प्रेरितो कै काम 17:23 - Sirmouri

²³ किन्देंखे जबे मुँऐं रीट्दे-फिर्दे, तुँवारी पुज्णों की चींजो देखी लई थी, तअ ऐक ऐशी बैदी देखी, जिदो लिखी थो थियो, ‘अण्जाँण देव्त्ता की बैदी!’ ईन्देंखे तेसी देव्त्ता तुँऐं बिना जाँणें पूजों, अरह् हाँव तुँओं कैई तेसी ही देव्त्ते की खुषख्बरी शुँणाँदा आऐ रूवा।

सिरमौरी नौवाँ नियम

²³ जिथुकै मोऐं घोमै-फिरीयो तुंआरी पूज़णो की चीज़ौ दैख लोई थी, तौ ऐक ऐशणी वेदी बै भैटी, जिथपांदी लैख राए थियु, ‘अणजाणै ईशवर कारिए।’ इथकारिए जिनु तुऐं बिना जाणै पूजौ, हांव तुऔं तैसका समाचार शुणौऊं।

प्रेरितो कै काम 17:23 ပူးပေါင်းရင်းမြစ်များ

मत्ती 15:9

बेकार असो! ईनके जाँणें करी गऐ, मेरी अरार्धना ऐ, आदमी के जाँणें बंणाई अंदी, शिक्क्षा पंणमिश्वर की जेऐ अज्ञाँ दियों।’”

यूहन्ना 17:25

“हे धरंमाँत्त्मा, नियाँव कर्णो वाल़ा बाबा! ईऐ संईसारी ऐ तअ तुओं जाँणीं ने, परह् हाँव तुओं जाँणू ऐ; अरह् तिन्ऐ ऐजो जाँणीं पाव, के तुऐं ही मुँह डेयाल़ी थुवा।

यूहन्ना 17:3

अमर-जीवन ऐजा ही असो, के तुँऐं सिर्फ ऐक साच्चै पंण्मिश्वर असो; जिन्ऐं आप्णाँ बैटा यीशू मसीया जेसी तुऐं डेयाल़ी थुवा, तिनू सेजी बादी जात्ती, अरह् बादे प्राँणीं जाँणों अरह् पंह्छ़ियाँणों।

यूहन्ना 4:22

किन्देंखे के तुँऐं जेस्की आरार्धना करह्, तेसी तुऐं जाँण्दे ही ने, अरह् आँमें जेस्की आरार्धना करह्, तेसी आँमें जाँणों ऐं; किन्देंखे के छुट्कारा तअ यहूदिया ही मुँझ्शा असो।

यूहन्ना 8:54

प्रभू यीशू ऐ तिनखे जबाब दिता, के “जे हाँव आप्णी बड़ियाऐं आपु करू; तअ मेरी बड़ियाऐ बै-कार असो, जिन्ऐं मुँखे बड़ियाऐ देऐ थंऐ; से मेरा बाबा असो, जिनखे तुँऐं भे आप्णाँ पंण्मिश्वर माँनों।

प्रेरितो कै काम 17:30

“पंण्मिश्वर ऐ अज्ञाँनी का जबाना, अण-देखा करी थुवा; अरह् ऐबे तिनकी अज्ञाँ ऐजी असो; के हर ऐक आदमी पस्ताँवा करह्।

रोमियों 1:28

जबे तिन्ऐ पंणमिश्वर पछयाँण्णा ने चहाँई, तअ पंणमिश्वर भे तिनू तिन्के निंकाँमें-बुरे मंन गाशी छुड़ी दिते, के से सेजे काँम-काज़ करह्, जुण्जी कर्णी ने पड़ो थी।

1 कुरिन्थियों 1:21

किन्देंखे के जबे पंणमिश्वर के ज्ञाँन के मुँताबिक संईसारी के लोगे ज्ञाँन शा पंणमिश्वर ने जाँणी, तअ पंणमिश्वर के ऐजो आछो लागो, के ऐसी प्रचार के जाँणें जेसी लोग मुरूख्ता जाँणो, ईन्दें के जाँणें बिश्वाष कर्णो वाल़े लोगो खे मुँक्त्ति दियों।

1 कुरिन्थियों 8:5

तबे भे अस्माँनों अरह् धर्ती गाशी बैजाऐ ईश्वर माने ज़ाँव, जैष्णे के बैजाऐ ईश्वर अरह् बैजाऐ प्रभू असो

इफिसियों 2:12

ऐजो चीत्तें थुऐं! के तेसी बख्ते तुँऐं ईयों संईसारी दे मसीया शे ज़ोई थिऐ, अरह् इस्राएल की परजा मंडल़ी शे भे ज़ोई थिऐ; अरह् तुँऐं पंण्मिश्वर के जाँणें कंरे अंदे बाय्दे कंरार शे अंणजाँण थिऐ; जिन कैई ईयों संईसारी दे किऐ भे आशा-भरोषा ने थी, अरह् बिना पंण्मिश्वर के थिऐ।

2 थिस्सलुनीकियों 2:4

से आपु खे बादी चींजो शा बड़ा बंणदा, अरह् बिरूध करला, तिनका जू पंण्मिश्वर के आदर्णिऐं असो, अरह् से पंण्मिश्वर की देऊँठी दा बऐठियों आपु-आप्खे पंण्मिश्वर बुल्दा।

1 तीमुथियुस 1:17

ऐबे सदा का राजा मतल्व अ-बिनाषी, अनाँथों: खे, सिर्फ ऐक पंण्मिश्वर का आदर अरह् बड़ियाऐ ज़ूगौ-ज़ूगौ तोड़ी हंदी रंह्। आमीन।

1 यूहन्ना 5:20

आँमें ऐजी सच्चाऐ जाँणों ऐ, के पंण्मिश्वर का बैटा आऐ, अरह् आँमों खे ऐजी संम्झ दिती जू सच्चाऐ असो, आँमें तियों जाँणों, अरह् तिन्दें अट्ल़ पाक्के मंन दे बंणें रंह्, जू सच्चाऐ असो, मतल्व तिनके बैटा मसीया प्रभू यीशू शे ही सोतिखे पंण्मिश्वर अरह् सदा-सदा का अमर-जीवन असो।