प्रेरितो कै काम 17:11 - Sirmouri

¹¹ ऐजे लोग तअ थिस्सलुनीकियों के यहूदियों शे जादा भले थिऐ, अरह् से बंडी हिछ़या शे प्रभू यीशू के बचन शुंणों थिऐ; अरह् तियों संच्चाई की जाँच-परख कंर्णों खे रोज पबित्र-ग्रन्थों का अध्यन कंरियों तिन्देंके खोज करह् थिऐ।

सिरमौरी नौवाँ नियम

¹¹ ऐजै लोग तौ थिस्सलुनीके शहर कै यहूदी लोगौ शै ठोगड़े थिए, औरौ तिनुऐ बौड़ै चाव शै वचन खै अपनोऊवा, औरौ हर रौज पवित्र शास्त्र पौरैशौ जांचदै रौवै कै ऐजी बातौ साची औसौ कै ना आथी।

प्रेरितो कै काम 17:11 ပူးပေါင်းရင်းမြစ်များ

मत्ती 13:23

सेजी आछी बोंद्री भूँम्मीं, जिंन्दो बींज़ बऐ थो, से सेजा आदमी असो, जुण्जा खुषख्बरी शुणों, अरह् तेसी बचन सम्झों ऐ, से सत्तिखे संईसारी दा षोंह् गुँणा, षाठ गुँणा, अरह् तीष गुँणा फल़ आँणो।”

लूका 1:2

जेष्णों के तिन्ऐं जुण्जे आगे ही शुभे ईनू बातो के दे:ख्णों वाल़े, अरह् बचन के सेवक थिऐ, तिन्ऐं ही आँमों तड़ी पईचाल़ी।

लूका 11:3

आँमों खे रोज की रोटी दे,

लूका 16:29

बाबा अब्राहम ऐ तैस्खे बुलो, ‘ऋषी मूसा अरह् ओकी ऋषियों की कताबी तिन कैई असो, से तिन्दें की ही शुँणों।’

लूका 24:44

तबे प्रभू यीशू ऐ चैले खे बुलो, “मुँऐं तुवाँरी गंईलो रंह्दे बख्त्ते तुओं खे का बुलो थियों; के जुण्जो किऐ ऋषी-मूसा खे भेंटे गुऐं अज्ञाँ-निय्म दो, अरह् ऋषियों के ग्रन्थों दो; अरह् भजन-संहिता दो मेरे बारे दो लिखी थो, सेजो बादो सब-कुछ़ पुरो हंणों जरूरी असो।”

यूहन्ना 3:21

परह् जुण्जा सच्चाई दा चालो, से पैयाषे के नंजीक आँव, ईन्देंखे के तेस्के करे अंदे आच्छे काँम-काज़ देखाई दे आँव, किन्देंखे के सेजे आछ़े काँम-काज़ पंण्मिश्वर की तरफ शे करे ज़ाँव।”

यूहन्ना 5:39

“तुँऐं लोग पबित्र-ग्रन्थों दो ऐजो जुओं, के तिन्दा अमर जीवन बसा अंदा असो; सेजे बादे पबित्र-ग्रन्थ मेरे ही बारे दे गुवाऐ-शाज़्त्त दियों;

प्रेरितो कै काम 10:33

तबे मुँऐ तेख्णीं तुओं कैई लोग डेयाल़े, अरह् तुँऐं ऐजो बैगे ही आछो करो, के तुऐं ईथै ईनकी गईलो आऐ; अरह् प्रभू! ऐं तुओं खे जुण्जी-जुण्जी अज्ञाँ देऐ थंई, तिन्दें शुँण्णों खे आमें बादे झुणें, पंण्मिश्वर के सहाँम्णें हाजिर असो।”

प्रेरितो कै काम 11:1

खास-चैले अरह् यहूदा ईलाके के बिश्वाषी भाऐं-बंईणों कैई ऐजा पता लागा, के गऐर-यहूदियों ऐ भे पंण्मिश्वर का बचन माँनी पाया।

प्रेरितो कै काम 17:1

तियों यात्रा कर्दे संत्त-पौलुस अरह् सीलास अम्‍फिपुलिस अरह् अपुल्लोनिया बाटी थिस्सलुनीकियों दे पंह्ईचे, तेथै ऐक यहूदी च़ौत्रा थिया।

प्रेरितो कै काम 2:41

तबे: तिन्ऐं संत्त-पतरस की तिनू बातो माँनी, अरह् नहाँण-नहाँव; अरह् तेसी ही देसे किऐ च़ींन हजार आदमी बिश्वाषी भाऐ-बंईणों आरी मीली गुऐ।

1 थिस्सलुनीकियों 1:6

तुँऐं बड़े कल़ेष दे पबित्र-आत्त्मा के मंजे आरी, बचन माँनींयों अमाँरी अरह् प्रभू की जैष्णी चाल चाल्दे लागे।

1 थिस्सलुनीकियों 2:13

ईन्देंखे आँमें भे पंण्मिश्वर का धन्यबाद सदा कर्दे रंह्, के जबे अमाँरे जाँणें पंण्मिश्वर की खुषख्बरी का बचन तुँओं कैई पईचा, तअ तुँऐं तेसी आदमी का ने; परह् पंण्मिश्वर का बचन जाँणा, (अरह् सत्तिखे ऐ ऐष्णों ही असो) तुँऐं भे माँनों; अरह् से तुँओं बिश्वाषी मुँझी जू बिश्वाष थंह्, ऐक दब-दबा बंणा अंदा रंह्।

2 थिस्सलुनीकियों 2:10

अरह् नाँष हंणों वाल़े खे अधर्म के साँत-भाँते, छल़-कप्ट आरी हंदा; किन्देंखे के तिन्ऐ संच्चाई शो प्यार ने करी, जिन्दें लंई तिन खे छुट्कारा भेंट्दा।

याकूब 1:21

बिचकी चाल-ढाल अरह् संईसारी कि बादी बुराई शे दुर्के रंह्, अरह् नरमाँऐं वाल़े बचन माँनें, जू तुँवारी सासो दे बऐं थुऐ, सेजे बचन माँनोंं, जू तुँवारी आत्त्मा खे मुँक्त्ति दियों।

1 पतरस 2:2

जेष्णें नुऐं जन्में नहाँन्ड़िया के दूधो की हिछ़या हों, तेष्णीं ही तुँऐं भे शुद्ध आत्त्मिक दूध की हिछ़या करह्; तिन्दे लई तुँवारी बड़ोत्री अरह् छूट्कारा हों।