प्रेरितो कै काम 17:13 - Sirmouri

¹³ जबे थिस्सलुनीकियों के यहूदियों कैई ऐजा पता लागा; के संत्त-पौलुस ऐ बिरीया नंगर दा पंण्मिश्वर के बचन का प्रचार करी लुवा; तअ तबे से भे तेथै आऐयों लोग भड़्काँदें-दोरताँदे लागे।

सिरमौरी नौवाँ नियम

¹³ पौरौ जोबै थिस्सलुनीके शहर कै यहूदी लोग जाणै गौवै कै पौलुस बिरीया नोगरो दा बै पौरमेशवर का वचन शुणांवए, तौ सैजै तिथै आयौ बै लोगौ खै भड़काणे औरौ हलचल मौचांदै लागै।

प्रेरितो कै काम 17:13 ပူးပေါင်းရင်းမြစ်များ

मत्ती 23:13

“फींट्कारा असो! तुओं पाखंडी यहूदी भाट-बाँम्ण, अरह् यहूदी-निय्म के शिखाणों वाल़े गाशी! तुँओं खे भहित्ती सजा भेट्दी! तुँऐं आदमी खे स्वर्गो के राज्य को दुवार डाकी दियों, ना तअ आपु तिन्दे ज़ाऐ बल़्दे; अरह् ना तिन्दे कोसी ओकी ज़ाणों देंदे।”

लूका 12:51

कियों तुँऐं लोग ऐशो जाँणों, के हाँव धर्ती गाशी मेल-झोल कराँदा आऐ रूवा? हाँव ऐशो बुलू, ना, परह् हाँव तुओं मुँझ़ी जाँज कराँदा आऐ रूवा।

प्रेरितो कै काम 14:2

परह् जिनू यहूदियों ऐ बिश्वाष ने करी, तिन्ऐं गऐर-यहूदी लोग भड़काऐ; अरह् तिनू लोगो के मंन दा, बिश्वाषी भाऐ-बंईणों खे बिरूध पय्दा करा के से तिनके बंऐरी बंणीं गुऐ।

प्रेरितो कै काम 17:1

तियों यात्रा कर्दे संत्त-पौलुस अरह् सीलास अम्‍फिपुलिस अरह् अपुल्लोनिया बाटी थिस्सलुनीकियों दे पंह्ईचे, तेथै ऐक यहूदी च़ौत्रा थिया।

प्रेरितो कै काम 17:10

बिश्वाषी भाई-बंईणों ऐ तेख्णी रात्ते-रात्त संत्त-पौलुस अरह् सीलास बिरीया नंगर खे डेयाल़ी दित्ते; अरह् तेथै पंह्ऊँचियों से यहूदियों के च़ौत्रें दे हुटे।

प्रेरितो कै काम 17:5

परह् यहूदी लोग तिन्दे लंई डाह्-जल़्ण शे जल़्दे लागे, अरह् तिन्ऐ बंईजारो के किऐ गुँण्डै की मंद्त्त शी भीड़ कंट्ठी करी; अरह् नंगर दे झ़गड़ै कराऐ, के तुऐ संत्त-पौलुस अरह् सीलास नंगर के च़ौत्रें के सहाँम्णें हाजिर कर्णो के मंतल्व शे से यासोन आदमी कागी आऐ पुज़ै।

प्रेरितो कै काम 20:4

पुर्रूस का बैटा सोपत्रुस, अरह् बिरीया नंगर का रंहणों वाल़ा; थिस्सलुनीके नंगर के अरिस्तर्खूस अरह् सेकुन्दुस; दिरबे नंगर का गायुस; तीमुथियुस अरह् आसिया नंगर के तुखिकुस अरह् त्रोफिमुस संत्त-पौलुस की गईलो ज़ाँदे लागे थिऐ।

प्रेरितो कै काम 21:27

जबे सात्त देसो पुरे हंदे लागे थिऐ, तअ आसिया ईलाके के यहूदियों ऐ संत्त-पौलुस देऊँठी दा देखियों बादे लोग दुरताऐ, अरह् तिन्ऐ लेल्याऐयों संत्त-पौलुस ऊडा थाँहम्बड़ा।

प्रेरितो कै काम 6:12

अरह् ऐशे दाँई लोगों के दाँने-माँने अरह् यहूदी निय्म के शिकाणों वाल़े लोग भड़्काणों पाछ़ी तिन्ऐं ऐक-दंम स्तिफनुस थाँहम्बड़ियों बड़ी खुम्ल़ी के सहाँम्णें आगु नींयाँ।

2 कुरिन्थियों 11:26

हाँव बार-बार यात्रा दा; नंदी के खत्रै दा; डाकूँ के खत्रै दा; आप्णें यहूदी भाई के खत्रै दा; गयर-यहूदियों के खत्रै दा; नंगरो के खत्रै दा; जाँगल़ों के खत्रै दा; सँमुन्द्रों के खत्रै दा; झूट्ठै भाईयों के बीच के खत्रै दा रूवा।