प्रेरितो कै काम 17:2 - Sirmouri

² तबे: संत्त-पौलुस आप्णें ढंग शे तेथै तिनू यहूदी लोगो कैई शा भेंटिदा हुटा, अरह् च़ीन बिषाँव के देसे लगातार तिनके च़ौत्रें दे ज़ाऐयों तिनू आरी बाद-बिबाद करदा लागा; अरह् पबित्र-ग्रन्थों के बचनों का बंखाँण करदा लागा।

सिरमौरी नौवाँ नियम

² पौलुस आपणै भोवारो कै हिसाब शै तिनकै धोरे हौटा, औरौ ती विशांव कै दूसै पवित्र शास्त्रो पौरैशै तिनुआरी बैहस कौरे।

प्रेरितो कै काम 17:2 ပူးပေါင်းရင်းမြစ်များ

मत्ती 26:24

आदमी का बैटा तअ जेष्णों तेस्के बारे दो पबित्र-ग्रन्थों दो लिखी थो, तेस्खे तेष्णों ही होंदो; परह् तेसी आदमी खे श्राँप-फीटकारा असो! जेस्के कारण आदमी का बैटा थंम्बड़ाया ज़ाला: जे सेजा आदमी पय्दा ही ने हंदा तअ तेस्खे सेजो आछो होंदो थियों।”

लूका 4:16

तबे प्रभू यीशू नासरत नगर दे आऐ, जेथै तिन का पाल़्ण-पोष्ण हऐ रूवा थिया; तेथै से बिषाँव के देसे यहूदी-च़ोंत्रै दे पबित्र-ग्रन्थों पढ़दे खल़िऐ।

यूहन्ना 18:20

प्रभू यीशू ऐ तेस्खे जबाब दिता, “मुँऐ संईसारी के सहाँम्णें खुल्म-खुल्ली बातो करी थंई; मुँऐ हमेशा यहूदी च़ौत्रें अरह् देऊँठी दे शिक्षा दिती, जेथै बादे यहूदी निय्म के शिखाँणों वाल़े लोग हों थिऐ; अरह् मुँऐ चूप्पी कंद्दी भे किऐ ने बुली।

प्रेरितो कै काम 13:14

संत्त-पौलुल अरह् बरनबास पेरगे शे आगु चालियों पिसिदिया ईलाके के अन्ताकिया नंगर दे आऐ; अरह् से बिषाँव के देसे यहूदी चौत्रें दे ज़ाऐयों बंऐठी गुऐ।

प्रेरितो कै काम 13:5

अरह् सलमीस दे पऊँचियों, तिन्ऐ यहूदी च़ौत्रे दा पंण्मिश्वर के बचन का प्रचार कर्दे रूऐ; अरह् यूहन्ना तिनका सेंवक थिया।

प्रेरितो कै काम 14:1

इकुनियुम नंगर दी ऐशी घट्णाँ घटी: के संत्त-पौलुस अरह् संत्त-बरनबास ऐ यहूदियों के चौत्रे दे हुटे, अरह् ऐशा बखाँण करा; के यहूदी, अरह् यूनानी, दुईन्नें बैजाऐ भहित्ते लोग बिश्वाषी बंणें।

प्रेरितो कै काम 17:10

बिश्वाषी भाई-बंईणों ऐ तेख्णी रात्ते-रात्त संत्त-पौलुस अरह् सीलास बिरीया नंगर खे डेयाल़ी दित्ते; अरह् तेथै पंह्ऊँचियों से यहूदियों के च़ौत्रें दे हुटे।

प्रेरितो कै काम 17:17

ईन्देंखे संत्त-पौलुस रोज यहूदियों के चौत्रें दा यहूदी अरह् गऐर यहूदी भगत्तो कैई अरह् चोराई बाटो दा, जेथै बाटी लोग आँव-ज़ाँव थिऐ; तिनू बटाऊँ आरी भे से बात्त-च़ींत्त करह् थिया।

प्रेरितो कै काम 18:4

संत्त-पौलुस हर ऐक बिषाँव के देसे यहूदी च़ौत्रें दा बाद-बिबाद करह् थिया; अरह् यहूदियों अरह् यूनानियों के बादे लोग बिषाँव के देसे शंक दूर कर्णो खे सहम्झाँव थिया।

प्रेरितो कै काम 19:8

संत्त-पौलुस यहूदी चौत्रें दे ज़ाऐयों च़ींन भीने तोड़ी निडर हऐयों बुल्दा रूआ। अरह् पंण्मिश्वर के राजो के बारे दी बात्त-च़ींत्त करदा अरह् संहम्झाँदा रूवा।

प्रेरितो कै काम 24:25

जबे संत्त-पौलुस धार्मिक्त्ता, आत्त्मसंय्म, अरह् आखरी नियाँव के बारे दो बुल्दे लागे; तअ हाकम-फेलिक्स दा डर समाँया अरह् तेने तेस्खे बुलो; “तू ऐसी बख्त्ते ईथै शा आगू ज़ा;” परह् बख्त्त भेट्णों गाशी, हाँव ताँव हजों बंऐदी सकूँ।

प्रेरितो कै काम 28:23

तबे: यहूदियों ऐ संत्त-पौलुस की गईलो ऐक देस बंईठणों खे पाक्को करो, अरह् बैजाऐ लोग कंट्ठै हुऐ; अरह् तबे संत्त-पौलुस झ़ीषों शा पुंडा फ़ीरे तोड़ी तिनू आरी बात-चींत्त करदा रूवा; अरह् पंण्मिश्वर के राज्य के बारे दी आप्णीं गुवाऐ-शाज़्त्त देंदे रूवा; अरह् ऋषी मूसा खे भेटे गुऐ अज्ञाँ निय्म, अरह् ऋषियों के पबित्र-ग्रन्थों के मुँताबिक तिन कैई प्रभू यीशू के बारे दे संहम्झाँणों की कोशिष करदा रूवा।

प्रेरितो कै काम 8:35

तबे: फिलिप्पुस ऐ बुल्णों शुरू करो, अरह् पबित्र-ग्रन्थों के ऐसी पाठ की आड़ दो; प्रभू यीशू के खुषख्बरी का प्रचार करा।

प्रेरितो कै काम 9:20

तबे: शाऊँल तेख्णी यहूदी चौत्रे दा यीशू का प्रचार करदा लागा, के से ही पंण्मिश्वर का बैटा असो।

1 कुरिन्थियों 15:3

ईन्देंखे मुँऐं आगे तुँओं कैई शी सेजी ही बात शुणाँऐ, जुण्जी आगे मुँह कैई शी शुणाँऐ गई; के पबित्र-ग्रन्थों के बचन के मुँताबिक मसीया अमाँरे पापो की ताँईऐं मारे गुऐ;