प्रेरितो कै काम 17:32 - Sirmouri

³² मरियों ऊबे जीऊदें हणों वाल़ी बातो शुँणियों, बादे आदमी ठाठे पाड़दे लागे; अरह् कंई ऐं बुलो, “ऐजी बातो आँमें ताँव कैई शी हजो जादा शुँण्णीं चहाँव।”

सिरमौरी नौवाँ नियम

³² मौरेयौंदे मुंजीदा जियुंदी हौणौ की बात शोणेयो किछै लोग तौ ठाटा कौरदै लागै औरौ कैतरै लोगै बौल़ौ, “ऐजै बात आमै तांव कैईंदै हौजौ कोलो शुणदै।”

प्रेरितो कै काम 17:32 ပူးပေါင်းရင်းမြစ်များ

लूका 14:18

परह् सेजे लोग बादे के बादे भाँना लाँदे लागे; आगले ऐं तेसी दास खे बुलो, मुँऐं खैच़ खर्दी थो, अरह् मेरे तिन्दें दे:ख्दो ज़ाँणों; मेरी तरफ शी माँफी माँगे।

लूका 22:63

प्रभू यीशू गाशी पऐरा देंणों वाल़े, सपाईऐ तिन के ठाठै पाड़ियों तिनू माँर्दे पीट्दे लागे।

लूका 23:11

तबे राजा हेरोदेस ऐ आप्णें सपाई आरी प्रभू यीशू के बैस्त्ती करी, अरह् तिनके ठाटे पाड़े; अरह् तिन कैई शा भड़किला राज का चौग्गा बंम्बाया; अरह् पाछू हाकम-पिलातुस कैई डेयाल़ी दिते।

लूका 23:36

सपाई ऐ भे ठाठै पाड़दे, प्रभू यीशू के नंजीक आऐयों खाट्टों सिरका देऐयों बुलो थिऐ;

प्रेरितो कै काम 13:41

ओ, नींदया कर्णो वाल़े! देखो, अरह् हरान हो; अरह् दूर्के हुटो! किन्देंखे के हाँव ईनू देसो दे सेजे काँम-काज़ पुरे कर्णो वाल़ा असो; जिन्दें के बारे दो जे कुँऐ तुओं कैई बुल्दा, तअ तुऐं तिन्दें गाशी कंद्दी भे बिश्वाष ने कर्दे।”

प्रेरितो कै काम 17:18

तबे इपिकूरी अरह् स्तोईकी दर्शण देख्णों वाल़े लोग, भे तेस्की गईलो सवाल जबाब कर्दे लागे; अरह् कंई लोगे ऐ बुलो, “ऐजा बकबादी का बुल्णों चहाँव?” परह् ओकी ऐ बुलो, के “ऐ कोसी ओकी देव्त्ते का प्रचार कर्णो वाल़ा हंणाँ” किन्देंखे के संत्त-पौलुस प्रभू यीशू का अरह् दुज़ाल़िऐं ऊबे जीऊँणों की खुषख्बरी शुँणाँव थिया।

प्रेरितो कै काम 17:31

किन्देंखे के तिन्ऐ सेजो ऐक देस पाक्को करी थुओं, के जबे बादे आदमी संईसारी का नियाव के रूप दा बिचार करह्; किन्देंखे के पंण्मिश्वर ऐं तेसी आदमी हजों पाछ़ू ऊबा जीऊँदा करियों ईन्दे का परमाँण भे देऐ थुवा।”

प्रेरितो कै काम 17:33

तबे संत्त-पौलुस तिनके बीचो शे निक्ल़ियों आगु हुटे।

प्रेरितो कै काम 2:13

परह् कंऐयों लोग ठाटै पाड़्दे लागे, के “ऐजे लोग भहिती सूरो पीऐयों बैगे माँच़ि रूऐ।”

प्रेरितो कै काम 24:25

जबे संत्त-पौलुस धार्मिक्त्ता, आत्त्मसंय्म, अरह् आखरी नियाँव के बारे दो बुल्दे लागे; तअ हाकम-फेलिक्स दा डर समाँया अरह् तेने तेस्खे बुलो; “तू ऐसी बख्त्ते ईथै शा आगू ज़ा;” परह् बख्त्त भेट्णों गाशी, हाँव ताँव हजों बंऐदी सकूँ।

प्रेरितो कै काम 25:19

तिनके किऐ आप्णें धर्म के बारे दा किऐ मंत्त-भेंद् थिया, अरह् यीशू नाँव के कोसी आदमी के बारे दो जुण्जा मंरी गुवा थिया; परह् सेजा पौलुस बुलो, के से जीऊँदा हंऐ रूवा।

प्रेरितो कै काम 26:8

तुँओं लोगो के ईयों बातो शा बिश्वाष कैई ने हंदा; के पंण्मिश्वर मँरे अँदे भे पाछ़ू ऊबे जीऊँदें करी सको?

1 कुरिन्थियों 1:23

परह् आँमें तअ तेसी शुँल़ी-फ़ाँशी कुरबाँण हुऐ मसीया का प्रचार करह्, जू यहूदियों लोगो खे ढैस-ठूकर का कारण अरह् ओकी गऐर यहूदी लोगो खे मुरूख्ता असो;

1 कुरिन्थियों 15:12

ईन्देखे जबे मसीया का ऐजा प्रचार करा ज़ाँव, के मसीया मरे अंदे मुझ्शे ऊबे जीऐ, तअ तुँओं मुझ्शे कुऐं लोग कैई बुलो, के मरे अंदे मुझ्शे कुँऐं जीऊँदे ने हंदी?

1 कुरिन्थियों 4:10

आँमें मसीया खे ज़ोगर मुरूख असो, अरह् तुँऐं मसीया दे ऐक हऐयों बुद्धी-मान असो! आँमें कंमजोर असो, अरह् तुँऐं बलवान असो! तुँओं आदर-ईज्जत भेंटो, अरह् अमाँरी बैस्त्ति हों।

2 कुरिन्थियों 6:2

किन्देंखे के से बुलो, “आप्णी खुशी के बख्ते मुँऐं तेरी शुणी थई, अरह् छुट्कारे के देसे मुँऐं तेरी सहाऐता-मंद्दत करी” दे:खो, हेभी ऐजा खुशी का बख्त असो; दे:खो, हेभी छुट्कारे को देस असो।

इब्रानियों 11:36

कुछ़ लोग ऐशे भे थिऐ, जिनकी परख-अजमाँऐष हंऐ; तिनू ठाठे खे करे, अरह् तिनू कोड़े खाणें पढे़, अरह् तिनू बैड़ियों लंई बाँनियों कंय्दखाँनें दे पाऐ दिते।

इब्रानियों 13:13

ईन्देंखे आँमें भे तिनकी बैस्ती का भार झेल्बै अरह् थागुबै, जाँगी शे बाईडे दाँई तिन कैई चालो,