे; तिन्ऐ कंसी बरंत्तो के कारण किंख्रिया टापू गाशी; आप्णों मूँढ लुणाँऐयों ख्रूमुँण्डी बंणाँऐ दिती, किन्देंखे के तिनकी सेजी मंन्त्त-हीछ़ा करी अंदी थी;

सिरमौरी नौवाँ नियम

¹⁸ औरौ पौलुस बौहितै दूसौ तौड़ी कुरिन्‍थुस शहर दा रौआ, तोबै बिशवाशी भाईयों मुंजीदा आगु जायौ सै किंख्रिया नोगर दा हौटा। तैसी नोगरो दै पौलुसे आपणै मुंडो कै खुल़मुंडी बाणै, जिथुकै तैणै ऐक हिच कौरे राए थी, औरौ बाद मै समुन्द्रो कै बाटो बाटी सीरिया प्रदेश खै हौटै गौआ औरौ तैसकै साथी प्रिस्किल्‍ला औरौ अक्विला थिए।

प्रेरितो कै काम 18:18 ပူးပေါင်းရင်းမြစ်များ

मत्ती 4:24

बादे सीरिया देश दा तिनका ज़ष फऐली गुवा; अरह् लोगे बादे बीमार जू नाँनी-बड़ी बीमारी की दु:ख दे जक्ड़े अंदे थिऐ, अरह् जिन्दी दुष्ट-आत्त्मा थी, अरह् मिर्गी वाल़े अरह् अदरंगो के दु:खिया तिन कैई आँणें अरह् प्रभू यीशू ऐ तिनू चाँगे करे।

मरकुस 6:46

तिनू बिदा कर्णों पाछी, प्रभू यीशू आपु धारंह् गाशी प्रार्थना कर्दे हुटे।

प्रेरितो कै काम 1:15

ऐक देस, जबे के ऐक षौ, बींष बिश्वाषी भाऐ-बंईणों के लग-भग लोग कंट्ठै थिऐ; तअ संत्त-पतरस तिनू सोभी के बीच दे खह्ड़े हंऐयों बुल्दे लागे।

प्रेरितो कै काम 15:23

अरह् तिनके हाथै ऐजी पत्री डेयाल़ी जिन्दो लिखी थो थियों: के “खास-चैले अरह् यहूदियों के ठह्गड़ै लोग; तुओं सोभी भाऐ-बंईणों खे, अनताकिया, सीरिया, अरह् किलिकिया, के गऐर-यहूदी, भाऐ-बंईणों खे नमंष्कार करह्।

प्रेरितो कै काम 15:41

अरह् से सीरिया, किलिकियाँ, की कलीसियों दा घुमियों; अरह् ऊकी बादी कलीसिया बिश्वाष दी पाक्की करदा रूवा।

प्रेरितो कै काम 18:2

तेथै तेसी अक्विला नाँव का ऐक यहूदी भेटा, जेस्की जंन्म-भोम्मीं पुन्तुस नंगर दी थी। से भे आप्णी तिरंई प्रिसकिल्ला की गईलो अचकालिऐं इटली देश शा आया अंदा थिया, किन्देखे के महाँ राजा क्लौदियुस ऐ ऐजी अज्ञाँ देऐ थंऐ थी, के बादे के बादे यहूदी लोग रोम शे नींक्ल़ी ज़ाव, तबे संत्त-पौलुस तिन कैई शा भेंट करदा तेथै आया।

प्रेरितो कै काम 18:26

से यहूदी चौत्रें दा नींडर हऐयों बुल्दा लागा, परह् प्रिसकिल्ला अरह् अकिवला ऐ तेस्की बातो शुँणियों तेसी आप्णें कागी नीयाँ, अरह् पंण्मिश्वर की बाट तेस कैई शी हजो भे ठीक-ठीक संहम्झाऐ अरह् बुली।

प्रेरितो कै काम 18:27

जबे तेने अपुल्लोस ऐ संमुँन्द्रों गाशी यूनान देश खे जाँणों चहाँव, तअ बिश्वाषी भाऐ-बंईणों ऐ तेस्खे दीड़-हिमम्त्त दित्ती; अरह् चैले के नाँव दी पत्री देंऐयों, तिन शी बीनन्ती करी; के से ऐस्का सु-स्वागत्त् करह्; तबे तेने अपुल्लोस ऐ यूनान पंह्ऊँचियों, लोगों के बैजाऐ सहाँऐता करी; जुण्जे लोग प्रभू की कृपा के कारण बिश्वाषी बंणी रूऐ थिऐ।

प्रेरितो कै काम 21:23

ईन्देंखे तुऐ अमाँरा कंऐणाँ माँनों; के अमाँरे ईथै चार आदमी असो, जिन्ऐं हीछ़ा-मंन्त्त माँनी थंऐ।

प्रेरितो कै काम 21:24

तिनू ईथै शे आप्णी गंईलो आगु नीयों, अरह् ईनकी गईलो आप्णें आप खे शुद्ध करह्; अरह् ईनके मुँडंन की किमम्त्त दियों, ऐशो दाँई सब लोग जाँणी पाँदे, के ईन्ऐं जुण्जो तुवाँरे बारे दो शुँणी थुओं; सेजो झूठों असो; अरह् तुऐं आपु भे ऋषी-मूसा खे भेटे गुऐ अज्ञाँ निय्म का पाल़्ण करह्, अरह् तिन्दे के मुँताबिक चालो ऐं।

प्रेरितो कै काम 21:3

जबे अमाँरे साईप्रस टापू देखाई दिता, तअ आँमें तेसी टापू डेरे ढबे छुड़ा, अरह् आँमें सीरिया खे ज़ाऐयों सूर नंगर दे ऊदे ऊत्रें; किन्देंखे के तेथै जहाजो को संमाँन ऊदो ऊतार्णो थियो।

रोमियों 16:1

हाँव तुँओं शी आप्णी बऐणी फीबे खे, जू अमाँरी बईण अरह् किंख्रिया की कलीसिया की सेविका असो, तियों खे हाँव तुँओं शी डालो करू

1 कुरिन्थियों 9:20

हाँव यहूदी लोगो खे यहूदी जिया बंणा, जू हाँव यहूदी लोग जीत्तियों आँणू। अरह् जुण्जे लोग यहूदी-निय्मों के बष दे असो, तिनकी ताईऐं हाँव यहूदी-निय्मो के बष दा रूऐ बिना भे यहूदी-निय्मो दा रूवा, के तिनू खींचियों लियाँऊ।

गलातियौं 1:21

ईन्दें पाछी हाँव सीरिया अरह् किलिकिया के इलाके दा आया।