प्रेरितो कै काम 17:4 - Sirmouri

⁴ तिन आरी भगत्त यूनानियों मुँझ्शे भहित्ते लोगे ऐ, अरह् बैजाऐ भहित्ती बिच़्की तिरंई ऐ भे बिश्वाष करा, अरह् से भे संत्त-पौलुस अरह् सीलास की गईलो मिली गई।

सिरमौरी नौवाँ नियम

⁴ तिनुमुंजी दै कैतरै यहूदी लोगै, औरौ पौरमेशवर का डौर मानणोवाल़ै बैगानै यहूदी लोगौ मुंजीदै बौहितै औरौ बौहुती सारी खास-खास बैटमाणिशै बिशवाश कौर पाए, औरौ पौलुस औरौ सीलास कै साथी मिलै गोई।

प्रेरितो कै काम 17:4 ပူးပေါင်းရင်းမြစ်များ

यूहन्ना 7:35

ईन्दें गाशी यहूदी अगुवाल़ लोगे ऐ आपु मुँझी बुलो, “ऐ केथै ज़ाँदा, जू ऐ आँमों खोज करियों भे भेटो ने? कियो ऐ यूनानियों मुँझी ज़ाऐयों तेथै बसे अंदे यहूदियों कैई ज़ाँदा; अरह् तिनू यूनानियों खे भे शिक्षा देंदा?

प्रेरितो कै काम 13:43

जबे सेजी खुम्ल़ी ओष्ड़ी गऐ, तअ बैजाऐ गऐर यूहदी लोग जुण्जे के यहूदी मंत्त दे नुँऐ आऐ रूऐ थिऐ; से संत्त-पौलुस, अरह् बरनबास पाछ़ी हुटे; तबे तिन्ऐ तिनू लोगो आरी बात करी, अरह् तिन शी ऐजी अरज करी; के तुऐं पंण्मिश्वर की कृपा दे बँणें अँदे रूऐ।

प्रेरितो कै काम 13:50

परह् यहूदिया नंगर की भली, भगत्तिणीं तिरंई, अरह् बह्ड़े पद् वाल़े आदमी भड़काऐ-दुरंताऐ दित्ते; अरह् संत्त-पौलुस अरह् बरनबास के बिरूध हारंकुँण्जीं कराऐयों तिनू आप्णी ढबै करियों, खास-चैले आप्णी सिमाँ-हंद् शे बाँईडे गाड़ी दित्ते।

प्रेरितो कै काम 14:1

इकुनियुम नंगर दी ऐशी घट्णाँ घटी: के संत्त-पौलुस अरह् संत्त-बरनबास ऐ यहूदियों के चौत्रे दे हुटे, अरह् ऐशा बखाँण करा; के यहूदी, अरह् यूनानी, दुईन्नें बैजाऐ भहित्ते लोग बिश्वाषी बंणें।

प्रेरितो कै काम 14:4

अरह् तेथै नंगर-नंगर दे लोगो मुँझी फूट पढ़ियों; दो गुट बंणें कुछ लोग यहूदी के ढबे अरह् कुछ लोग प्रभू यीशू के खास-चैले के ढबे हऐ गुऐ।

प्रेरितो कै काम 15:22

तबे बादी कलीसिया की राजी बंन्दी शी खास-चैले अरह् यहूदी ठह्गड़ै ऐं पाक्को कोरो, के तिनू लोगो मुँझ्शे किऐ लोग च़ूणी-छ़ाँटियों संत्त-पौलुस अरह् संत्त-बरनबास आरी बड़े नंगर अन्ताकिया खे डेयाल़े ज़ाँव; तबे तिन्ऐं दो आदमी च़ूणें-छ़ाँटे; जुण्जे भाई-बंईणों मुँझी मुँख्या जाणें-माँणें लोग थिऐ, मतल्व यहूदा, जेस्खे बरसब्बास बुली थिया; अरह् सीलास दुईन्ने डेयाल़े;

प्रेरितो कै काम 15:27

ईन्देंखे आँमें यहूदा अरह् सीलास डेयाल़ी थुऐ, जुण्जे आप्णें मुँहों शी भे ऐजी बातो तुओं कैई बुल़्लै।

प्रेरितो कै काम 15:32

यहूदा अरह् सीलास आपु भे ऋषी थिऐ; अरह् तिन्ऐं भे भाऐ-बंईणों खे हिमम्त्त देऐयों बिश्वाष दे पाक्कै करे।

प्रेरितो कै काम 15:40

परह् संत्त-पौलुस ऐ सीलास छाँटा, अरह् भाई-बंईणों शा पंण्मिश्वर के कृपा दा देऐयों, संत्त-पौलुस तेथै शा चाल पड़ा;

प्रेरितो कै काम 16:3

संत्त-पौलुस तिमुथियुस आप्णी गईलो यात्रा दा नींणा चहाँव थिया; अरह् तेने तेसी साथी नीयाँ, परह् तेथै रंहणों वाल़े यहूदी लोगो के जाँणें तेस्का खतना कराया गुवा। किन्देंखे के से बादे जाँणों थिऐ के ऐस का बाबा यूनानी थिया।

प्रेरितो कै काम 17:10

बिश्वाषी भाई-बंईणों ऐ तेख्णी रात्ते-रात्त संत्त-पौलुस अरह् सीलास बिरीया नंगर खे डेयाल़ी दित्ते; अरह् तेथै पंह्ऊँचियों से यहूदियों के च़ौत्रें दे हुटे।

प्रेरितो कै काम 17:12

अरह् तिन्दें का नंतिजा ऐजा नीकल़ा के बैजाऐ यहूदी लोग अरह् यूनानी मरोद्-तिरंई भे प्रभू यीशू गाशी बिश्वाष कर्दे लागे।

प्रेरितो कै काम 17:14

ईन्देंखे बिश्वाषी भाऐ-बंईणिऐं तेख्णी संत्त-पौलुस तेथै शा बिदा करा, के संमुन्द्रो के टिराँव्टी गाशी ज़ाँव; अरह् तबे सीलास अरह् तीमुथियुस तैथी बिरीया नंगर दे ही रूऐ।

प्रेरितो कै काम 17:17

ईन्देंखे संत्त-पौलुस रोज यहूदियों के चौत्रें दा यहूदी अरह् गऐर यहूदी भगत्तो कैई अरह् चोराई बाटो दा, जेथै बाटी लोग आँव-ज़ाँव थिऐ; तिनू बटाऊँ आरी भे से बात्त-च़ींत्त करह् थिया।

प्रेरितो कै काम 17:34

तबे: भे किऐ आदमी संत्त-पौलुस की गईलो मिले, अरह् बिश्वाष करा; जिन मुँझी दियुनुसियुस जू अरियुपगुस जू बिम्बर थिया, अरह् दमरिस नाँव की ऐक तिरंऐ थी, अरह् तिनकी गईलो ओके भे बैजाऐ लोग थिऐ।

प्रेरितो कै काम 18:4

संत्त-पौलुस हर ऐक बिषाँव के देसे यहूदी च़ौत्रें दा बाद-बिबाद करह् थिया; अरह् यहूदियों अरह् यूनानियों के बादे लोग बिषाँव के देसे शंक दूर कर्णो खे सहम्झाँव थिया।

प्रेरितो कै काम 19:10

दू: साल्ह तोड़ी ऐजो ही हंदो रंहो, ऐत्ते ज़ुगौ के आसिया दे रंहणों वाल़े, यहूदी लोग, यूनानी लोग, सभिऐ प्रभू का बचन शुँणी पाया।

प्रेरितो कै काम 2:44

अरह् सेजे बादे बिश्वाषी लोग कठै रंह् थिऐ, अरह् तिनकी बादी चींजो साझीं हों थी।

प्रेरितो कै काम 21:28

“हे प्यारे भाईयों! अमाँरी मद्त करह्; ऐ सेजा ही आदमी असो! जुण्जा ढींकों सोभी लोगों खे ऐशी शिक्क्षा का प्रचार करह्, जुण्जा अमाँरी जात्ती, अरह् अमाँरे रिती-रूवाज, अरह् ईयों देऊँठी के बिरूध असो; ऐने ईनू यूनानियों लोग पबित्र जागें दे नींह्ऐयों अ-पबित्र करी पाऐ।”

प्रेरितो कै काम 28:24

तबे तिनू लोगो मुँझ्शे कंई लोगे ऐ संत्त-पौलुस की बातो माँनी पाई, अरह् तबे सेजे लोग बिश्वाषी बंणीं गुऐ।

प्रेरितो कै काम 4:23

तेथै शे छुट्णों पाछ़ी, जबे खास-चैले संत्त-पतरस अरह् संत्त-यूहन्ना आप्णें लोगो कैई पाछु आऐ; तअ तिन्ऐं आप्णें बादे साथी आरी सेजी बादी बातो आगु बुली, के आँमों खे महाँ-याजकों अरह् बुड़े-बुजूर्गो ऐं का बुलो थुओ; सेजो बादो तिन कैई आगु शुँणाँव।

2 कुरिन्थियों 8:5

अरह् जैष्णाँ आँमें भुर्षा करा थिया, तैष्णा ही ने, परह् तिन्ऐं प्रभू खे हजो पंण्मिश्वर की हिछ़्या शे आँमों खे आपु आप्णें आप संमर्पित्त करी दित्ते।